ព័ត៌មានអន្ដរជាតិ
ពូទីន៖ ទំនាក់ទំនងអាមេរិក-រុស្ស៊ី អាចរលាយ បើ Tomahawk ត្រូវបានបញ្ជូនទៅអ៊ុយក្រែន
ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានព្រមានថា ការបញ្ជូនមីស៊ីល Tomahawk ផលិតដោយសហរដ្ឋអាមេរិក ទៅកាន់ប្រទេសអ៊ុយក្រែន អាចបំផ្លាញទំនាក់ទំនងរវាងទីក្រុងមូស្គូ និងទីក្រុងវ៉ាស៊ីនតោន។
ថ្លែងទៅកាន់អ្នកឆ្លើយឆ្លងព័ត៌មានរដ្ឋកាលពីថ្ងៃទី៥ខែតុលាឆ្នាំ២០២៥ លោក ពូទីន បាននិយាយថា ការសម្រេចចិត្តណាមួយរបស់សហរដ្ឋអាមេរិកក្នុងការផ្តល់ឲ្យទីក្រុងកៀវ នូវអាវុធរយៈចម្ងាយឆ្ងាយ នឹងធ្វើឲ្យប៉ះពាល់ដល់ការកែលម្អទំនាក់ទំនងទ្វេភាគីដ៏ផុយស្រួយរវាងមហាអំណាចទាំងពីរ។
មេដឹកនាំវ័យ៧២ឆ្នាំរបស់រុស្ស៊ី បានលើកឡើងថា «នេះនឹងនាំឲ្យមានការបំផ្លាញទំនាក់ទំនងរបស់យើង ទោះយ៉ាងហោចណាស់ និន្នាការវិជ្ជមានដែលទើបបានចាប់ផ្តើមលេចឡើងនៅក្នុងទំនាក់ទំនងទាំងនោះក៏ដោយ»។ លោកបានបន្ថែមថា ស្ថានការណ៍អាក្រក់ល្អ «មិនអាស្រ័យលើយើងតែម្នាក់នោះទេ ហើយមិនមែនមកពីខ្ញុំតែឯងនោះដែរ»។
របាយការណ៍បញ្ជូនមីស៊ីលក្នុងរយៈពេលប៉ុន្មានសប្តាហ៍ថ្មីៗនេះ បានបង្ហាញថា រដ្ឋបាលលោក ត្រាំ កំពុងថ្លឹងថ្លែងថាតើត្រូវផ្គត់ផ្គង់មីស៊ីល Tomahawk ដល់អ៊ុយក្រែនដែរឬក៏យ៉ាងណា។ ប្រភពពីមន្ត្រីជាន់ខ្ពស់អាមេរិក បានបញ្ជាក់ថា សេតវិមានកំពុងពិចារណាជម្រើសនេះ រួមជាមួយនឹងផែនការផ្តល់ព័ត៌មានសម្ងាត់ដល់អ៊ុយក្រែន សម្រាប់ការវាយប្រហារដែលអាចកើតមានលើហេដ្ឋារចនាសម្ព័ន្ធថាមពលរបស់រុស្ស៊ី។
ការជជែកដេញដោលពី Tomahawk នេះ កើតឡើងនៅពេលដែលអ៊ុយក្រែនបន្តទាមទារអាវុធរយៈចម្ងាយឆ្ងាយ ដើម្បីវាយប្រហារគោលដៅជ្រៅនៅក្នុងទឹកដីរុស្ស៊ី ខណៈដែលទីក្រុងមូស្គូបានព្រមានម្តងហើយម្តងទៀតថា សកម្មភាពបែបនេះនឹងបង្ហាញពីការកើនឡើងជម្លោះដ៏ធំមួយ៕
ដោយ៖ ឈាង
-
ព័ត៌មានអន្ដរជាតិ១ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
កីឡា៥ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៤ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
អត្ថាធិប្បាយ៦ ថ្ងៃ agoវិចារណកថាចក្ខុវិស័យកែទម្រង់យោធាកម្ពុជា៖ ពីកម្លាំងបរិមាណ ឆ្ពោះទៅកងទ័ពជំនាញឌីជីថល និងមនសិកាការពារជាតិ
-
ព័ត៌មានអន្ដរជាតិ១១ ម៉ោង agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានអន្ដរជាតិ៦ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache
-
ព័ត៌មានអន្ដរជាតិ២ ម៉ោង agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS
-
ព័ត៌មានអន្ដរជាតិ៥ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត