សុខភាព
មានវ៉ាក់សាំងគ្រប់ ៣ ដូសហើយ តែបើមើលស្រាលឬប្រហែសខ្លួន អ្នកនៅតែឆ្លង Delta ដដែល
ខណៈនេះ ការផ្ដល់វ៉ាក់សាំងដូសទី ៣ ឬដូសជំរុញប្រភេទ sinovac ដល់ពលរដ្ឋស្ថិតនៅខណ្ឌទាំង ១១ ក្នុងរាជធានីភ្នំពេញ កំពុងចាប់ផ្ដើមជាបណ្ដើរៗហើយ។ ទោះយ៉ាងណា ប្រសិនបើប្រជាជនគ្រប់គ្នាបានចាក់វ៉ាក់សាំងគ្រប់៣ដូសក៏ដោយ ក៏មិនត្រូវធ្វេសប្រហែសឬមើលស្រាលស្ថានការណ៍ ហើយដើរហើរគ្រប់ទីកន្លែង ដោយគ្មានគម្លាតនិងការរក្សាអនាម័យតាមខ្លួន។
ដោយឡែក លោក ម៉ម ប៊ុនហេង រដ្ឋមន្ត្រីក្រសួងសុខាភិបាល និងជាប្រធានគណៈកម្មការអន្តរក្រសួង ដើម្បីប្រយុទ្ធនឹងជំងឺកូវីដ១៩ ធ្លាប់បានថ្លែងកាលពីអំឡុងប៉ុន្មានខែមុនថា ទោះបីមន្ត្រីរាជការកងកម្លាំងសមត្ថកិច្ច និងប្រជាពលរដ្ឋទូទៅ កាលបើបានចាក់វ៉ាក់សាំង ដូសទី៣ រួចរាល់ហើយ សូមអនុវត្តនូវអនុសាសន៍របស់រាជរដ្ឋាភិបាល និងការណែនាំរបស់ក្រសួងសុខាភិបាល នូវវិធានការការពារទប់ស្កាត់កូវីដ ៣ការពារ ៣កុំ និងថែរក្សា អនាម័យបរិស្ថាន រក្សាគម្លាតពីគ្នាចាប់ពី ១.៥ម៉ែត្រ កាត់បន្ថយការជួបជុំ កុំទៅទីកន្លែងទីប្រជុំជន ត្រូវផ្អាកការរៀបចំអាពាហ៍ពិពាហ៍ ជួបជុំមិត្តភ័ក្ភផឹកស៊ីមានគ្នាច្រើន ហើយត្រូវលាងដៃជាមួយអាកុល ឬជែលឲ្យញឹកញាប់ជានិច្ច មិនត្រូវមានការធ្វេសប្រហែស ឬមើលស្រាលជំងឺណាមួយឡើយ។
បើប្រជាពលរដ្ឋស្រលាញ់ក្រុមគ្រួសារ ត្រូវចូលរួមទប់ស្កាត់ ការពារកុំឲ្យមានការឆ្លង ឬមានការរីករាលដាលឆ្លងចូលក្នុងសហគមន៍ និងក្រុមគ្រួសាររបស់យើង។ សូមអនុវត្តតាមការណែនាំរបស់រាជរដ្ឋាភិបាល និងការអប់រំរបស់ក្រសួងសុខាភិបាលទាំងអស់គ្នា ព្រោះថាជំងឺនេះមានហានិភ័យណាស់ វាអាចឆក់យកអាយុជីវិតយើងបាន បើយើងមើលស្រាលដោយយល់ឃើញថាចំនួនឆ្លងតិចៗរាល់ថ្ងៃនេះ។ ជាពិសេសត្រូវរួបរួមគ្នាទប់ស្កាត់វីរុសបំប្លែងខ្លួន Delta ដែលកំពុងរាតត្បាតក្នុងសហគមន៍យើងយ៉ាងរហ័សមិនគួរឲ្យជឿ។
ស្ថិតក្នុងដំណាក់កាលនេះ យើងត្រូវរួមសហការគ្នា ទទួលខុសត្រូវរៀងៗខ្លួន ទាំងទំនួលខុសត្រូវសង្គម និងទំនួលខុសត្រូវសម្រាប់គ្រួសារ ។ ឲ្យតែមិនមើលស្រាលជំងឺ និងចូលរួមចំណែកឲ្យបានពេញលេញ ក្នុងការអនុវត្តវិធានការដែលបានដាក់ចេញ នោះយើងគ្រប់គ្នានឹងអាចត្រលប់មកជីវិតធម្មតា រស់នៅមិនសូវភ័យខ្លាចវីរុស ចំពោះអ្នកជុំវិញខ្លួនទៀតឡើយ៕
អត្ថបទ៖ សាង ស្រីល័ក្ខ
ចុចអាន៖មានចំណុច ៣ ខ្លឹមនេះក្នុងខ្លួន ធានាថាដូសជំរុញ នឹងមានប្រសិទ្ធភាពកាន់តែខ្លាំងក្លាលើសមុន
-
ព័ត៌មានអន្ដរជាតិ១៦ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ