សុខភាព
ស្ត្រីមានបំណងយកកូន ចាក់វ៉ាក់សាំងកូវីដ គ្មានផលប៉ះពាល់ទេ ថែមទាំងអាច….(មានវីដេអូ)
ចំពោះស្ត្រីមានបំណងយកកូន ឬត្រៀមយកកូន អាចចាក់វ៉ាក់សាំងការពារកូវីដ-១៩ បាន ដោយមិនមានប៉ះពាល់ដល់ទារកក្នុងផ្ទៃនោះទេ តែផ្ទុយទៅវិញសរីរាង្គអាចបង្កើតអង់ទីគ័រការពារថែមទៀតផង។ នេះបើតាមប្រសាសនន៍ លោកជំទាវ វេជ្ជបណ្ឌិត ឱ វណ្ណឌីន ថ្លែងនៅក្នុងបទសម្ភាសន៍ កាលពីថ្ងៃទី ២៥ ខែតុលា ឆ្នាំ២០២១។
រដ្ឋលេខធិការ និងជាអ្នកនាំពាក្យក្រសួងសុខាភិបាលរូបនេះ មានប្រសាសន៍ថា បងប្អូនស្រ្តីភាគច្រើនដែលមានបំណងយកបុត្រ តែងតែព្រួយបារម្ភ និងគិតគូដល់ហានិភ័យសុខភាពរបស់ទារក ខ្លាចថាចាក់វ៉ាក់សាំងរួច អាចមានបញ្ហានេះឬបញ្ហានោះជាដើម។ ប៉ុន្តែលោកជំទាវបណ្ឌិត បញ្ជាក់ច្បាស់ គ្មានភស្តុតាងវិទ្យាសាស្ត្រណាមួយថាក្រោយចាក់វ៉ាក់សាំងបង្ការកូវីដ-១៩ត្រូវប្រឈមនឹងវិបត្តិសុខភាពចំពោះស្ត្រី ឬទារកក្នុងផ្ទៃឡើយ។ ផ្ទុយទៅវិញ បន្ទាប់ពីចាក់វ៉ាក់សាំង ស្ត្រីមានផ្ទៃពោះមិនត្រឹមតែអាចផលិតអង់ទីគ័រសម្រាប់ខ្លួនឯងនោះទេ ថែមទាំងអាចផលិតអង់ទីគ័រនៅក្នុងទងសុក ដែលជាគុណសម្បត្តិសម្រាប់ទារកទៀតផង។
ដោយឡែក នៅក្នុងវេបសាយ CDC អាមេរិក ដែលបានចុះផ្សាយកាលពីថ្ងៃទី៣ ខែកុម្ភៈ ឆ្នាំ២០២១ កន្លងទៅ បានពន្យល់ថា ស្រ្តីដែលមានបំណងយកកូន ឬកំពុងព្យាយាមយកកូនគួរតែទៅទទួលវ៉ាក់សាំងបង្ការកូវីដ-១៩។ យោងតាមទិន្នន័យស្រាវជ្រាវ អ្នកជំនាញជឿថាវ៉ាក់សាំងបង្ការកូវីដ-១៩ មិនមានហានិភ័យណាមួយលើអ្នកព្យាយាមយកកូន ឬមានបំណងយកកូននោះទេ មិនថាក្នុងរយៈពេលខ្លី ឬវែង។
ប្រភពដដែលបន្ថែមថា វ៉ាក់សាំងបង្ការកូវីដ-១៩ ក៏ដូចជាវ៉ាក់សាំងផ្សេងៗទៀតដែរ គឺជួយបង្ហាត់រាងកាយឲ្យបង្កើតបានអង់ទីគ័រ សម្រាប់តទល់នឹងវីរុសបង្កជាជំងឺកូវីដ-១៩ និងការពារខ្លួនកុំឲ្យធ្លាក់ខ្លួនឈឺនៅពេលក្រោយ។
គិតមកទល់ពេលនេះមិនមានភស្តុតាងបញ្ជាក់ថាអង់ទីគ័របង្កើតឡើងដោយវ៉ាក់សាំងបង្ការកូវីដ-១៩ អាចបង្កជាបញ្ហាក្នុងការមានផ្ទៃពោះ និងការអភិវឌ្ឈសុកឡើយ។ បន្ថែមពីនេះ ក៏គ្មានដែរភស្តុតាងបញ្ជាក់ថាវ៉ាក់សាំងនេះធ្វើឲ្យប៉ះពាល់ដល់លទ្ធភាពបង្កកំណើតនោះទេ។
សូមទស្សនាវីដេអូខាងក្រោម៖
អត្ថបទ៖ សន្យា
ចុចអាន៖ ម្តាយចាក់វ៉ាក់សាំងកូវីដ អាចបញ្ជូនអង់ទីគ័រ ទៅកូន តាមរយៈការបំបៅដោះ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)