Connect with us

សុខភាព

WHO ព្រមានថា ករណីជំងឺអុតស្វា នឹងកើនឡើងកាន់តែច្រើន ទូទាំងពិភពលោក (មានវីដេអូ)

បានផុស

នៅ

អង្គការសុខភាពពិភពលោក (WHO) និយាយថា ខ្លួនគិតទុកជាមុនថា នឹងអាចរកឃើញករណីជំងឺអុតស្វា (Monkeypox) បន្ថែមទៀត ខណៈដែលខ្លួនពង្រីកការឃ្លាំមើលនៅតាមបណ្តាប្រទេសនានា។

This image has an empty alt attribute; its file name is GettyImages-1240797679.webp

ទីភ្នាក់ងារអង្គការសហប្រជាជាតិមួយនេះបាននិយាយថា គិតត្រឹមថ្ងៃសៅរ៍ទី២១ខែឧសភា ករណីបញ្ជាក់នៃជំងឺអុតស្វាចំនួន ៩២ និងករណីសង្ស័យចំនួន ២៨ ត្រូវបានរាយការណ៍ពីរដ្ឋជាសមាជិកចំនួន ១២។ WHO បន្ថែមថា ខ្លួននឹងផ្តល់ការណែនាំ និងអនុសាសន៍បន្ថែមទៀតដល់ប្រទេសនានាក្នុងរយៈពេលប៉ុន្មានថ្ងៃខាងមុខ អំពីរបៀបកាត់បន្ថយ ការរីករាលដាលនៃជំងឺនេះ។

WHO បានឲ្យដឹងថា តាមព័ត៌មានដែលដឹងច្បាស់នាពេលបច្ចុប្បន្ន ការឆ្លងពីមនុស្សទៅមនុស្ស កំពុងកើតឡើងក្នុងចំណោមអ្នកដែលមានទំនាក់ទំនងរាងកាយជិតស្និទ្ធជាមួយករណី ចេញរោគសញ្ញា។

This image has an empty alt attribute; its file name is gettyimages-2067974_custom-d27e6ddaebbe2cc433c2bad354fe7b3d729c027b-s1100-c50-1024x681.jpg

យោងតាមអ្នកឯកទេសជំងឺឆ្លងរបស់ WHO លោក David Heymann, “អ្វីដែលហាក់ដូចជាកំពុងកើតឡើងនៅពេលនេះគឺថា ជំងឺបានឆ្លងចូលខ្លួនមនុស្សជាទម្រង់ផ្លូវភេទ ជាទម្រង់ប្រដាប់បន្តពូជ ហើយកំពុងរីករាលដាលដូចទៅនឹងជំងឺឆ្លងតាមផ្លូវភេទផ្សេងទៀត ដែលបានពង្រីកការចម្លងរបស់ខ្លួននៅជុំវិញពិភពលោក”។

This image has an empty alt attribute; its file name is GettyImages-514340846_thumb-732x549-1.jpg

លោក Heymann បន្តថា គណៈកម្មាធិការអ្នកជំនាញអន្តរជាតិ បានជួបប្រជុំគ្នាតាមរយៈ Video Conference ដើម្បីពិនិត្យមើលនូវអ្វីដែលចាំបាច់ត្រូវសិក្សា អំពីការផ្ទុះឡើង និងការប្រាស្រ័យទាក់ទងជាសាធារណៈ រួមទាំងត្រូវសិក្សាអំពីថាតើមានការរីករាលដាលដោយគ្មានរោគសញ្ញា, មនុស្សប្រភេទណាដែលមានគ្រោះថ្នាក់បំផុត និងផ្លូវនៃការឆ្លងផ្សេងៗផងដែរ។ .

លោក​បញ្ជាក់​ថា កិច្ច​ប្រជុំ​នេះ​ត្រូវ​បាន​រៀបចំឡើង ​ដោយ​សារ​ស្ថានការណ៍​បន្ទាន់។ យ៉ាងណាក្តី គណៈកម្មាធិការនេះ មិនមែនជាក្រុមដែលស្នើឲ្យការប្រកាសអាសន្នសុខភាពសាធារណៈ ជាអន្តរជាតិនោះទេ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Al Jazeera

ចុចអាន៖ ប្រទេសដំបូងគេលើលោក តម្រូវឲ្យធ្វើចត្តាឡីស័កជាកំហិត ចំពោះអ្នកកើតជំងឺ អុតស្វា

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម