ព័ត៌មានអន្ដរជាតិ
យោធាមីយ៉ាន់ម៉ាវាយប្រហារច្រឡំចំគ្នាឯងរបួស ១៩ នាក់
យ៉ាងហោចណាស់ទាហាន ១៩ នាក់ រួមទាំងមេបញ្ជាការម្នាក់បានរងរបួសយ៉ាងធ្ងន់ធ្ងរ បន្ទាប់ពីយោធាមីយ៉ាន់ម៉ា បានច្រឡំធ្វើការវាយប្រហារដោយយន្តហោះគ្មានមនុស្សបើកមកលើកងកម្លាំងរបស់ខ្លួនឯង អំឡុងពេលការប្រយុទ្ធគ្នាដ៏ខ្លាំងក្លាជាមួយទាហាន Arakan Army (AA) នៅទីក្រុង Kyaukphyu រដ្ឋ Rakhine កាលពីថ្ងៃទី ១៣ខែកក្កដា។
យោងតាមការចេញផ្សាយរបស់ Mizzima News ទាហានមីយ៉ាន់ម៉ាកំពុងធ្វើប្រតិបត្តិការនៅជិតភូមិ Gonechwain ប៉ុន្តែពួកគេត្រូវបានកំណត់អត្តសញ្ញាណខុសថាជាអ្នកប្រយុទ្ធរបស់ Arakan Army (AA) ហើយត្រូវបានវាយប្រហារដោយយន្តហោះគ្មានមនុស្សបើករបស់ទាហាគ្នាឯង។
របាយការណ៍ក្នុងស្រុកមួយចំនួននិយាយថា ចំនួនទាហានដែលរងរបួស ឬស្លាប់អាចនឹងមានច្រើនជាងនេះ ដោយអាចមានអ្នកស្លាប់ដល់ទៅ ១០ នាក់។ កំហុសនេះបង្ហាញពីភាពច្របូកច្របល់កាន់តែខ្លាំងឡើងនៅក្នុងជួរយោធា ខណៈដែលពួកគេប្រឈមមុខនឹងការវាយប្រហារយ៉ាងខ្លាំងពី AA ។
គួរបញ្ជាក់ថាដើម្បីទប់ទល់នឹងការវាយលុករបស់ AA យោធាបានបញ្ជូនកងកម្លាំងជាង១០០០នាក់ទៅកាន់ទីក្រុង Kyaukphyu ចាប់តាំងពីខែមីនាមក។ ទោះបីជាយ៉ាងណាក៏ដោយ កងវរសេនាតូចក្នុងស្រុកកំពុងជួបការលំបាក ដោយអង្គភាពមួយចំនួននៅជិតដួលរលំ ហើយទាហានត្រូវបានគេរាយការណ៍ថាបានរត់គេចខ្លួន។
ការវាយប្រយុទ្ធគ្នានៅតែមានភាពតានតឹង ជាពិសេសនៅជុំវិញកងវរសេនាតូចលេខ៣២ ដែលក្រុម AA បន្តការវាយប្រហារ។ របបយោធាកំពុងពឹងផ្អែកលើកាំភ្លើងធំពីកងវរសេនាតូចនៅក្បែរនោះ ដើម្បីពន្យាការឈានទៅមុខរបស់ពួកឧទ្ទាម។ អ្នកវិភាគនិយាយថា AA កំពុងបន្តរក្សាការវាយលុកនេះ ខណៈពេលដែលកងកម្លាំងយោធាកំពុងជាប់គាំងនៅក្នុងការប៉ុនប៉ងដ៏លំបាកមួយដើម្បីផ្លាស់ប្តូរពីការការពារទៅជាការវាយបកវិញ៕
អត្ថបទ៖ ប៊ុន សុភាព
-
ព័ត៌មានជាតិ១ សប្តាហ៍ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៤ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៥ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៣ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានជាតិ៧ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ១១ ម៉ោង agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន