មុខចាស់ទៅៗ អាចដោយសារយើងញ៉ាំអាហារប៉ុន្មានមុខនេះច្រើនពេក
Connect with us
Helistar Cambodia - Helicopter Charter Services

សុខភាព

មុខចាស់ទៅៗ អាចដោយសារយើងញ៉ាំអាហារប៉ុន្មានមុខនេះច្រើនពេក

Published

on

អាហារ​ដែល​យើង​ញ៉ាំ​រាល់​ថ្ងៃ ជះ​ឥទ្ធិពល​ខ្លាំង​មែន​ទែន ទៅ​ដល់​ដំណើរការ​រាង​កាយ និង​ទ្រទ្រង់​ដល់​សុខភាព​យើង។ គ្នា​យើង​គ្រប់​គ្នា​ច្បាស់​ជា​ដឹង​ហើយ​ថា អាហារ​ដែល​ល្អ​សម្រាប់​សុខភាព​យើង​មាន​តែ​បន្លែ ផ្លែឈើ សាច់​ធម្មជាតិ​យើង ដែល​ញ៉ាំ​ហើយ​មិន​ប៉ះពាល់ ប៉ុន្តែ​ដោយ​សារ​តែ​ឥឡូវ សម្បូរ​ដោយ​អាហារ​ប្លែក ឆ្ងាញ់ៗ​ច្រើន​មុខ យើង​ចេះ​ឃ្លាន​ញ៉ាំ​មិន​គិត​ដល់​សុខភាព។ មិន​ត្រឹម​តែ​សុខភាព​ទេ បើ​យើង​ញ៉ាំ​អាហារ​ប៉ុន្មាន​ខាង​ក្រោម​នេះ​ច្រើន សុខភាព​ក៏​មិន​ល្អ មុខ​វិញ​ក៏​ឆាប់​ចាស់​ជាង​អាយុ​យើង​ទៀត។

១. អាហារ​មាន​ជាតិ​ស្ករ និង​ប្រៃ​ខ្ពស់

ជាតិ​ស្ករ​ធ្វើ​ឲ្យ​យើង​ងាយ​ឡើង​គីឡូ បង្កើត​ស្នាម​ជ្រួញ ធ្វើ​ឲ្យ​ស្បែក​យើង​យារ​ធ្លាក់ និង​អាច​ប៉ះពាល់​ទៅ​ដល់​សុខភាព​ទូទៅ​យើង។ ជាតិ​ស្ករ​ដែល​យើង​ញ៉ាំ​ច្រើន​ពេក​នោះ អាច​ទៅ​បំផ្លាញ​ប្រូតេអ៊ីន និង​សារធាតុ លីពីត (lipids) នៅ​ក្នុង​រាង​កាយ​របស់​យើង ធ្វើ​ឲ្យ​ការ​ផលិត ​collagen​ មិន​ល្អ និង​កាន់​តែ​ជួយ​ឲ្យ​ស្នាម​ជ្រីវ​ជ្រួញ​កើត​ឡើង។

អាហារ​​ដូច ​pepperoni pizza នំ​ដំឡូង​កញ្ចប់ cheese ជាដើម មាន​ផ្ទុក​ជាតិ​ប្រៃ​ខ្ពស់ ជា​ហេតុ​បណ្ដាល​ឲ្យ​រាងកាយ​បាត់​បង់​ជាតិ​ទឹក និង​ធ្វើ​ឲ្យ​មើល​ទៅ​ដូច​ហើម។ មិន​តែ​ប៉ុណ្ណោះ វា​ក៏​បណ្ដាល​ឲ្យ​ជាលិកា​រួញ បង្កើត​បញ្ហា​ស្បែក​ជ្រួញ​កើត​ឡើង។

២. ភេសជ្ជៈ​មាន​ជាតិ​កាហ្វេអ៊ីន

កាហ្វេអ៊ីន ច្រោះ​ជាតិ​ទឹក​នៅ​ក្នុង​ខ្លួន​យើង ធ្វើ​ឲ្យ​រាងកាយ​យើង​ឆាប់​ខ្សោះ​ជាតិ​ទឹក និង​គ្មាន​សំណើម។ ដូច​នេះ​ហើយ វា​ធ្វើ​ឲ្យ​ស្បែក​យើង​ស្ងួត និង​ពុក​ផុយ។

៣. សាច់​កែ​ច្នៃ

ពពួក​សាច់​កែ​ច្នៃ​ដូច ប្រហិត ឬ​សាច់​ក្រក សុទ្ធ​តែ​មាន​ផ្ទុក​សារធាតុ ​sulfites និង​សារធាតុ​ផ្សេងៗ ដើម្បី​រក្សា​វា​ទុក​ឲ្យ​បាន​យូរ។ ហើយ​សារធាតុ​ទាំង​នោះ អាច​បណ្ដាល​ឲ្យ​មាន​ការ​រលាក​នៅ​លើ​ស្បែក​យើង ធ្វើ​ឲ្យ​បាត់​បង់​ជាតិ​ទឹក​ក្នុង​រាង​កាយ និង​ពន្លឿន​ភាព​ចាស់​វ័យ។

៤. ផឹក​ស្រា​ច្រើន

ជាតិ​អាល់កុល អាច​បណ្ដាល​ឲ្យ​មាន​បញ្ហា​ច្រើន​ទៅ​ដល់​ស្បែក ​ដូច​ជា ឡើង​ក្រហម ហើម បាត់​បង់​ជាតិ ​collagen និង​បង្កើត​ស្នាម​ជ្រីវជ្រួញ។ ជាតិ​អាល់កុល បំផ្លាញ​សារធាតុ​ចិញ្ចឹម​ក្នុង​ខ្លួន ធ្វើ​ឲ្យ​ខ្សោះ​ជាតិ​ទឹក និង​ប៉ះពាល់​ទៅ​ដល់​កម្រិត​នៃ​វីតាមីន A បញ្ហា​អស់​នេះ ជះ​ឥទ្ធិពល​ខ្លាំង​ទៅ​ដល់​ស្នាម​ជ្រួញ។

៥. សាច់​ខ្លោច

កម្ទេច​ខ្មៅៗ​នៅ​លើ​សាច់​ខ្លោច អាច​មាន​ផ្ទុកអ៊ីដ្រូកាបូន​រលាក ដែល​ធ្វើ​ឲ្យ​រាងកាយ​យើង​ងាយ​រលាក។ វា​អាច​បំផ្លាញ​ដល់​សារធាតុ​សំខាន់​ៗ​សម្រាប់​ស្បែក​ដូច​ជា collagen ដែល​បណ្ដាល​ឲ្យ​ពន្លឿន​ភាព​ចាស់​វ័យ ធ្វើ​ឲ្យ​យើង​មើល​ទៅ​ចាស់​ជាង​អាយុ៕

អត្ថបទផ្ដល់សិទ្ធិដោយ Hello Krupet

ចុចអាន៖ ដឹង​អត់​ថា​ការ​ញ៉ាំ​អាហារ​ច្រើន​ជ្រុល​ប្រឈម​នឹង​បញ្ហាគាំង​បេះដូង?

ចុចអាន៖ បាយ​ និង​ មី-គុយទាវ​ មាន​ការ​ពន្យល់​ច្រើន ​មុន​ញ៉ាំ! មួយណាល្អជាង?

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ16 mins ago

សម្ដេចតេជោ ក្នុងទិវាវប្បធម៌៖ សុខសន្តិភាព និងស្ថិរភាពនយោបាយ ជាបុរេលក្ខខណ្ឌក្នុងការចរចាមាតុភូមិនិវត្តន៍វត្ថុបុរាណដ៏ច្រើនមិនធ្លាប់មាន

ព័ត៌មានអន្ដរជាតិ18 mins ago

ឡាវ តម្រូវឲ្យជនបរទេសទិញធានារ៉ាប់រងជំងឺកូវីដ១៩ មុនចូលប្រទេស

ព័ត៌មានជាតិ30 mins ago

ស្នងការដ្ឋាន​នគរបាល​ខេត្ត​ឧ​ត្ត​រ​មានជ័យ ទទួលបាន​ការឧបត្ថម្ភ​ពី​ក្រុមហ៊ុន លឹម ហេង គ្រុប​

ជីវិតកម្សាន្ដ35 mins ago

តារាសម្ដែងកូរ៉េ ១០រូប ជាប់ឈ្មោះការបោះឆ្នោតជាតារាស្រីមានសម្រស់ស្អាតជាងគេ ក្នុងឆ្នាំ២០២១

ព័ត៌មានអន្ដរជាតិ36 mins ago

អភិបាល​ក្រុង​ញ៉ូវយ៉ក​លោក​ Andrew​ ត្រូវ​​បាន​ចោទ​ប្រកាន់​ពី​បទ​យាយី​ផ្លូវ​ភេទ​ពី​ស្ត្រី​ទី​២​

Sokha Hotels

ព័ត៌មានពេញនិយម

Helistar Cambodia - Helicopter Charter Services