កាម៉ាឡា ហារីស ដកខ្លួនពីបេក្ខភាពអភិបាលរដ្ឋកាលីហ្វ័រញ៉ាឆ្នាំក្រោយ តែនឹងនៅឈរឈ្មោះជាប្រធានាធិបតីឆ្នាំ២០២៨

អតីតអនុប្រធានាធិបតីអាមេរិកលោកស្រី កាម៉ាឡា ហារីស (Kamala Harris) បានប្រកាសថាលោកស្រីនឹងមិនឈរឈ្មោះជាអភិបាលរដ្ឋកាលីហ្វ័រញ៉ានៅឆ្នាំ ២០២៦ទេ ដោយបញ្ចប់ការរំពឹងទុកជាច្រើនខែអំពីចលនានយោបាយបន្ទាប់របស់លោកស្រី។ នេះបើយោងតាមការចេញផ្សាយរបស់សារព័ត៌មាន​AP នៅថ្ងៃទី៣១ខែកក្កដា។

នៅក្នុងសេចក្តីថ្លែងការណ៍មួយ លោកស្រី ហារីស បាននិយាយថា លោកស្រីបានពិចារណាយ៉ាងស៊ីជម្រៅលើការឈរឈកមោះ ប៉ុន្តែបានជ្រើសរើសផ្តោតលើការជួយគណបក្សប្រជាធិបតេយ្យទូទាំងប្រទេស និងស្វែងរកមធ្យោបាយផ្សេងទៀតដើម្បីបម្រើសាធារណៈជននៅខាងក្រៅការិយាល័យបោះឆ្នោត។

ទោះយ៉ាងណាលោកស្រី ហារីស ដែលបានកាន់តំណែងក្នុងរដ្ឋអស់រយៈពេលជាង ២០ ឆ្នាំមកហើយ មិនបានបដិសេធក្នុងការឈរឈ្មោះជាប្រធានាធិបតីម្តងទៀតនៅឆ្នាំ២០២៨ នោះទេ ទោះបីជាលោកស្រីបានចាញ់ការបោះឆ្នោតនៅឆ្នាំ ២០២០ និងនៅឆ្នាំ ២០២៤ក៏ដោយ។ ។

គួរបញ្ជាក់ថាទោះបីជា លោកស្រី ហារីស បានបង្កើតប្រវត្តិសាស្ត្រជាស្រ្តីអាហ្រ្វិក-អាមេរិកទីមួយ និងអនុប្រធានាធិបតីអាស៊ី-អាមេរិកដំបូងគេក៏ដោយ ក៏អនាគតនយោបាយរបស់លោកស្រីនៅតែមិនប្រាកដប្រជា បន្ទាប់ពីលោកស្រីចាញ់លោក ដូណាល់ ត្រាំ ក្នុងការបោះឆ្នោតឆ្នាំ ២០២៤។ យ៉ាងណាក៏ដោយ អ្នកគាំទ្រជឿថា លោកស្រីនៅតែជាឥស្សរជនជាតិដ៏រឹងមាំ ជាមួយនឹងការចូលរួមចំណែកក្នុងតួនាទីដឹកនាំនាពេលអនាគត៕

អត្ថបទ៖ ប៊ុន សុភាព