ថៃ រកឃើញអ្នកឆ្លងកូវីដបំប្លែងខ្លួន មិនខ្លាចអង់ទីគ័រ ចំនួន ៥ករណី (មានវីដេអូ)

ឥឡូវនេះ អាជ្ញាធរសុខាភិបាលថៃ កំពុងតាមដានយ៉ាងដិតដល់លើការវិវត្តនៃករណីឆ្លងវីរុសកូវីដបំប្លែងខ្លួនមិនខ្លាចអង់ទីគ័រប្រភេទ BA.2.75 ចំនួន៥ករណី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អគ្គនាយកនៃនាយកដ្ឋានវិទ្យាសាស្ត្រវេជ្ជសាស្ត្រថៃ បានបញ្ជាក់ពីករណីទាំងអស់ និងព្រមានថា វីរុសបំប្លែងខ្លួននេះ អាចរីករាលដាលយ៉ាងឆាប់រហ័ស ប្រសិនបើមិនមានការត្រួតពិនិត្យត្រឹមត្រូវទេនោះ។

លោកវេជ្ជបណ្ឌិត Supakit Sirilak និយាយថា “ក្រុមមន្ត្រី កំពុងតាមដានការវិវត្តនៃវីរុសប្រភេទនេះ។ ប្រសិនបើវាជាប្រភេទមេរោគឆ្លងខ្លាំង នោះភាគរយនៃការឆ្លងរបស់វានឹងកើនឡើងជាលំដាប់”។

វីរុសបំប្លែងខ្លួន BA.2.75 មានបម្រែបម្រួលប្រហែល៩០ ខ្លាំងជាងកូវីដទម្រង់ដើម ដែលមានប្រភពចេញពីទីក្រុង Wuhan ជាហេតុធ្វើឲ្យវា មានសមត្ថភាពចៀសផុតអង់ទីគ័រ។ ទោះបីជាយ៉ាងណាក៏ដោយ វីរុសប្រភេទនេះនៅតែកម្ររកឃើញ ក្នុងប្រទេសថៃ ហើយសង្ឃឹមថានឹងមិនក្លាយជាវីរុសលេចធ្លោនោះទេ។

បច្ចុប្បន្ន ៩១.៥% ក្នុងចំណោមអ្នកឆ្លង ៣៨២នាក់នៅទីក្រុងបាងកក និង៨០% ក្នុងចំណោមអ្នកឆ្លងនៅខេត្តផ្សេងទៀតគឺជាអូមីក្រុងក្លាយពូជប្រភេទ BA.4 និង BA.5។ ក៏មានអ្នកឆ្លងអូមីក្រុង BA.2 ចំនួន ៥៨នាក់ និងម្នាក់ទៀតឆ្លង BA.1 ផងដែរ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Thaiger

ចុចអាន៖ ទីក្រុង Tianjin របស់ចិន ផ្អាកអាជីវកម្មមួយចំនួន ដើម្បីទប់ស្កាត់ការផ្ទុះ កូវីដ ថ្មី