សុខភាព

មករដូវយឺត អាចបណ្តាលមកពីរបបអាហារមិនត្រឹមត្រូវ

បានផុស

១ year មុន

នៅ

ថ្ងៃអង្គារ ៧ មីនា ២០២៣

ដោយ

ការមករដូវទៀងទាត់ អាចបង្ហាញឲ្យយើងដឹងថាសុខភាពបន្តពូជយើងល្អប្រសើរ។ យ៉ាងណាមិញ របបអាហារប្រចាំថ្ងៃ ក៏អាចជះឥទ្ធិពលដល់ទាំងវដ្ដរដូវ និងសុខភាពបន្តពូជរបស់យើងដូចគ្នា។ ដូច្នេះហើយ ក្នុងករណីដែលមករដូវយឺតជាប្រចាំ ស្រីៗយើងគួរចាប់អារម្មណ៍នឹងទម្លាប់ញ៉ាំអាហារ ដែលជាឫសគល់នៃការមករដូវមិនទៀងទាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. មិនញ៉ាំបន្លែ និងផ្លែឈើ

នៅពេលដែលយើងមិនសូវញ៉ាំបន្លែ និងផ្លែឈើគ្រប់គ្រាន់ នោះសុខភាពយើងក៏មានអតុល្យភាព ដែលជាហេតុនាំឲ្យរដូវមិនយឺត។ ម្យ៉ាងវិញទៀត កង្វះសារធាតុចិញ្ចឹមសំខាន់ៗ ដូចជាអាហារដែលមានជាតិសរសៃ វីតាមីន និងសារធាតុរ៉ែ ក៏អាចបណ្តាលឲ្យអ័រម៉ូនអតុល្យភាពដូចគ្នា។

២. រំលងការញ៉ាំអាហារ

ជួនកាល នៅពេលដែលកិច្ចការប្រចាំថ្ងៃរបស់យើងកាន់តែរវល់ គ្នាយើងខ្លះអាចរំលងការញ៉ាំអាហារ។ កត្តានេះ អាចបណ្តាលឲ្យការធ្វើមេតាប៉ូលីសមានភាពយឺតយ៉ាវ ព្រមទាំងធ្វើឲ្យយើងញ៉ាំកាន់តែច្រើនជាងមុន និងនាំឲ្យមករដូវយឺត។

៣. អាហារមានជាតិខ្លាញ់

ទន្ទឹមនឹងនេះដែរ អាហារដែលមានកាឡូរីខ្ពស់ ខ្លាញ់មិនល្អ និងពពួកភេសជ្ជៈដែលមានជាតិស្ករសិប្បនិម្មិត ក៏អាចបណ្តាលឲ្យកម្រិតជាតិស្ករក្នុងឈាមឡើងខ្ពស់ និងប៉ះពាល់ដល់ការបញ្ចេញអ័រម៉ូន។

៤. ការញ៉ាំអាហារបញ្ចូលគ្នាមិនត្រឹមត្រូវ

គ្នាយើងដឹងអត់ថា ការញ៉ាំអាហារបញ្ចូលគ្នាដែលមិនត្រឹមត្រូវក៏អាចប៉ះពាល់ដល់វដ្ដរដូវ? ជាក់ស្តែង ប្រសិនបើយើងញ៉ាំផ្លែឈើ ក្រោយញ៉ាំអាហារពេលថ្ងៃ ឬញ៉ាំទឹកតែជាមួយនឹងអាហារពេលព្រឹក នោះនឹងអាចរារាំងដល់ការស្រូបយកសារធាតុចិញ្ចឹមនៅក្នុងរាងកាយ និងរឹតត្បិតលំហូរឈាមប្រក្រតី និងទៀងទាត់។