សុខភាព
ប្រសិនបើមានលេចចេញនូវរោគសញ្ញាកូវីដ-១៩ ក្រោយពីជាសះស្បើយ
បន្ទាប់ពីជាសះស្បើយដោយសារកូវីដ-១៩ អ្នកជំងឺខ្លះបានជាដាច់ទាំងស្រុង ខណៈអ្នកខ្លះបន្តមានរោគសញ្ញាមួយចំនួនដូចពេលកំពុងផ្ទុកវីរុសដែរ។ តាមការសិក្សាខ្លះលើកឡើងថា អ្នកជំងឺមួយចំនួនមានបញ្ហាប្រសាទ (បាត់រសជាតិ ក្លិន សំឡេង) រយៈពេលពី ៦ សប្ដាហ៍ទៅ ៣ ខែ និងមួយចំនួនទៀតប្រឈមការបាក់ទឹកចិត្តពី ៦-៨ ខែ។
ចំណែកឯរោគសញ្ញាទូទៅដែលអ្នកជំងឺបន្តលេចឡើងញឹកញាប់ជាងគេ ទោះបីបានចេញពីមន្ទីរពេទ្យហើយក្ដីមានដូចជា អស់កម្លាំង ឈឺសាច់ដុំ ដង្ហើមខ្លី ក្អក និងវិលមុខ។ល។
តើគួរធ្វើបែបណា ទើបរោគសញ្ញាទាំងនេះឆាប់ធូរស្រាល?
ដើម្បីត្រឡប់រកភាពប្រក្រតីវិញបានលឿន អ្នកជំងឺត្រូវអនុវត្តគោលការណ៍សុខភាពមូលដ្ឋានគឺ កំណត់របបអាហារត្រឹមត្រូវ ធ្វើលំហាត់ប្រាណទៀងទាត់ និងសម្រាកឱ្យគ្រប់គ្រាន់។ នេះបើតាមសម្ដី វេជ្ជបណ្ឌិត Reshma Tewari នាយកផ្នែកថែទាំនៃមន្ទីរពេទ្យ Artemis ប្រទេសឥណ្ឌា។
ចុះប្រសិនរោគសញ្ញានៅតែបន្តច្រើនថ្ងៃរហូតដល់ក្លាយជាខែ គួរធ្វើយ៉ាងម៉េច?
អ្នកជំនាញណែនាំឱ្យធ្វើចត្តាឡីស័ក បើសិនអាការមិនធូរស្រាកស្រាន្ត។ ហើយបើរោគសញ្ញានៅតែបន្តដដែលក្រោយ ១៤ ថ្ងៃ គ្រូពេទ្យជំរុញឱ្យធ្វើតេស្តរកកូវីដម្ដងទៀត ព្រោះអ្នកអាចមិនទាន់ជាដាច់ ឬជាករណីលាប់ឡើងវិញ។
អ្វីដែលត្រូវធ្វើបន្ថែម ក្រោយជាសះស្បើយកូវីដ-១៩
មជ្ឈមណ្ឌលគ្រប់គ្រងនិងបង្ការជំងឺ (CDC) សហរដ្ឋអាមេរិកទូន្មានថា បន្ទាប់ពីអ្នកជំងឺជាសះស្បើយពុំចាំបាច់ទទួលវ៉ាក់សាំងលឿនពេកទេ។ ជាទូទៅ ក្រោយជាពីជំងឺរយៈ២-៣ សប្ដាហ៍ អ្នកអាចចាក់វ៉ាក់សាំងបានហើយ តែយកល្អគួររង់ចាំ ៩០ ថ្ងៃសិន សឹមចាក់វ៉ាក់សាំងការពារ COVID-19 ។ ក្នុងករណីអ្នកមិនមានបញ្ហាសុខភាពធ្ងន់ធ្ងរឬមិនមែនជាបុគ្គលប្រឈមហានិភ័យខ្ពស់ អាចពន្យាពេលដល់ ៦ ខែក្រោយ សឹមចាក់វ៉ាក់សាំងក៏បាន៕
ប្រែសម្រួល៖ សន្យា
ប្រភព៖ The India EXPRESS
ចុចអាន៖ វេជ្ជបណ្ឌិតជំនាញ៖ រោគសញ្ញាកូវីដ-១៩ អាចបន្តមានរយៈពេល ៦ សប្តាហ៍ បន្ទាប់ពីធ្វើតេស្ត
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ