Anutin រុះរើរូបសំណាកមុខវិមានរដ្ឋាភិបាលចោល ដោយសារជំនឿ ខ្លាចប៉ះតំណែងដូចអ្នកមុន

យោងតាមប្រព័ន្ធផ្សព្វផ្សាយ thethaige កាលពីថ្ងៃទី ២៦ កញ្ញា បានរាយការណ៍ថា នាយករដ្ឋមន្រ្តីថៃ Anutin Charnvirakul បានផ្លាស់ប្តូររូបសំណាកអាទិទេព Narasingh ត្រឡប់ទៅខាងមុខអគាររដ្ឋាភិបាល Thai Khu Fa វិញ ក្រោមហេតុផលថា ខ្លាចប៉ះពាល់ដល់តំណែងដូចអ្នកមុនៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការផ្លាស់ទីលំនៅនេះបង្ហាញពីការវិលត្រឡប់នៃនិមិត្តសញ្ញាដ៏សំខាន់ទៅកាន់វិមានរដ្ឋាភិបាល ដោយវាវិលត្រឡប់ទៅទីតាំងដើមវិញ ក្នុងអំឡុងរដ្ឋាភិបាលរបស់ឧត្តមសេនីយ Prayut Chan-o-cha ដែលឆ្លុះបញ្ចាំងពីឥទ្ធិពលនយោបាយ និងសាសនានៃជំនឿដ៏ងុបងល់របស់រដ្ធាភិបាលថៃ។

ប្រព័ន្ធផ្សព្វផ្សាយជាច្រើនក៏បានរាយការណ៍ទៀតថា ហេតុផលសំខាន់សម្រាប់ការផ្លាស់ប្តូររូបសំណាក Narasingha ត្រឡប់ទៅយ៉រនៃអគារ Thai Khu Fa ដែលជាទីស្នាក់ការនាយករដ្ឋមន្ត្រី ពោលគឺដើម្បីដាក់និមិត្តសញ្ញានៃការការពារឡើងវិញ និងផ្តល់យុថ្កាខាងវិញ្ញាណសម្រាប់អ្នកដែលធ្វើការនៅវិមានរដ្ឋាភិបាលឲ្យមានចិត្តមាំទាំ កុំឲ្យមានចិត្យបែកខ្ញែក។

មិនតែប៉ុណ្ណោះ លោក Anutin ក៏ជឿជាក់ទៅលើ​ជំនឿ​នៃរូបសំណាក់នេះ គឺជា​អាទិទេព​ដែល​សម្លាប់​បិសាច​។ ដូច្នេះ ទីតាំងដ៏លេចធ្លោរបស់វានៅខាងក្រៅអគារ ជានិមិត្តរូបនៃការបង្រ្កាបអំពើអាក្រក់ និងភាពរឹងមាំនៃការគ្រប់គ្រង ដែលធ្វើឲ្យសាធារណជនមើលឃើញ។

ដូច្នេះហើយ ​សកម្មភាព​របស់​នាយករដ្ឋមន្រ្តីថៃថ្មីថោងរូបនេះ មិន​មែន​គ្រាន់តែ​ជា​ការ​រំកិល​វត្ថុ​នោះ​ទេ។ ប៉ុន្តែវាគឺជាការស្ដារឡើងវិញនូវនិមិត្តសញ្ញា និងជំនឿប្រពៃណីរបស់វិមានរដ្ឋាភិបាល ដែលអនុញ្ញាតឲ្យវាដើរតួយ៉ាងសំខាន់ម្តងទៀតជា អាណាព្យាបាលរបស់រដ្ឋាភិបាល។ ជាពិសេស ទីតាំងរូបសំណាក់មុនបានបំផ្លាញតំណែងរបស់នាយករដ្ឋមន្រ្តីថៃមុនៗឲ្យធ្លាក់ខ្ពាក់ ក្លាយជាជនសម្អប់របស់ប្រជាជន ដែលនាំហេតុនាំឲ្យពួកគេកាន់តំណែងមិនយូរ៕

អត្ថបទ៖ សាង ស្រីល័ក្ខ

ចុចអាន៖នារីម្នាក់លក់ក្រចកដៃក្នុងតម្លៃខ្ពស់ សង្ស័យប្រើក្នុងឱសថបុរាណចិន