ព័ត៌មានអន្ដរជាតិ

ស្លាប់១០នាក់ ទាំងនៅថៃ និងវៀតណាម ដោយសារខ្យល់ព្យុះបង្កជាទឹកជំនន់ និងបំណាក់ដី

បានផុស

១១ ខែ មុន

នៅ

ថ្ងៃព្រហស្បតិ៍ ២៨ សីហា ២០២៥

ដោយ

Chheang

គិតត្រឹមថ្ងៃទី២៨ខែសីហាឆ្នាំ២០២៥នេះ យ៉ាងហោចណាស់មនុស្ស ១០នាក់បានស្លាប់នៅក្នុងប្រទេសវៀតណាម និងប្រទេសថៃ បន្ទាប់ពីឥទ្ធិពលនៃព្យុះត្រូពិច Kajiki បាននាំមកនូវទឹកជំនន់ និងការបាក់ដីយ៉ាងធ្ងន់ធ្ងរនៅក្នុងតំបន់ជាច្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅប្រទេសវៀតណាម ទឹកជំនន់បានកើតឡើងនៅក្នុងខេត្តភាគខាងជើង និងកណ្តាលមួយចំនួន ដែលប្រព័ន្ធផ្សព្វផ្សាយរដ្ឋបានរាយការណ៍ថាមានមនុស្សស្លាប់ចំនួន ៧នាក់។ មនុស្សម្នាក់នៅតែបាត់ខ្លួន និង ៣៤នាក់បានរងរបួស បន្ទាប់ពីភ្លៀងកម្ពស់ជិត ២០សង់ទីម៉ែត្របានធ្លាក់ពេញមួយយប់នៅភាគឦសាន។

ចំណែកឯនៅប្រទេសថៃ ភ្លៀងធ្លាក់ខ្លាំងបានបង្កជាទឹកជំនន់នៅខេត្តភាគខាងជើង ដែលនាំឲ្យមនុស្ស៣ស្លាប់ក្នុងភូមិ Pang Ung ឃុំ Mae Suek ស្រុក Mae Chaem។ អាជ្ញាធរបានរាយការណ៍ថា មនុស្ស ៦នាក់កំពុងបាត់ខ្លួនបន្ទាប់ពីការបាក់ដីបានបំផ្លិចបំផ្លាញភូមិតូចមួយក្នុងខេត្តឈៀងម៉ៃ ខណៈអ្នករងរបួសមាន ១៥នាក់។

ភ្លៀងធ្លាក់ខ្លាំងគឺជាផ្នែកមួយនៃឥទ្ធិពលនៃព្យុះត្រូពិច Kajiki ដែលបានបោកបក់នៅភាគកណ្តាលប្រទេសវៀតណាមតាំងពីថ្ងៃចន្ទ ដោយបង្ខំឲ្យមនុស្សរាប់ម៉ឺននាក់ត្រូវជម្លៀសចេញ។ ព្រឹត្តិការណ៍នេះបង្ហាញពីការកើនឡើងហានិភ័យអាកាសធាតុនៅក្នុងតំបន់។ ការសិក្សាឆ្នាំ២០២៤បានព្រមានថា ផ្ទៃសមុទ្រដែលកើនឡើងកម្ដៅដោយសារបម្រែបម្រួលអាកាសធាតុកំពុងបង្កឲ្យព្យុះស៊ីក្លូនប្រមូលផ្ដុំកាន់តែនៅជិតដីគោក បក់បោកកាន់តែលឿន និងមានរយៈពេលប៉ះពាល់កាន់តែយូរ ដែលបង្កើនគ្រោះថ្នាក់សម្រាប់ប្រជាជននៅតាមតំបន់ឆ្នេរសមុទ្រ៕

ដោយ៖ ឈាង