សុខភាព
មកដឹងមូលហេតុ ដែលបណ្ដាលឲ្យទារកកើតមកមិនគ្រប់ខែ!
ទារកកើតមិនគ្រប់ខែ គឺជាទារកទាំងឡាយ ដែលសម្រាលមិនគ្រប់៣៧សប្តាហ៍ ឬអាយុតិចជាង២៥៩ថ្ងៃ។
ក) មូលហេតុសំខាន់ៗដែលបណ្តាលឲ្យទារកកើតមិនគ្រប់ខែ៖
– ស្ត្រីមានផ្ទៃពោះច្រើនដង
– ម្តាយមានរោគរលាកតម្រងនោម ផ្តាសាយធំ រលាកស្រោមទឹកភ្លោះ បែកទឹកភ្លោះមុនកំណត់ សុកពាំងមាត់ស្បូន
– ម្តាយឡើងសម្ពាធឈាមខ្ពស់នូវត្រីមាសចុងក្រោយ មានជំងឺ ទឹកនោមផ្អែម ជំងឺបេះដូង ជំងឺរលាកសួតស្រួចស្រាវ
– ករណីខ្លះគ្រោះថ្នាក់ចរាចរណ៍ដែលតម្រូវឲ្យកើតមុន៣៧សប្តាហ៍។
ខ) ការធ្វើរោគវិនិច្ឆ័យទៅលើទារកមិនគ្រប់ខែ៖
– ស្ត្រីចាំច្បាស់នូវរដូវចុងក្រោយ
– ការពិនិត្យអេកូផ្ទៃពោះនៅត្រីមាសទី១
– ការពិនិត្យទារកដោយគ្រូពេទ្យកុមារ
ចំណុចទាំង៣ខាងលើ អាចឲ្យគ្រូពេទ្យកំណត់អាយុរបស់ទារកបានត្រឹមត្រូវ។
គ) ទារកកើតមិនគ្រប់ខែមានផលវិបាកច្រើនទៅលើគ្រប់សរីរាង្គ៖
– សួតៈ សួតទារកមានលក្ខណៈមិនពេញលេញ ជំងឺសួតស្អិត (Hyaline membrane disease) ដែលធ្វើឲ្យទារកហត់ដង្ហក់ បបូរមាត់ស្វាយដែលទាមទារការសង្គ្រោះបន្ទាន់ដោយម៉ាស៊ីនជំនួយដង្ហើម និងឱសថមួយចំនួន។
– បេះដូងៈ សរសៃឈាមបេះដូងបិទមិនជិតដែលនៅចំហរហូត (Patent Ductus Arteriosus) ដែលនាំឲ្យមានផលវិបាកដល់ការរំលាយអាហារ និងប្រព័ន្ធដកដង្ហើម។
– ប្រព័ន្ធរំលាយអាហារៈ សរីរាង្គសម្រាប់រំលាយអាហារ (ក្រពះ ពោះវៀនតូច ពោះវៀនធំ…) មិនទាន់មានសមត្ថភាពរំលាយទឹកដោះម្តាយ ឬទឹកដោះគោ បានពេញលេញដើម្បីលូតលាស់បានល្អនៅឡើយ។
– ខួរក្បាលៈ ទារកអាចមានបញ្ហាហូរឈាមខួរក្បាល (Brain hemorrhage) អាចមិនទាន់ដកដង្ហើមបានល្អ គេធ្វើរោគវិនិច្ឆ័យបានដោយអេកូខួរក្បាល អាចរកឃើញថា មានហូរឈាមខួរក្បាលឬអត់។
– ប្រព័ន្ធបន្សាំរបស់ទារកមិនពេញលេញៈ ទារកងាយទទួលរងការបង្ករោគជាងទារកធម្មតា
– ស្ទើរតែគ្រប់ទារកមិនគ្រប់ខែ ច្រើនតែមានខាន់លឿងដែលទាមទារការព្យាបាលត្រឹមត្រូវ និងទាន់ពេលវេលា
– ទារកមិនគ្រប់ខែ ច្រើនមានសភាពស្លេកស្លាំង ដែលពេលខ្លះទាមទារការបញ្ចូលឈាម
ឃ) កត្តាអ្វីខ្លះដែលអាចកាត់បន្ថយផលវិបាករបស់ទារកកើតមិនគ្រប់ខែ?
កត្តាដែលអាចកាត់បន្ថយរួមមានៈ
– ស្ត្រីមានផ្ទៃពោះគ្រប់រូបត្រូវមកពិនិត្យផ្ទៃពោះឲ្យបានទៀងទាត់ ជាមួយគ្រូពេទ្យជំនាញផ្នែកសម្ភព ដើម្បីតាមដានការលូតលាស់របស់ទារកក្នុងផ្ទៃ។
– គួរជ្រើសរើសមន្ទីរសម្ភព ដែលមានសេវាសង្គ្រោះទារកនៅជិតជាការប្រសើរដើម្បីគ្រូពេទ្យសម្ភព និងគ្រូពេទ្យកុមារសហការគ្នាជួយសង្គ្រោះមាតា និងទារកទាន់ពេលវេលា។
– ក្នុងករណីគំរាមសម្រាលមិនគ្រប់ខែ គ្រូពេទ្យអាចឲ្យដំបូន្មាន ដើម្បីសម្រាកឲ្យបានច្រើន និង ញុំាអាហារដែលមានជាតិកាល់ឡូរីខ្ពស់។
“ ផ្នែកប្រពោធនកម្មទារកនៃមន្ទីរកាល់ម៉ែត ជាមួយក្រុមការងារជំនាញប្រកបដោយបទពិសោធន៍ខ្ពស់ ទាំងវេជ្ជបណ្ឌិតឯកទេស និងគិលានុបដ្ឋាក-យិកា និងគ្រប់ផ្នែកពាក់ព័ន្ធទាំងអស់ រីករាយនិងផ្តល់ជាអនុសាសន៍ដែលជាអត្ថប្រយោជន៍សម្រាប់ការជួយសង្គ្រោះទារកបានទាន់ពេលវេលា ”៕
អត្ថបទ៖ រស្មី
សូមចុចអាន៖ សារៈសំខាន់នៃការសង្គ្រោះទារកបន្ទាប់ពីសម្រាលភ្លាមៗ!
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៥ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង