ទាហានថៃ បាញ់រះក្នុងខេត្តសុរិន្ទ បណ្តាលឲ្យរបួសអ្នកភូមិ

ទាហានថៃម្នាក់បានបើកការបាញ់រះនៅក្នុងស្រុក កាប់ឆឹង នៃខេត្តសុរិន្ទ ដោយបណ្តាលឲ្យអ្នកភូមិ ២នាក់រងរបួស។ នេះបើតាមការផ្សាយរបស់ទូរទស្សន៍ប៉ុស្តិ៍លេខ៧ថៃ នៅថ្ងៃសុក្រទី១៥ខែសីហាឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កងទ័ពជើងគោកថៃបានឲ្យដឹងថា ទាហានរូបនេះមានឈ្មោះ Ratthaphum Thepsiri មកពីកងពលថ្មើរជើងលេខ១៦២៣ បានចាប់ទាញកាំភ្លើង M16 មួយដើមនិងគ្រាប់មួយចំនួន ចេញពីប៉ុស្តិយាមទាំងកណ្តាលអធ្រាត្រដោយគ្មានការអនុញ្ញាត រួចក៏បាញ់រះជាង១០គ្រាប់ក្បែរវត្ត បានឃឿនកែវ។

តាមសេចក្តីរាយការណ៍ ទាហានរូបនេះ បានបាញ់១០គ្រាប់នៅម៉ោង ១២:៤៥នាទី និង២គ្រាប់ទៀតនៅម៉ោង ១២:៥៤នាទី។

ជនរងគ្រោះមាន២នាក់ ដែលម្នាក់ឈ្មោះ Anuwat Singchai អាយុ៣២ឆ្នាំ ត្រូវរបួសធ្ងន់ព្រោះគ្រាប់បាញ់ធ្លុះសួតខាងស្តាំ ចំណែកម្នាក់ទៀតឈ្មោះ Wutthana Naprakon អាយុ ៣៥ឆ្នាំ របួសជើងឆ្វេង។

ទោះបីជាយ៉ាងណាក៏ដោយ គេមិនទាន់ដឹងពីមូលហេតុដែលជំរុញឲ្យទាហានរូបនេះបើកការវាយប្រហារទេ ខណៈរូបគេកំពុងរត់គេចខ្លួន មិនទាន់ត្រូវបានរកឃើញឡើយ៕

អត្ថបទ៖ សុខ សុវណ្ណ

ចុចអាន៖ កងទ័ពថៃ បើកឆាកប្រយុទ្ធជាមួយក្រុមជួញដូរគ្រឿងញៀនមីយ៉ាន់ម៉ា នៅតំបន់ត្រីកោណមាស