សុខភាព

វដ្ដរដូវ អាចប្រែប្រួលរយៈពេលខ្លី ក្រោយស្រីៗចាក់វ៉ាក់សាំងកូវីដ-១៩

បានផុស

៤ years មុន

នៅ

ថ្ងៃអង្គារ ១ កុម្ភៈ ២០២២

ដោយ

ការប្រែប្រួលតិចតួចលើវដ្ដរដូវ ក្រោយចាក់វ៉ាក់សាំងកូវីដ រួច ជារឿងធម្មតាប៉ុណ្ណោះ ហើយវានឹងអាចត្រលប់មករកសភាពដើមវិញក្នុងរយៈពេលដ៏ខ្លី។ ដូច្នេះហើយ ស្រីៗយើងមិនចាំបាច់បារម្ភនោះឡើយ បើជួបការប្រែប្រួលនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែង ទីភ្នាក់ងារនិយតកម្មឱសថ និងផលិតផលថែទាំសុខភាពរបស់ចក្រភពអង់គ្លេស បានរាយការណ៍ថា មានស្ត្រីច្រើនជាង ៣៧ ០០០នាក់បានជួបប្រទះបញ្ហាមករដូវមិនទៀងទាត់ មករដូវច្រើនលើសពីធម្មតា និងមករដូវយឺតយ៉ាវ បន្ទាប់ពីចាក់វ៉ាក់សាំងបង្ការកូវីដ-១៩ រួច។ យ៉ាងណាមិញ ពុំមានភស្តុតាងបង្ហាញពីទំនាក់ទំនងរវាង វ៉ាក់សាំង និងការប្រែប្រួលនៃវដ្ដរដូវឡើយ ប៉ុន្តែអ្នកវិទ្យាសាស្ត្រត្រូវការស្រាវជ្រាវបន្ថែមទៀត ដើម្បីយល់ដឹងកាន់តែច្បាស់។

បញ្ហាទូទៅកើតឡើងលើអ្នកចាក់វ៉ាក់សាំងចំនួន ២ដូស

សម្រាប់អ្នកដែលចាក់វ៉ាក់សាំង២ដូសរួច អាចមករដូវយឺតយ៉ាវចំនួន២ថ្ងៃ ប៉ុន្តែក្រុមគ្រូពេទ្យបានឲ្យដឹងថា បញ្ហានេះមិនទំនងជាកើតឡើងចំពោះស្ត្រីដែលចាក់វ៉ាក់សាំងលើកទី២ យ៉ាងហោចណាស់នៅចន្លោះ៨សប្ដាហ៍ឡើយ។ រយៈពេលនៃវដ្ដរដូវស្ត្រីម្នាក់ក្នុងចំណោម ១០នាក់មានការប្រែប្រួលច្រើនជាង៨ថ្ងៃ បើធៀបនឹងស្ត្រីដែលមិនបានចាក់វ៉ាក់សាំង។ ទោះជាយ៉ាងនេះក្ដី វដ្ដរដូវនឹងត្រលប់មកសភាពធម្មតាវិញ ក្រោយវដ្ដរដូវលើកទីពីរ។

ទន្ទឹមនឹងនេះដែរ ការសិក្សាមួយផ្សេងទៀតលើមនុស្សចំនួន ៥ ៦០០នាក់នៅប្រទេសន័រវសបង្ហាញថាវដ្ដរដូវមានការប្រែប្រួលទៅតាមធម្មជាតិ។

យ៉ាងហោចណាស់ ស្ត្រីចំនួន ៤០% មានរដូវច្រើនជាងធម្មតា មុនពេលចាក់វ៉ាក់សាំងទៅទៀត ហើយក៏មានស្ត្រីមួយចំនួនមានការភ័ន្តច្រឡំថាវ៉ាក់សាំងកូវីដ-១៩ អាចបណ្ដាលឲ្យយើងគ្មានកូនផងដែរ។ ផ្ទុយទៅវិញ វីរុសកូវីដ-១៩ ទៅវិញទេ ដែលអាចធ្វើឲ្យបរិមាណ និងគុណភាពមេជីវិតឈ្មោលថយចុះ ជាហេតុនាំឲ្យប៉ះពាល់ដល់ការមានកូនរយៈពេលខ្លី៕

អត្ថបទផ្ដល់ដោយ៖ Hello Krupet

ចុចអាន៖តើការចាក់វ៉ាក់សាំង កូវីដ អាចដល់ដូសទី ៥ ទេ?

ចុចអាន៖ដឹងអត់ថា អ្នកធ្លាប់ឆ្លងកូវីដ ១៩ ហើយអាចអត់កូន រយៈពេលខ្លី?

Related Topics:មករដូវ