ព័ត៌មានអន្ដរជាតិ
ខណៈកូវីដផ្ទុះខ្លាំងឡើងវិញ ថៃហាមមិនឲ្យលេងបាញ់ទឹកដាក់គ្នាក្នុងពិធីបុណ្យចូលឆ្នាំថ្មី
ក្រុមការងារពិសេសនៃជំងឺកូវីដ ១៩ របស់ថៃបាននិយាយនៅថ្ងៃសុក្រនេះថា ខ្លួននឹងហាមឃាត់ការពិធីបាញ់ទឹកដាក់គ្នាតាមដងផ្លូវសម្រាប់ឆ្នាំទី ២ ដែលតែងតែកើតឡើងក្នុងអំឡុងពេលប្រារព្ធពិធីបុណ្យសង្ក្រាន្តចូលឆ្នាំថ្មីនាពេលខាងមុខដោយសារជំងឺរាតត្បាត ។
ពិធីបុណ្យចូលឆ្នាំថ្មីនេះធ្វើឡើងចាប់ពីថ្ងៃទី ១៣ ដល់ថ្ងៃទី ១៥ ខែមេសា ហើយជាធម្មតាហ្វូងមនុស្សតាមដងផ្លូវបានប្រើកាំភ្លើងបាញ់ទឹក ឬបាញ់ទឹកចេញពីឡានដាក់គ្នាទៅវិញទៅមក ហើយត្រូវបានគេចាត់ទុកថាជាពិធីបុណ្យបាញ់ទឹកដាក់គ្នាធំបំផុតបំផុតរបស់ពិភពលោក ។
អ្នកនាំពាក្យក្រុមការងារពិសេសនៃជំងឺកូវីដ ១៩ របស់ថៃលោក Taweesin Wisanuyothin បានប្រាប់សន្និសីទកាសែតថា “ការបាញ់ទឹកដាក់គ្នានឹងមិនកើតឡើងក្នុងពិធីបុណ្យសង្រ្កានចូលឆ្នាំថ្មីនោះទេ ។ យើងត្រូវតែស្នើសុំឲ្យអ្នកសហការជាមួយយើង” ។
លោកបាននិយាយថា ពិធីជួបជុំដែលមានមនុស្សច្រើនក៏នឹងត្រូវបានហាមឃាត់ដែរ ខណៈប្រពៃណីនៃការចាក់ទឹកលើដៃរបស់មនុស្សចាស់ សកម្មភាពសាសនា និងការធ្វើដំណើររវាងខេត្តនានាដើម្បីទៅលេងសាច់ញាតិនឹងត្រូវបានអនុញ្ញាត ។
គួរបញ្ជាក់ថា គិតត្រឹមពេលនេះប្រទេសថៃមានករណីឆ្លងជំងឺកូវីដ ១៩ ចំនួន ២៧,៥៩៤ ករណី និងមានអ្នកស្លាប់ចំនួន ៩០ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ Bangkok Post
ចុចអាន ៖ ថៃ អនុញ្ញាតឲ្យរៀបចំពិធីបុណ្យចូលឆ្នាំថ្មី តែក្រុមគ្រូពេទ្យព្រួយបារម្ភ
ចុចអាន ៖ ថៃ បន្តរកឃើញអ្នកឆ្លងកូវីដ១០០ករណី និងអ្នកស្លាប់ម្នាក់ទៀត
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត