ព័ត៌មានអន្ដរជាតិ

អធិការបតីអាល្លឺម៉ង់ បង្ហើបថា កិច្ចប្រជុំកំពូលពូទីន-ហ្សេលេនស្គី ធ្វើក្នុងពេល២សប្តាហ៍ទៀត

បានផុស

១០ ខែ មុន

នៅ

ថ្ងៃអង្គារ ១៩ សីហា ២០២៥

ដោយ

Chheang

ជំនួបទល់មុខគ្នាដ៏មានសក្តានុពលរវាងប្រធានាធិបតីរុស្ស៊ី លោក វ្ល៉ាឌីមៀរ ពូទីន និងប្រធានាធិបតីអ៊ុយក្រែន លោក វ៉ូឡូឌីមៀរ ហ្សេលេនស្គី អាចកើតឡើងក្នុងរយៈពេល២សប្តាហ៍ខាងមុខ។ នេះបើយោងតាមការបង្ហើបឲ្យដឹងពីអធិការបតីអាល្លឺម៉ង់ លោក Friedrich Merz បន្ទាប់ពីកិច្ចចរចាកម្រិតខ្ពស់នៅសេតវិមានកាលពីថ្ងៃទី១៨ខែសីហាឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Merz បាននិយាយថា ទីតាំងនៅមិនទាន់ត្រូវបានគេជ្រើសរើសនៅឡើយទេ ហើយលោកបានបញ្ជាក់ទៀតថា ក្នុងអំឡុងពេលសម្រាកនៅក្នុងកិច្ចប្រជុំ «ប្រធានាធិបតីអាមេរិកបាននិយាយជាមួយប្រធានាធិបតីរុស្ស៊ីតាមទូរសព្ទ ហើយបានយល់ព្រមថានឹងមានកិច្ចប្រជុំរវាងប្រធានាធិបតីរុស្ស៊ី និងប្រធានាធិបតីអ៊ុយក្រែន ក្នុងរយៈពេលពីរសប្តាហ៍ខាងមុខ»។

លោកបន្ថែមថា «យើងមិនដឹងថាតើប្រធានាធិបតីរុស្ស៊ីនឹងមានភាពក្លាហានក្នុងការចូលរួមកិច្ចប្រជុំកំពូលបែបនេះឬយ៉ាងណានោះទេ។ នោះហើយជាមូលហេតុដែលចាំបាច់ត្រូវមានការបញ្ចុះបញ្ចូល»។ ទន្ទឹមនោះ លោកក៏អះអាងដែរថា ក្រោយកិច្ចប្រជុំទ្វេភាគីនេះ ក៏នឹងមានជំនួបត្រីភាគីរវាងលោក ត្រាំ-ពូទីន និងហ្សេលេនស្គី។

សូមជម្រាបថា នេះជាលើកដំបូងហើយដែលមេដឹកនាំរុស្ស៊ី បានយល់ព្រមជួបជាមួយសមភាគីអ៊ុយក្រែនទល់មុខគ្នា ក្រោយការចាប់ផ្ដើមសង្គ្រាមនៅក្នុងខែកុម្ភៈឆ្នាំ២០២២៕

លោក វ៉ូឡូឌីមៀរ ហ្សេលេនស្គី និងលោក វ៉្លាឌីមៀរ ពូទីន (រូបថត៖ Reuters)

ដោយ៖ ឈាង

ចុចអាន៖ ត្រាំ ប្រកាសផែនការសម្រាប់កិច្ចប្រជុំកំពូលពូទីន-ហ្សេលេនស្គី

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា