Boonsin Padklang ក្លាយជាអង្គរក្សពិសេសរបស់ស្ដេចថៃ

គេហទំព័ររាជកិច្ច​ព្រះមហាក្សត្រ​ថៃ  Royal Gazette កាលពីថ្ងៃទី២៦ ខែកញ្ញា ឆ្នាំ២០២៥ បានផ្សព្វផ្សាយព្រះរាជក្រឹត្យ ដោយបានតែងតាំងឧត្តមសេនីយទោ Boonsin Padklang ជាឆ្មាំរាជពិសេស និងជាកងអង្គរក្សពិសេសប្រចាំព្រះរាជវាំង។

យ៉ាងណា ការតែងតាំងអតីតមេបញ្ជាការ​ភូមិ​​ភាគ​២នេះ ស្របពេលដែលស្ដេចថៃ ត្រាស់បង្គាប់ឲ្យដកតំណែងឧត្តមសេនីយ៍ឯក Chakthip Chaijinda និងឧត្តមសេនីយ៍ឯក Adul Boonthamcharoen ពីមុខតំណែងជាឆ្មាំពិសេសរបស់វាំងថៃ ដែលបទបញ្ជាមួយនោះបានចូលជាធរមាន កាលពីថ្ងៃទី ១៥ ខែកញ្ញា ឆ្នាំ ២០២៥មកម្ល៉េះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកាសនេះគឺផ្អែកលើអំណាចនៃច្បាប់សន្តិសុខឆ្នាំ ២០១៧, ច្បាប់ឆ្មាំភូមិន្ទឆ្នាំ ១៩៣៧, ច្បាប់មន្ត្រីនគរបាលនៃឆ្នាំ ១៩៥២ និងបទបញ្ជារបស់ក្រសួងការពារជាតិស្តីពីការតែងតាំងឆ្មាំភូមិន្ទឆ្នាំ ២០១៦ ដែលរៀបរាប់អំពីសិទ្ធិអំណាចក្នុងការតែងតាំងនិងបណ្តេញចេញ។

មិនតែប៉ុណ្ណោះ ក្រៅពីលោក Boonsin Padklang ព្រះមហាក្សត្រ​ថៃបាន​ត្រាស់​បង្គាប់​តែងតាំង​មន្ត្រី​ និង​នគរបាល​ចំនួន ៣៨ នាក់ ជា​ឆ្មាំ​ពិសេស និងជាកងអង្គរក្សពិសេសប្រចាំរាជវាំងថៃដូចគ្នា៕

អត្ថបទ៖ សាង ស្រីល័ក្ខ

ចុចអាន៖Anutin រុះរើរូបសំណាកមុខវិមានរដ្ឋាភិបាលចោល ដោយសារជំនឿ ខ្លាចប៉ះតំណែងដូចអ្នកមុន