សុខភាព

ជំងឺ ៣ ប្រភេទគ្រោះថ្នាក់ខ្លាំងដល់ជីវិត ដែលបណ្ដាលមកពីការហូបអាហារកែច្នៃច្រើន

បានផុស

៣ years មុន

នៅ

ថ្ងៃពុធ ១១ សីហា ២០២១

ដោយ

អាហារកែច្នៃគឺជាអាហារដែលត្រូវបានគេធ្វើឡើង ដើម្បីរក្សាម្ហូបអាហារតាមវិធីផ្សេងៗគ្នា។ អាហារកែច្នៃនីមួយៗដែលយើងបានហូបគឺមានរសជាតិឆ្ងាញ់ ប៉ុន្តែតើអ្នកទាំងអស់គ្នាដឹងទេថា ហូបអាហារទាំងនោះច្រើនពេក អាចបង្កគ្រោះថ្នាក់ដល់សុខភាព។

មានជំងឺមួយចំនួនដែលគួរឲ្យភ័យខ្លាចបំផុតគឺ៖

១ មហារីក

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាហារកែច្នៃជាធម្មតាមានប៉ូតាស្យូម នីត្រាត ដែលមានលក្ខណៈសម្បត្តិអភិរក្សដូចគ្នានឹងសារធាតុរក្សានីត្រាតនិងសូដ្យូមនីត្រាត ដែលរារាំងការលូតលាស់របស់បាក់តេរី។

ជាការពិត សារធាតុទាំងនេះត្រូវបានចាត់ថ្នាក់ជាសារជាតិបង្កមហារីក ប្រសិនបើរាងកាយត្រូវបានផ្តល់សារធាតុចិញ្ចឹមទាំងនេះយូរ វានឹងបង្កើនហានិភ័យនៃជំងឺមហារីកក្រពះ បំពង់អាហារ មហារីកពោះវៀនធំ និង ជំងឺមហារីកឈាម។

២ ធាត់ 

ដោយសារអាហារកែច្នៃភាគច្រើនមានផ្ទុកជាតិស្ករច្រើន ហើយជាតិស្ករគឺជាកត្តាសំខាន់មួយដែលបង្កឲ្យធាត់យ៉ាងងាយស្រួល។ ទោះបីជាស្លាកផលិតផលនៅជាប់នឹងប្រអប់អាហារកែច្នៃ មិនមានពាក្យថាស្ករនៅក្នុងគ្រឿងផ្សំក៏ដោយ ប៉ុន្តែគ្រប់អាហារអស់នោះ សុទ្ធតែមិនសូវជាល្អសម្រាប់សុខភាពឡើយ។

មិនថាវាជាគ្លុយកូស, fructose, sucroes, ទឹកឃ្មុំ ទឹកស៊ីរ៉ូ សារធាតុទាំងនេះក៏ត្រូវបានគេចាត់ទុកថា ជាជាតិស្ករ ដែលជាហេតុបណ្តាលឲ្យរាងកាយបញ្ចេញសារធាតុដូប៉ាមីន។ នៅពេលដែលរាងកាយត្រូវបានផ្តល់ជាតិស្ករជាទៀងទាត់ នោះនឹងធ្វើឲ្យសប្បាយចិត្ត។ នៅពេលរឿងនេះកើតឡើង រាងកាយត្រូវការជាតិស្ករគ្រប់ពេល ដែលប្រៀបដូចជាសារធាតុញៀន ហើយនៅពេលណាដែលយើងមានតម្រូវការក្នុងការទទួលទានអាហារប្រភេទនេះជាប្រចាំ វានឹងទទួលបានជាតិស្ករដែលអាចបណ្ដាលឲ្យធាត់។

៣ ជំងឺធ្លាក់ទឹកចិត្ត

ការសិក្សាមួយនៅប្រទេសអង់គ្លេសបានរកឃើញថា ការទទួលទានអាហារកែច្នៃច្រើនពេក អាចនាំឲ្យសុខភាពផ្លូវចិត្តកាន់តែអាក្រក់ និងប្រឈមមុខនឹងជំងឺបាក់ទឹកចិត្ត។ ដូចមនុស្សជាច្រើនបានដឹងរួចមកហើយថា នៅក្នុងអាហារកែច្នៃមានជាតិស្ករច្រើន វាអាចបំផ្លាញសេរ៉ូតូនីននៅក្នុងពោះវៀន។

សេរ៉ូតូនីនគឺជាសារធាតុដែលប៉ះពាល់ដល់អារម្មណ៍ និងជួយគ្រប់គ្រងអារម្មណ៍។ ទោះយ៉ាងណាក៏ដោយ នៅពេលដែលសេរ៉ូតូនីនទាបជាង វាអាចបណ្តាលឲ្យមានការថប់បារម្ភ ឬធ្លាក់ទឹកចិត្តកើតមានឡើង៕

ប្រែសម្រួល៖ សាង ស្រីល័ក្ខ

ចុចអាន៖កុំប្រហែសឲ្យសោះ! មូលហេតុដែលធ្វើឲ្យរាងកាយមានកង្វះជាតិដែក ប្រែជាស្លេកស្លាំង

ចុចអាន៖ទម្លាប់អាក្រក់ ៥ យ៉ាង បំផ្លាញសុខភាពដោយស្ងៀមស្ងាត់ គ្រោះថ្នាក់ដូចការជក់បារីដែរ