ពពោះ គួរចៀសវាងអាហារ ភេសជ្ជៈទាំងនេះ ព្រោះ...
Connect with us
Helistar Cambodia - Helicopter Charter Services

សុខភាព

ពពោះ គួរចៀសវាងអាហារ ភេសជ្ជៈទាំងនេះ ព្រោះ…

បានផុស

នៅ

ពេល​មាន​ផ្ទៃ​ពោះ ប្រព័ន្ធ​ភាព​ស៊ាំ​រាង​កាយ​ និង​ប្រព័ន្ធ​រំលាយ​អាហារ យើង​នឹង​ចុះ​ទន់​ខ្សោយ ងាយ​នឹង​មានបញ្ហា​សុខភាព​កើត​ឡើង ដោយ​សារ​អាហារយើង​ញ៉ាំ​ណាស់។ គ្នាយើង​ដឹង​អត់? បើ​ញ៉ាំ​អាហារ​មិន​ត្រឹម​ត្រូវ ​មិន​ត្រឹម​តែ​ធ្វើ​ឲ្យ​មាន​បញ្ហា​ឈឺ​ចុក​ចាប់​ប៉ុណ្ណោះ​ទេ កូនយើង​ក្នុង​ផ្ទៃ ក៏​រងផល​ប៉ះពាល់​​ដែរ។ ដើម្បី​សុវត្ថិភាពគ្នា​យើង​ និងគភ៌​ក្នុង​ផ្ទៃ នេះជាអាហារ ភេសជ្ជៈ​មួយ​ចំនួន គ្នា​យើង​មិន​គួរ​ញ៉ាំ​ពេល​ពពោះ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១- ស្រា​ក្រឡុក

Jekyll and Hyde Club's Sweet Poison Cocktail Recipe

ស្រីៗ​ជា​ច្រើន​ជឿ​ថា ​ស្រា​ក្រឡុក​មិន​ធ្វើ​ឲ្យ​​ប៉ះ​ពាល់​ដល់​សុខភាព​នោះ​ទេ ប៉ុន្តែ​អ្នក​ជំនាញ​សុខាភិបាល បាន​ច្រាន​ចោល​គំនិត​នេះ។ អ្នក​ជំនាញមក​ពី​វិទ្យាស្ថាន​ផ្នែក​ជំងឺ​កុមារ ក៏​ដូច​ជា​​សមាគម​គ្រូពេទ្យ​សម្ភព​ និង​រោគ​ស្ត្រី នៅ​អាមេរិក លើក​ឡើង​ថា អំឡុង​ពេល​ពពោះ ត្រឹម​កម្រិត​ជាតិ​អាល់កុល​តែ​បន្តិច​ ក៏​រាប់​ថា​មិន​មាន​សុវត្ថិភាព​ដែរ។ ជំនួសឲ្យ​​ស្រា​ក្រឡុក ស្រីៗ​គ្នា​យើង​ គួរផឹកទឹក​ផ្លែ​ឈើ លាយ​ជាមួយ​ទឹក​សូដា (Sparkling Water) អាច​បន្ថែម​ជាមួយ​​ជីអង្កាម និង​ដាក់​ក្នុង​កែវ​របស់​ស្រា​ក្រឡុក​វិញ។ ទាំង​នេះ ​គឺ​គ្រប់​គ្រាន់​សម្រាប់​សុខភាព ពិសេស​​បង្កើត​បរិយាកាសរីក​រាយ​​នៅ​ថ្ងៃឈប់​សម្រាក​បាន។

២- ភេសជ្ជៈ Eggnog

Eggnog Recipe | Alton Brown | Food Network

Eggnog ជាភេសជ្ជៈ​មួយ​ប្រភេទ ក្រឡុក​លាយ​ជាមួយ​ ស៊ុត ស្ករ និង​ស្រា ហើយ​ទោះ​បី​លាយ​ជាមួយ​ស្រា ​ឬមិន​លាយ​​ក៏​ដោយ ក៏​មិន​ល្អ​សម្រាប់គ្នា​យើង​កំពុង​ពពោះ​ដែរ។ មូល​ហេតុ​ គឺ​ថា ភេសជ្ជៈ​ប្រភេទ​នេះ ត្រូវ​លាយ​ជា​មួយ​ស៊ុត​ឆៅ ឬ​មិន​បាន​ចម្អិន​ឆ្អិន​ល្អ ​អាច​មាន​បាក់តេរី សាម៉ុនណែឡា (Salmonella bacter) ដែល​ជា​បាក់តេរី​បង្ក​ជំងឺ​គ្រុន​ពោះវៀន ផ្ទុក​នៅ​ក្នុង​នោះ។ ​បើ​គ្នា​យើង​​ចូល​ចិត្ត​ភេសជ្ជៈ​នេះ​ខ្លាំង ​គួរ​តែ​ទិញ​ភេសជ្ជៈ​នេះ​ ដែល​ផលិតចេញ​ពីរោង​ចក្រ ព្រោះ​វា​ផលិត​ឡើង​ដោយ​បាន​សម្លាប់​មេរោគ​លើ​ស៊ុត​ ដូច​នេះ​ហើយ ​អាច​មាន​សុវត្ថិភាព។ នេះ​បើ​យោង​តាមមជ្ឈមណ្ឌល​ការពារ​ និង​គ្រប់​គ្រង​ជំងឺ នៅ​អាមេរិក។

៣- ទឹក​ប៉ោម

Mulled Apple Juice Recipe by Archana's Kitchen

ទឹក​ប៉ោម​ស្រស់ ក៏​​ជា​ភេសជ្ជៈ​​គួរ​ចៀសវាង​ដូច​គ្នា​ ព្រោះ​​ទឹក​ប៉ោម​​ធ្វើ​ខ្លួន​ឯង ​មិន​បាន​សម្លាប់​មេរោគ អាច​មាន​បាក់តេរី ដូច​ជា E.Coli និង Salmonella នៅ​ក្នុង​នោះ​បាន។ គួរ​ចៀស​វាង​ភេសជ្ជៈនេះ​ ឬ​​អាច​រកទិញ​ទឹក​ប៉ោម ផលិត​ និង​សម្លាប់​មេរោគ​បាន​តាមទី​​ផ្សារបាន។ ផ្ទុយ​ទៅ​វិញ ​យើង​អាច​ញ៉ាំ​ផ្លែ​ប៉ម​ស្រស់ ព្រោះ​ជួយ​សុខភាព​ពេល​ពពោះ កាន់​តែ​ល្អ។

៤- សាច់​មាន់ Turkey

How to cook a turkey - BBC Good Food

មិន​មែន​មាន​ន័យ​ថា​ ស្រីៗ​ពពោះ មិន​អាច​ញ៉ាំ​សាច់​សត្វ​មាន់​នេះ​បាន​ទេ​ ប៉ុន្តែ​ក៏​មិន​ត្រូវ​ញ៉ាំ​សាច់​មាន់​ទួរគី ចម្អិនមិន​ឆ្អិនល្អ​ដែរ។ ​អាច​ញ៉ាំ​ ​បាន​​បើ​សាច់​ខាង​ បាន​ចម្អិនក្នុង​​សីតុណ្ហភាព ៧៤ ​អង្សារ​សេ។ សាច់​សត្វ​ស្លាប ចម្អិន​មិន​ល្អ​អាច​មាន​បាក់តេរី​ និង​ប៉ារាស៊ីត ​ដូច​ជា E. Coli Trichinella និង​ Toxoplasma។

៥- សាច់ស្មា ឬសាច់ទ្រូង (Brisket)

Best Smoked Beef Brisket Recipe | Oklahoma Joe's Australia

ដូច​ទៅ​នឹង​សាច់​មាន់​ទួរគី សាច់សត្វ​ត្រង់ស្មា និងទ្រូង គឺ​មិន​មាន​សុវត្ថិភាព​គ្រប់​គ្រាន់ទេ ​បើ​មិន​បានចម្អិត​ឲ្យ​​ដល់​សីតុណ្ហភាព ៧៤​ អង្សារ​សេ ព្រោះ​បាក់តេរី​នៅ​ខាង​ក្នុង មិន​បាន​សម្លាប់​អស់នៅ​ឡើយ។

៦- ឈីស​ទន់

Aged Cheese List

ឈីស​ទន់ ជា​ទូទៅ​មាន​ដាក់​នៅតាម​​កន្លែងអាហារ​ប៊ូហ្វេ។ ទោះយ៉ាង​នេះ​ក្ដី ស្រីៗ​មាន​ផ្ទៃ​ពោះ​ អាច​រីករាយ​ញ៉ាំ​វាបាន​ បើ​សិន​ឈីស​ទាំង​នោះ​បាន​សម្លាប់​មេរោគ។ ឈីស​ អាច​​ផលិត​ឡើង​ដោយ​ទឹកដោះ​គោ​ស្រស់ និង​អាច​មាន​ជំងឺ​​បង្ករ​ដោយ​បាក់តេរី​ក្នុង​ទឹក​ដោះ (Listeria) ហើយ​បើ​ទោះ​ជំងឺ​នេះ​ មិន​ងាយ​ឆ្លង​ចំពោះ​មនុស្ស​ទូទៅ​ក៏​ពិត​មែន ប៉ុន្តែ​ចំពោះ​ស្រីព​ពោះ ងាយ​ឆ្លង​ជំងឺ​ដល់​ទៅ ១៣​ដង បើ​ធៀប​នឹងគ្នា​យើង​គ្មាន​ផ្ទៃ​ពោះ។ ផ្ទុយ​ទៅ​វិញ ឈីស​​រឹង ​គឺ​មាន​សុវត្ថិភាព​ជាង ដូច​នេះ ​គួរ​ញ៉ាំ​ឈីសរឹង​វិញ​ល្អ​ជាង។

៧- អាហារ​សល់

How Long Are Leftovers Good For?

យោង​តាម នាយកដ្ឋាន​សុវត្ថិភាពចំណី​អាហារ នៃ​ក្រសួង​កសិកម្មអាមេរិក គ្រប់​អាហារ​ដែល​នៅ​ក្នុង​បន្ទប់​មាន​សីតុណ្ហភាព​ធម្មតា ច្រើន​ជាង ២ម៉ោង គួរ​តែ​កុំ​ញ៉ាំអី។ អាហារ​ប៊ូហ្វេនៅ​តែ​ភោជនីយដ្ឋាន ​ច្រើន​តែ​ទុក​ចោល​នៅ​ខាង​ក្រៅ ច្រើន​ម៉ោង ដោយ​មិន​គិត​ពី​គ្រោះ​ថ្នាក់ ចំពោះ​គ្នា​យើង​ដែល​ញ៉ាំ​នោះ​ទេ។ ដូច​នេះ អាហារ​នៅ​សល់ គួរ​តែ​ទុក​ក្នុង​ទូទឹក​កក ឲ្យ​​លឿន​តាម​ដែល​អាច​ធ្វើ​បាន ដើម្បី​ប្រាកដ​ថា​ គ្នា​យើង​កំពុងពពោះ មាន​បញ្ហា​សុខភាពដោយ​សារ​តែអាហារ​ទាំង​នោះ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ផលប៉ះពាល់​នៃ​ដុំ​ស្បូន​ដល់​ស្ត្រី​មាន​ផ្ទៃពោះ និង​គភ៌​!

ចុចអាន៖ ញ៉ាំស៊ុបមាន់បំប៉នរាល់ថ្ងៃ ផ្តល់ប្រយោជន៍ច្រើន ពិសេសជួយឲ្យប្រព័ន្ធការពាររឹងមាំ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ៦ នាទី មុន

Bhullar ចង់​ក្លាយ​ជា​កីឡាករ​ឥណ្ឌា​ដំពុង​យក​ខ្សែក្រវាត់ពិភពលោក​​ទៅ​ស្រុក​វិញ

ព័ត៌មានជាតិ១១ នាទី មុន

សម្តេច​តេ​ជោ បញ្ចេញ​ស្បៀងអាហារ​ចែកជូន​ពលរដ្ឋ ច្រើន មិន​ធ្លាប់មាន ក្នុង​គោលបំណង​តែមួយគត់ គឺ​ចង់អោយ​ប្រជាពលរដ្ឋ​មាន​ភាពសុខសាន្ត និង​ចៀស​ផុតពី​កូ​វីដ​-១៩

ព័ត៌មានជាតិ៣០ នាទី មុន

រយៈពេល៤ខែ កម្ពុជានាំចេញផ្លែស្វាយស្រស់ជាង១៤ម៉ឺន តោនទៅកាន់ទីផ្សារក្រៅប្រទេស

កូវីដ-១៩៣១ នាទី មុន

អ្នកធ្លាប់ពាក់ព័ន្ធអ្នកវិជ្ជមានកូវីដ-១៩ ៤៤៥រូបនេះ សូមរួសរាន់ធ្វើតេស្ត និងចត្តាឡីស័ក

កូវីដ-១៩៥១ នាទី មុន

មិន​មើល​នឹង​ភ្នែក​ឡើយ! តួឯក​ប្រុស​រឿង បុព្វេសន្និវាស ចូលរួម​បរិច្ចាគ​ថវិកា ៦ខ្ទង់ ដល់​ជន​រងគ្រោះ​ដោយ​កូវីដ

Sokha Hotels

ព័ត៌មានពេញនិយម

Helistar Cambodia - Helicopter Charter Services