សុខភាព
ក្ដាមឆៅ អាចបង្កគ្រោះថ្នាក់ ឬមានប៉ារ៉ាស៊ីតក្នុងរាងកាយ អ្នកនិយមហូប គួរប្រុងប្រយ័ត្ន
លោកបណ្ឌិត Suwanchai Wattana Yingcharoenchai អគ្គនាយកនៃមន្ទីរសុខាភិបាលបានឲ្យដឹងថា ការបរិភោគក្ដាមឆៅ អាហារឆៅ មិនឆ្អិន ឬប្រើកំដៅក្នុងរយៈពេលខ្លី ដូចជា ប្រហិតក្តាមស្រស់ បុកល្ហុង ក៏ដូចជាម្ហូបហឹរផ្សេងៗ ដែលជាធម្មតាដាក់គ្រឿងទេស ហើយសង្កត់ធ្ងន់ទៅលើរសជាតិដែលហឹរ ឬជូរខ្លាំង អាចបង្កើនហានិភ័យនៃការចម្លងរោគជាមួយនឹងមេរោគបង្កគ្រោះថ្នាក់នៅក្នុងអាហារដែលប្រើជាវត្ថុធាតុដើម។
គ្រោះថ្នាក់នៃការបរិភោគក្ដាមឆៅ
ការទទួលទានក្ដាមឆៅ ឬពាក់កណ្ដាលឆ្អិន មិនបានកម្ដៅ ឬប្រើកម្ដៅក្នុងរយៈពេលខ្លី នឹងបង្កជាហានិភ័យនៃជំងឺសួត ព្រោះពេលញ៉ាំក្តាមឆៅ ចូលទៅក្នុងរាងកាយ ដង្កូវនៃប៉ារ៉ាស៊ីតនឹងស្ថិតនៅក្នុងក្រពះ មិនអាចសម្លាប់បានទេ។
ទោះបីជាប៉ារ៉ាស៊ីត មិនអាចបន្តពូជនៅក្នុងខ្លួនមនុស្សក៏ដោយ។ ប៉ុន្តែវាអាចជ្រាបចូលទៅក្នុងសួត បង្កកំណើត និងរស់នៅបានប្រហែលមួយខែ ដែលបណ្ដាលឲ្យក្អករ៉ាំរ៉ៃ ក្អកចេញឈាម និងក្នុងករណីខ្លះស្លាប់។
ដូច្នេះហើយ ចាំបាច់ត្រូវមានការប្រុងប្រយ័ត្នខ្ពស់ ក្នុងការទទួលទាន។ បើចង់ធ្វើម្ហូបជាមួយក្ដាមជាគ្រឿងផ្សំ សំខាន់ត្រូវស្ងោរដោយប្រើកម្ដៅ មុនពេលញ៉ាំ។
របៀបញ៉ាំក្ដាមដោយសុវត្ថិភាព កាត់បន្ថយហានិភ័យនៃជំងឺ
១ មុនពេលចម្អិន ត្រូវតែលាងសម្អាតឲ្យបានហ្មត់ចត់ ដើម្បីកាត់បន្ថយការចម្លងមេរោគប៉ារ៉ាស៊ីត សំណល់គីមី។
២ ត្រូវតែចម្អិន ដោយប្រើកម្ដៅក្នុងការចម្អិនអាហារឲ្យបានល្អ ជាពិសេសសាច់ដែលចម្អិន ត្រូវឲ្យឆ្អិនល្អ តាមដែលអាចធ្វើទៅបាន។
៣ ដាក់អាហារឆៅ និងឆ្អិនខុសគ្នា កុំឡូកឡំឲ្យសោះ។
៤ ត្រូវលាងដៃរបស់អ្នក ដើម្បីកាត់បន្ថយហានិភ័យនៃការរីករាលដាលពីអាហារ និងជំងឺដែលបណ្ដាលមកពីទឹក ដែលនាំឲ្យយើងទៅជាពុលអាហារ រាគរូស ។ បន្ទាប់មក ត្រូវប្រកាន់ខ្ជាប់គោលការណ៍នៃការញ៉ាំ ដោយប្រើស្លាបព្រាផ្ទាល់ខ្លួនជានិច្ច៕
ប្រែសម្រួល៖ សាង ស្រីល័ក្ខ
ចុចអាន៖តើចំណុចខ្មៅលើខ្ទឹមស ជាផ្សិត? បើហូបទៅ មានហានិភ័យ នៃជំងឺមហារីកទេ?
ចុចអាន៖អាហារ ៥ មុខ ជួយកាត់បន្ថយជាតិស្ករក្នុងឈាម បានយ៉ាងល្អប្រសើរ
-
សន្តិសុខសង្គម៦ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៤ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៣ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៥ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ៣ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
ព័ត៌មានអន្ដរជាតិ១ ថ្ងៃ agoកូរ៉េខាងជើង ត្រៀមដាក់ពង្រាយកាំភ្លើងធំស៊េរីថ្មី នៅក្បែរព្រំដែន និងបង្អួតនាវាចម្បាំងខ្នាតយក្ស
-
ព័ត៌មានជាតិ១ ម៉ោង agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា
-
កីឡា៣ ថ្ងៃ agoអ្នកគាំទ្រប្រមាណ ៧ ពាន់នាក់ទស្សនាការប្រកួតមិត្តភាព រវាងក្រុមតារាកម្ពុជា និងសសយក ខេត្តបន្ទាយមានជ័យ