ព័ត៌មានជាតិ
អាជ្ញាធរ និងមន្ត្រីសុខាភិបាលឃុំថ្មស ទទូចដល់ពលរដ្ឋមកចាក់វ៉ាក់សាំងដូសទី៤និងទី៥
កោះកុង ៖ មេឃុំ និងប្រធានមណ្ឌលសុខភាពឃុំថ្មស ស្រុកបូទុមសាគរ បន្តទទូចដល់ប្រជាពលរដ្ឋ និងកុមារមកចាក់វ៉ាក់សាំងបង្ការការពារជំងឺកូវីដ១៩ចាប់ពីដូសទី៤ដល់ទី៥ឱ្យបានគ្រប់ៗគ្នា ខណៈរកឃើញករណីឆ្លងក្នុងសហគមន៍ចំនួន២២នាក់កាលពីថ្ងៃទី១៧ ខែកក្កដា។
ភាពថមថយចំនួនប្រជាពលរដ្ឋ និងយុវជនមកចាក់វ៉ាក់សាំងដូសជំរុញ ដូសទី៤ និងដូសទី៥ នៅក្នុងមូលដ្ឋានឃុំថ្មសគួរឱ្យកត់សម្គាល់ បើធៀបនឹងកាលចាក់ដូសទី៣ ព្រោះតែឆក់ល្វែងពុំបារម្ភការឆ្លងរីករាលថ្មី។ នេះជាការបញ្ជាក់របស់លោក អិក គួន មេឃុំថ្មស កាលពីរសៀលថ្ងៃទី១៨ខែកក្កដា ឆ្នាំ២០២២។
ការមើលឃើញល្បឿនចាក់វ៉ាកសាំងយឺតបែបនេះ លោកមេឃុំថ្មស ស្នើទទូចដល់យុវជន ប្រជាពលរដ្ឋ និងអាណាព្យាបាលនាំកុមារ មកចូលរួមចាក់វ៉ាក់សាំងឱ្យគ្រប់ៗគ្នា ចៀសវាងការព្រងើយកន្តើយលែងខ្លាចជំងឺកូវីដ១៩។ ព្រោះវ៉ាក់សាំងជាអាវក្រោះដ៏រឹងប្រឆាំងកូវីដ ទើបធ្វើឱ្យសង្គមជាតិបើកចំហស្តារសេដ្ឋកិច្ច និងការអភិវឌ្ឍន៍ដូចបច្ចុប្បន្ន។
បើតាមលោក អិក គួន លោកនឹងបន្តការផ្សព្វផ្សាយអប់រំបន្ថែមដល់ពលរដ្ឋអំពីសារៈសំខាន់នៃការមកចាក់វ៉ាក់សាំង ដោយពលរដ្ឋមិនត្រូវភ្លេចខ្លួនបណ្តែបណ្តោយឱ្យកើតមានជំងឺនេះក្នុងសហគមន៍ឡើងវិញ។
ក្រសួងសុខាភិបាល កាលពីថ្ងៃទី១៧ ខែកក្កដា បានប្រកាសរកឃើញករណីឆ្លងក្នុងសហគមន៍ចំនួន២២នាក់ ក្នុងនោះមាន១៤នាក់ជាករណីស្នើសុំវិញ្ញាបនបត្រចេញទៅក្រៅប្រទេស តែគ្មានអ្នកស្លាប់។
ដោយឡែកលោក អួន រុន ប្រធានមណ្ឌលសុខភាពឃុំថ្មស ឱ្យដឹងដែរថា ថ្ងៃធម្មតា មានយុវជន និងកុមារចាប់ពីអាយុ៣ឆ្នាំដល់១៨ឆ្នាំតែ៨ទៅ១០នាក់ទេបានមកណ្ឌលសុខភាពចាក់វ៉ាក់សាំង។ ក្រៅពីនេះដាក់កាលវិភាពទៅតាមវិទ្យាល័យ និងបឋមសិក្សាកំណត់ថ្ងៃមកចាក់បានចំនួនច្រើន។
លោកប្រធានមណ្ឌលសុខភាពឃុំថ្ម បន្ថែមដែរថា វ៉ាក់សាំងនេះហើយ ទើបធ្វើឱ្យសិស្សានុសិស្សទាំងពេលបានវិលចូលសាលារៀនវិញ។ ក្រៅពីអត្រាសិស្សានុសិស្សមកចាកវ៉ាក់សាំងជាលក្ខណៈក្នុង១ថ្ងៃមានកុមារអាយុ៣ដល់១៧ឆ្នាំតែ៨ទៅ១០នាក់ប៉ុណ្ណោះបានស្ម័គ្រចិត្តមកចាក់វ៉ាក់សាំង។
នៅថ្ងៃទី១៨ ខែកក្ដដានេះដែរ លោកស្រី មិថុនា ភូថង អភិបាលខេត្តកោះកុង ក៏អំពាវនាវដល់អ្នកពាក់ព័ន្ធទាំងអស់នៅក្នុងខេត្ត ដែលមិនទាន់បានចាក់វ៉ាក់សាំង កូវីដ-១៩ ឬចាក់មិនទាន់គ្រប់ដូស សូមទៅទទួលការចាក់វ៉ាក់សាំងទាំងដូសមូលដ្ឋាន និងដូសជំរុញឱ្យបានគ្រប់ៗគ្នា តាមការកំណត់របស់គ្រូពេទ្យជំនាញ ដោយឥតគិតថ្លៃ នៅតាមទីតាំងដែលបានរៀបចំជូន៕
អត្ថបទ ៖ សិរីវឌ្ឍនៈ
-
ព័ត៌មានជាតិ១ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
សេដ្ឋកិច្ច១ សប្តាហ៍ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ៤ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ៦ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
ព័ត៌មានអន្ដរជាតិ១ សប្តាហ៍ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
សន្តិសុខសង្គម៥ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ១ សប្តាហ៍ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ១ សប្តាហ៍ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី