ព័ត៌មានអន្ដរជាតិ

ជម្លោះផ្ទៃក្នុងថៃ នាំឲ្យលោក Phumtham ឈានដល់ការប្ដឹងផ្ដល់ អ្នកវិភាគនយោបាយមួយរូប

បានផុស

១១ ខែ មុន

នៅ

ថ្ងៃព្រហស្បតិ៍ ២១ សីហា ២០២៥

ដោយ

នាយករដ្ឋមន្ត្រីស្តីទីថៃ Phumtham Wechayachai កំពុងចាត់វិធានការតាមផ្លូវច្បាប់លើលោក Thanaporn Sriyakul នាយកវិទ្យាស្ថានវិភាគនយោបាយ ពីបទបរិហារកេរ្តិ៍ ប្រើសម្តីមិនទទួលខុសត្រូវ និងធ្វើឲ្យប៉ះពាល់ដល់សេចក្តីថ្លៃថ្នូររបស់អ្នកដទៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាម thethaiger លោក Phumtham Wechayachai បានប្រគល់សិទ្ធដោយអនុញ្ញាតឲ្យមេធាវីរបស់លោកប្តឹងលោក Thanaporn Sriyakul ដែលជានាយកវិទ្យាស្ថានវិភាគនយោបាយ ពីបទបរិហារកេរ្តិ៍ តាមរយៈការផ្សាយពាណិជ្ជកម្មមួយ។

នៅក្នុងសន្និសីទកាសែត ក្រុមអ្នកយកព័ត៌មានបានសួរលោកថា តើលោកនឹងឈប់ប្ដឹងដែរទេ បើភាគីខាងលោក Thanaporn សុំទោសជាសាធារណៈ។ លោក Phumtham បានឆ្លើយថា វាជាបញ្ហារបស់មេធាវីរបស់លោក ដូចដែលលោកបានចាត់ឲ្យរួចហើយ កាលពីថ្ងៃទី ២០ ខែសីហា។

ចំពោះថា តើគាត់នឹងដាក់ពាក្យបណ្តឹងបន្ថែមទៀតឬយ៉ាងណានោះ លោកបញ្ជាក់ថា អ្វីក៏ដោយដែលហួសហេតុពេក ធ្វើការនិយាយមិនទទួលខុសត្រូវ ធ្វើឲ្យខូចកិត្តិយសអ្នកដ៏ទៃ និងបង្កភាពច្របូកច្របល់ពីបញ្ហារបស់ប្រទេសនោះ លោកនឹងប្តឹងភ្លាមៗ ដោយមិនបង្អង់យូរឡើយ។

ជាពិសេសនៅក្នុងករណីខាងលើនេះ លោក Phumthamបានបញ្ចាក់ថា ប្រសិនបើការចោទនោះនាំឲ្យខូចកិត្តិយសគ្រួសារអ្នកណាម្នាក់នឹងប្តឹង។ បើការរិះគន់នោះគឺជាការល្អគឺមិនថ្វីទេ ប្រសិនបើវាមិនស្មោះត្រង់ និងរួមបញ្ចូលទាំងព័ត៌មានមិនពិត វាជាអ្វីដែលគួរទទួលខុសត្រូវ។ អ្នករិះគន់គួរសួរថា តើការរិះគន់នោះផ្អែកលើអង្គហេតុ និងខ្វះភ័ស្តុតាងអ្វី? មិនមែនសួរជនរងគ្រោះនោះទេ៕

អត្ថបទ៖ សាង ស្រីល័ក្ខ

ចុចអាន៖បុរសជប៉ុន ផ្តល់សេវាបរិច្ចាគមេជីវិតឈ្មោល ឬការបង្កាត់ពូជមិនគិតថ្លៃ ជួយស្ត្រីឲ្យមានផ្ទៃពោះគ្រប់គ្នា