ហូបបែបនេះឲ្យទៀង ដឹងតែមិនងាយឈឺ
Connect with us
Helistar Cambodia - Helicopter Charter Services

សុខភាព

ហូបបែបនេះឲ្យទៀង ដឹងតែមិនងាយឈឺ

បានផុស

នៅ

ពេលបានហូបម្តងៗ ធ្វើឲ្យខ្លួនឯងសប្បាយចិត្ត តែបើហូបហើយ ឈឺនេះឈឺនោះ មិនខុសអីពីធ្វើបាបខ្លួនឯងទេ។ ទោះជាចូលចិត្តហូប តែកុំហូបផ្ដេសផ្ដាស ព្រោះអាចឈឺដោយសាររឿងអស់ហ្នឹងតែម្ដង។ “Hello គ្រូពេទ្យ” ណែនាំតិចនិក​រៀប​ចំ​របៀប​ញ៉ាំអាហារ ៩ យ៉ាង ដើម្បីមានសុខភាពល្អ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១- បន្លែ និងផ្លែឈើ

បន្លែ និងផ្លែឈី សម្បូរវីតាមីន និងសារធាតុរ៉ែល្អៗជាច្រើនសម្រាប់សុខភាព និងជួយប្រព័ន្ធរំលាយអាហារ។ បន្លែស្រស់ និងផ្លែឈើ គួរមានពាក់កណ្តាលក្នុងរបបអាហារប្រចាំថ្ងៃរបស់យើង ព្រោះវាជាអាហារល្អសម្រាប់សុខភាព អាចញ៉ាំបានគ្រប់រដូវកាល។

២- គ្រាប់ធញ្ញជាតិ

គ្រាប់ធញ្ញជាតិ ឬស្រូវសាឡីសុទ្ធ ១០០% មានសារធាតុចិញ្ចឹមក្នុងហ្នឹងស្រាប់ ហើយវាមានច្រើនជាងគ្រាប់ដែលចម្រាញ់រួច ពិសេសជាតិសរសៃ។ បន្ថែមគ្រាប់ធញ្ញជាតិសុទ្ធក្នុងអាហារ អាចជួយប្រព័ន្ធរំលាយអាហារ ដំណើរការប្រសើរជាងមុន។

៣- ទឹកដោះគោ

មុន ឬបន្ទាប់ពីញ៉ាំអាហារ គួរផឹកទឹកដោះគោមានជាតិខ្លាញ់ទាប ឬគ្មានជាតិខ្លាញ់។ ទឹកដោះគោនេះ មានវីតាមីន និងកាល់ស្យូមខ្ពស់ ហើយកុំបារម្ភពីកម្រិតកាឡូរី ឬជាតិស្ករ។ បើមិនចូលចិត្តទឹកដោះគោ អាចផឹកទឹកសណ្តែក ឬទឹកដោះគោជូរក៏បាន។

៤- ញ៉ាំប្រូតេអ៊ីនគ្មានខ្លាញ់

ត្រូវជ្រើសរើសអាហារសម្បូរប្រូតេអ៊ីន (សាច់) ជាងសាច់សម្បូរជាតិខ្លាញ់មិនល្អ។ ញ៉ាំឲ្យបានពីរដងក្នុងមួយសប្តាហ៍ និងគ្រឿងសមុទ្រ។

៥- កុំញុំាចំណីសម្បូរខ្លាញ់

ចៀសបានចៀសទៅ ប្រភេទអាហារចៀន និងទឹកជ្រលក់ ព្រោះយើងកំពុងបន្ថែមខ្លាញ់ទៅក្នុងខ្លួន។ ញ៉ាំអាហារស្ងោរ ឬអាហារឆ្អិនល្មម ល្អសម្រាប់សុខភាពជាង។

៦- គិតពីអ្វីថ្មីៗ

គ្រប់ពេលចូលចង្ក្រាន ពិសេសស្រីៗ ចង់បន្ថែមអ្វីថ្មីទៅក្នុងអាហារ ដូចជា សាច់ ដើម្បីឲ្យមានរសជាតិកាន់តែឆ្ងាញ់។ ករណីនេះ ស្មើនឹងកំពុងបន្ថែមជាតិខ្លាញ់ និងសូដ្យូមទៅក្នុងអាហារ ធ្វើឲ្យប៉ះពាល់សុខភាព។

សាកល្បងបន្ថែមបន្លែជំនួសវិញ អាចនាំសារធាតុចិញ្ចឹមជាច្រើនទ្រទ្រង់រាងកាយ ហើយរសជាតិកាន់តែឆ្ងាញ់ទៀត។

៧- គ្រប់គ្រងប្រភេទអាហារឲ្យល្អ

ពេលនៅផ្ទះ យើងអាចគ្រប់គ្រងជាតិខ្លាញ់ក្នុងអាហារបានល្អ។ ចុះពេលចេញក្រៅញ៉ាំ ធ្វើម៉េចវិញ? ពេលនេះយើងជាអ្នកសម្រេច ត្រូវជ្រើសប្រភេទអាហារស្ងោរ ចំហុយ ប្រសើរជាងប្រភេទចៀន ឬឆា។

៨- សាកអាហារថ្មីៗ

កុំស្ទាក់ស្ទើរញ៉ាំបន្លែ និងផ្លែឈើ ព្រោះវាល្អសម្រាប់សុខភាព ហើយគួរញ៉ាំយ៉ាងហោចណាស់ម្តងក្នុងមួយសប្តាហ៍។ បន្លែ ឬផ្លែឈើ សុទ្ធតែមានផលល្អ ទោះយើងមិនធ្លាប់ញ៉ាំពីមុន គួរសាកល្បងឲ្យបានគ្រប់យ៉ាង។

៩- អាហារផ្អែមៗ

បើចង់ញ៉ាំអាហារផ្អែមៗ អាចញ៉ាំផ្លែប៉ោម ដំណាប់ធ្វើខ្លួនឯង សាឡាដផ្លែឈើ ឬគ្រាប់ធញ្ញជាតិ ទើបល្អសម្រាប់សុខភាព៕

អត្ថបទផ្ដលដោយ៖ Hello Krupet

ចុចអាន៖ស្រីៗមិនចង់មានហានិភ័យមហារីកសុដន់ ល្មមភ្ញាក់ខ្លួន ងាកមកផ្ដោតអាហារក្រុមនេះវិញ

ចុចអាន៖ជំងឺ ៣ ប្រភេទគ្រោះថ្នាក់ខ្លាំងដល់ជីវិត ដែលបណ្ដាលមកពីការហូបអាហារកែច្នៃច្រើន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

អគ្គិភ័យ​បាន​ឆាបឆេះ​ផ្ទះ​ប្រជាពលរដ្ឋ​អស់​១​ខ្នង​ នៅ​ឃុំ​ខ្វាវ

ជីវិតកម្សាន្ដ៣ ម៉ោង មុន

អ៊ឹម ជីវ៉ា រំភើប​ស្រក់​ទឹកភ្នែក​ក្រោយ​ទទួល​បាន​កាដូ​ចិញ្ចៀនពេជ្រ​តម្លៃ​ជិត​១​ម៉ឺន​ដុល្លារ​

ព័ត៌មានជាតិ៤ ម៉ោង មុន

កម្ពុជា បើក​ជើងហោះហើរ​ត្រង់​ពី​ប្រទេស​ម៉ា​ឡេ​ស៊ី ឥណ្ឌូនេស៊ី និង​ហ្វីលីពីន​ឡើងវិញ

ព័ត៌មានជាតិ៤ ម៉ោង មុន

សុខ រ៉ាស៊ី ពោល​ពាក្យ​អស់សង្ឃឹម​លើ​ករណី​បណ្តឹង​របស់​ខ្លួន​ ខណៈ​ពឹង​តុលាការ​ក៏​គ្មាន​តម្រុយ​យុត្តិធម៌

ព័ត៌មានជាតិ៤ ម៉ោង មុន

រាជរដ្ឋាភិបាល​គ្រោង​ចំណាយ​ប្រមាណ ២.១២៨ លាន​ដុល្លារ​សម្រាប់​បន្ទុក​បុគ្គលិក​ក្នុង​ឆ្នាំ ២០២២

Sokha Hotels

ព័ត៌មានពេញនិយម

Helistar Cambodia - Helicopter Charter Services