សុខភាព
ពិភពលោកផ្ទុះជំងឺថ្មីមួយទៀត ឈ្មោះ “ផ្តាសាយប៉េងប៉ោះ” ឆ្លងខ្លាំងលើកុមារ (មានវីដេអូ)
ខណៈដែលពិភពលោកនៅតែឈឺក្បាលដោយសារជំងឺរាតត្បាតកូវីដ១៩ និងជំងឺអុតស្វានោះ ពេលនេះ វេជ្ជបណ្ឌិតនៅក្នុងប្រទេសឥណ្ឌា បានសម្តែងការព្រួយបារម្ភអំពីជំងឺថ្មីឈ្មោះថា “ផ្តាសាយប៉េងប៉ោះ” ដែលបានឆ្លងដល់កុមារជិត១០០នាក់ហើយ។
ការឆ្លងត្រូវបានគេរកឃើញកាលពីខែឧសភានៅរដ្ឋ Kerala ភាគខាងត្បូងប្រទេសឥណ្ឌា ហើយគេបារម្ភថា នេះជាប្រភេទថ្មីនៃជំងឺដៃ ជើង និងមាត់។
ក្រុមអ្នកជំនាញក៏កំពុងធ្វើការស៊ើបអង្កេតផងដែរ ថាតើវាជាផលប៉ះពាល់ក្រោយការឆ្លងពីជំងឺដែលបង្កដោយមូសខ្លាមែនឬអត់។
គិតត្រឹមពេលនេះ កុមារអាយុក្រោម៥ឆ្នាំចំនួន៨២នាក់ ត្រូវបានគេធ្វើរោគវិនិច្ឆ័យឃើញថាមានជំងឺផ្តាសាយប៉េងប៉ោះ ចាប់តាំងពីខែឧសភា ហើយកុមារ២៦នាក់ទៀត ដែលមានអាយុត្រឹម១០ឆ្នាំ កំពុងស្ថិតក្នុងការសង្ស័យ។
ឈ្មោះថា ផ្តាសាយប៉េងប៉ោះ គឺព្រោះតែជំងឺនេះ បណ្តាលឲ្យកើតកន្ទួល និងពងបែកពណ៌ក្រហមពាសពេញរាងកាយ ហើយកន្ទួល បានរីកធំឡើងៗ ដល់ទំហំប៉ុនផ្លែប៉េងប៉ោះ។
អ្នកជំងឺភាគច្រើនមានអាការគ្រុនក្តៅខ្លាំង ឈឺសន្លាក់ខ្លាំង អស់កម្លាំង រាគ ចង្អោរ ក្អួត ខ្សោះជាតិទឹក និងឈឺរាងកាយ។
វេជ្ជបណ្ឌិតនិយាយថា ជំងឺនេះឆ្លងខ្លាំងណាស់ ហើយគេខ្លាចថា វាអាចចម្លងទៅមនុស្សពេញវ័យ ប្រសិនបើការផ្ទុះឡើងនាពេលនេះ មិនត្រូវបានគ្រប់គ្រងទេនោះ។
បច្ចុប្បន្ន មិនមានការធ្វើតេស្ដឬ ព្យាបាលសម្រាប់មេរោគនេះទេ។
ពេទ្យនិយាយថា អ្នកជំងឺ គួរតែនៅដាច់ដោយឡែកពី ៥ ទៅ ៧ ថ្ងៃ ចាប់ពីចេញរោគសញ្ញា ហើយត្រូវសម្រាក ផឹកទឹកឲ្យបានច្រើន និងលេបថ្នាំប៉ារ៉ាសេតាមុល៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Daily Mail
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ