អ្នកជំនាញណែនាំភេសជ្ជៈ ៥ មុខ ជួយឲ្យគេងលក់ស្រួលបំផុត

ការផឹកតែ ឡាតេរមៀត ឬទឹកដោះគោក្តៅឧណ្ហៗជួយបន្ធូរសរសៃប្រសាទ ជួយឲ្យរាងកាយផលិតអរម៉ូនមេឡាតូនីន ដែលគ្រប់គ្រងការគេង និងគេងលក់ស្រួលជាងមុន។

ទឹកផ្លែឆឺរីជូរជួយឲ្យគេងលក់ស្រួល ជាពិសេសចំពោះអ្នកដែលគេងមិនលក់ជាប្រចាំ។ ផ្លែឆឺរីជូរជួយឲ្យរាងកាយស្រូបយក និងប្រើប្រាស់ទ្រីបតូហ្វានបានកាន់តែប្រសើរ អាស៊ីតអាមីណូដែលពាក់ព័ន្ធនឹងការផលិតសេរ៉ូតូនីន ដែលជាសារធាតុបញ្ជូនសរសៃប្រសាទដែលពាក់ព័ន្ធនឹងការគេង។

ទឹកដោះគោក្តៅឧណ្ហៗមានផ្ទុកទ្រីបតូហ្វាន ដែលនៅពេលចូលទៅក្នុងខ្លួន នឹងត្រូវបានបំប្លែងទៅជាមេឡាតូនីន អរម៉ូនដែលគ្រប់គ្រងវដ្តនៃការគេង និងភ្ញាក់។ មេឡាតូនីនជួយឲ្យគេងលក់ស្រួល ជួយក្នុងការកាត់បន្ថយជំងឺដូចជាការគេងមិនលក់ ភាពតានតឹង ឬជំងឺចង្វាក់ circadian។ ទឹកដោះគោក្តៅឧណ្ហៗដើម្បីនាំមកនូវអារម្មណ៍រីករាយដល់បំពង់ក ខណៈពេលដែលជួយឲ្យរាងកាយសម្រាកបានកាន់តែច្រើន។

ឡាតេរមៀតអាចជាជម្រើសជំនួសទឹកដោះគោក្តៅឧណ្ហៗមុនពេលចូលគេង ដែលស័ក្តិសមសម្រាប់អ្នកដែលមានការមិនអត់ឱនចំពោះជាតិឡាក់តូស។ រមៀតមានលក្ខណៈសម្បត្តិប្រឆាំងនឹងការរលាក ការរលាករ៉ាំរ៉ៃត្រូវបានផ្សារភ្ជាប់ជាមួយនឹងជំងឺគេងមិនលក់។ ភេសជ្ជៈនេះអាចផលិតចេញពីទឹកដោះគោបន្លែក្តៅឧណ្ហៗ បន្ថែមរមៀត ទឹកឃ្មុំ និងគ្រឿងទេសបន្តិចបន្តួចដូចជាក្លិនឈុន ឬជីអង្កាម។

ទឹកចម្រោះក៏ជាជម្រើសដ៏ល្អមួយផងដែរ ពីព្រោះការខ្វះទឹកត្រូវបានផ្សារភ្ជាប់ជាមួយនឹងរយៈពេលគេងខ្លី។ ផឹកទឹកឲ្យបានគ្រប់គ្រាន់ នៅពេលថ្ងៃ រក្សាការគេងឲ្យបានល្អ ប៉ុន្តែគួរតែកំណត់ការផឹកទឹកច្រើននៅជិតពេលចូលគេង ដើម្បីជៀចៀសវាងការនោមនៅពេលយប់។

តែ Chamomile មិនត្រឹមតែកាត់បន្ថយការរលាក និងជួយដល់សុខភាពស្បែកប៉ុណ្ណោះទេ ប៉ុន្តែវាថែមទាំងធ្វើអោយប្រសើរឡើងនូវគុណភាពនៃការគេងផងដែរ។ ជាពិសេស តែនេះវាមិនមានផ្ទុកជាតិកាហ្វេអ៊ីនទេ ដូច្នេះវាជាភេសជ្ជៈស្រាលៗ ដែលជួយឲ្យរាងកាយសម្រាក និងងងុយគេងបានយ៉ាងងាយស្រួល៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ទទួលទានជ្រក់បែបណា ទើបជួយសម្រកទម្ងន់