ព័ត៌មានអន្ដរជាតិ
ថៃ ផ្ទុះឆ្លងកូវីដជាចង្កោមក្នុងកន្លែងកម្សាន្ត និងពន្ធនាគារ មុនបុណ្យចូលឆ្នាំថ្មី
មន្ត្រីសុខាភិបាលថៃបានបិទកន្លែងកម្សាន្តនៅទីក្រុងបាងកកកាលពីថ្ងៃចន្ទ បន្ទាប់ពីមានការផ្ទុះឡើងនូវករណីឆ្លងជំងឺកូវីដ ១៩ នៅក្នុងតំបន់រាត្រីក្នុង និងជុំវិញរដ្ឋធានី និងមួយផ្សេងទៀតនៅពន្ធនាគារភាគខាងត្បូង ។
លោកស្រី Apisamai Srirangsan អ្នកនាំពាក្យមជ្ឈមណ្ឌលគ្រប់គ្រងស្ថានភាពជំងឺកូវីដ ១៩ (CCSA) បាននិយាយថា ករណីឆ្លងថ្មីនៃជំងឺកូវីដ ១៩ ចំនួន ១៩៤ ត្រូវបានបញ្ជាក់ដែលភាគច្រើនមកពីកន្លែងកម្សាន្តនៅទីក្រុងបាងកក និងពីពន្ធនាគារខេត្ត Narathiwat ។ មជ្ឈមណ្ឌលបញ្ជាឲ្យបិទកន្លែងរាត្រីដែលរងផលប៉ះពាល់នោះរហូតដល់ការបាញ់ថ្នាំសម្លាប់មេរោគត្រូវបានធ្វើរួចរាល់ ។
មន្ត្រីសុខាភិបាលបាននិយាយថា ពួកគេកំពុងពិចារណាបញ្ជាឲ្យបិទកន្លែងកម្សាន្តនៅទីក្រុងបាងកករយៈពេលពីរសប្តាហ៍ដើម្បីព្យាយាមបញ្ឈប់ការរីករាលដាលនៃវីរុស ។
ទន្ទឹមនោះរដ្ឋាភិបាលទីក្រុងបាងកកបានប្រកាសឈ្មោះទីកន្លែងដែលពាក់ព័ន្ធ និងបានជំរុញឲ្យប្រជាជនដែលចូលក្នុងទីតាំងនោះរយៈពេលមួយខែកន្លងមកនេះដើម្បីធ្វើតេស្តរកជំងឺកូវីដ ១៩ ។
ការផ្ទុះឡើងនេះបានកើតឡើង នៅមុនថ្ងៃឈប់សម្រាកនៃពិធីបុណ្យសង្រ្កាន្តចូលឆ្នាំថ្មីនៅពាក់កណ្តាលខែមេសា ដែលជាធម្មតាគេសង្កេតឃើញមានប្រជាជនធ្វើដំណើរចេញពីទីក្រុងទៅលេងសាច់ញាតិនៅតាមខេត្តផ្សេងៗ ហើយជាទូទៅត្រូវបានគេប្រារព្ធពេញមួយសប្តាហ៍ ។ ថ្ងៃឈប់សម្រាកផ្លូវការត្រូវបានពន្យារពេលកាលពីឆ្នាំមុន ពីព្រោះវាបានកើតឡើងភ្លាមៗ បន្ទាប់ពីរលកឆ្លងដំបូងនៃជំងឺកូវីដ ១៩ ក្នុងប្រទេសថៃ ។
នៅទីក្រុងបាងកកផងដែរសាលាអន្តរជាតិជាច្រើនបានសម្រេចផ្អាកថ្នាក់មនុស្សចូលរៀនជាច្រើនថ្ងៃ បន្ទាប់ពីសាលារៀនមួយបានរាយការណ៍រកឃើញករណីឆ្លងវីរុសនេះ ។
ចំណែកនៅខេត្ត Narathiwat នាយកដ្ឋានកែតម្រូវបានប្រកាសហាមប្រាមរយៈពេលមួយខែលើដំណើរទៅពន្ធនាគារដែលចាប់ផ្តើមនៅថ្ងៃចន្ទ បន្ទាប់ពីអ្នកទោស និងមន្ត្រីនៅពន្ធនាគារខេត្តចំនួន ១២០ នាក់បានឆ្លងជំងឺនេះ ។
គួរបញ្ជាក់ថា គិតត្រឹមពេលនេះប្រទេសថៃមានករណីឆ្លងជំងឺកូវីដ ១៩ សរុបចំនួន ២៩,៥៧១ ករណី និងមានអ្នកស្លាប់ចំនួន ៩៥ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ ថៃ អនុញ្ញាតឲ្យរៀបចំពិធីបុណ្យចូលឆ្នាំថ្មី តែក្រុមគ្រូពេទ្យព្រួយបារម្ភ
ចុចអាន ៖ ខណៈកូវីដផ្ទុះខ្លាំងឡើងវិញ ថៃ ហាមមិនឲ្យលេងបាញ់ទឹកដាក់គ្នាក្នុងពិធីបុណ្យចូលឆ្នាំថ្មី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង