សុខភាព
ឥណ្ឌូណេស៊ី ត្រៀមប្រើធម៌ក្តៅ លើក្រុមហ៊ុនផលិតថ្នាំទឹកសេរ៉ូ ដែលសង្ស័យជាប់ពាក់ព័ន្ធការស្លាប់ កុមារ
ទីភ្នាក់ងារចំណីអាហារ និងឱសថរបស់ប្រទេសឥណ្ឌូណេស៊ី (BPOM) កាលពីថ្ងៃចន្ទទី២៤ខែតុលា បាននិយាយថា ខ្លួនអាចចាត់វិធានការព្រហ្មទណ្ឌ ប្រឆាំងនឹងក្រុមហ៊ុនឱសថចំនួនពីរ ដែលផលិត ផលិតផលជាប់ទាក់ទងនឹងរបួសតម្រងនោមស្រួចស្រាវ ចំពេលមានការកើនឡើងនៃករណី និងការស្លាប់ក្នុងចំណោមកុមារនៅឆ្នាំនេះ។
អាជ្ញាធរឥណ្ឌូណេស៊ី បានហាមឃាត់ជាបណ្តោះអាសន្ន រាល់ការលក់ថ្នាំប្រភេទទឹកសេរ៉ូ និងបានរកឃើញថា វត្តមានសារធាតុ ethylene glycol និង diethylene glycol នៅក្នុងផលិតផលមួយចំនួន គឺជាកត្តាដែលអាចបណ្តាលឲ្យស្លាប់កុមារចំនួន១៤១នាក់ ដែលភាគច្រើនមានអាយុក្រោម៥ឆ្នាំ។
ប្រធាន BPOM លោកស្រី Penny K. Lukito និយាយថា ទីភ្នាក់ងារនេះ នឹងធ្វើការជាមួយប៉ូលិស ដើម្បីស៊ើបអង្កេតក្រុមហ៊ុនទាំងពីរ ជាមួយនឹងនីតិវិធីផ្នែកព្រហ្មទណ្ឌពាក់ព័ន្ធសមាសភាពនៃផលិតផលរបស់ពួកគេ។
ទោះបីជាយ៉ាងណាក៏ដោយ លោកស្រី Penny មិនបានបញ្ចេញឈ្មោះក្រុមហ៊ុនទាំងពីរនោះទេ។ លោកស្រី Penny បានប្រាប់សន្និសីទសារព័ត៌មានមួយថា “មានការចង្អុលបង្ហាញនៅក្នុងផលិតផលរបស់ពួកគេ អំពីកំហាប់ដែលមានជាតិពុលខ្លាំងហួស ហើយគេសង្ស័យថា អាចបង្កឲ្យមានរបួសតម្រង់នោម”។
នៅពេលសួរថា ហេតុអ្វីបានជាករណីបែបនេះ ទើបតែកើនឡើងនាពេលថ្មីៗ, រដ្ឋមន្ត្រីក្រសួងសុខាភិបាល លោក Budi Gunadi Sadikin បានឆ្លើយតបថា វាទំនងជាដោយសារតែការផ្លាស់ប្តូរគ្រឿងផ្សំរបស់ឱសថ។ លោកថា រដ្ឋាភិបាលមានទិន្នន័យលើការនាំចូលគ្រឿងផ្សំថ្មីៗ ហើយនឹងចែករំលែកនៅពេលក្រោយ។
យោងតាមក្រសួងសុខាភិបាល, ឥណ្ឌូណេស៊ី បាននាំចូលវត្ថុធាតុដើមភាគច្រើនសម្រាប់ឱសថ មកពីប្រទេសឥណ្ឌា និងចិន។
BPOM នាពេលថ្មីៗនេះ បានដាក់ឈ្មោះថ្នាំចំនួនបីប្រភេទ ដែលមានសារធាតុ ethylene glycol និង diethylene glycol កម្រិតខ្ពស់ ហើយបានបញ្ជាឲ្យយកថ្នាំទាំងនោះចេញពីទីផ្សារ៕
ប្រែសម្រួល៖ Vann Vann
ប្រភព៖ CNN
ចុចអាន៖ ២ប្រទេស បញ្ជូនថ្នាំបន្សាបជាបន្ទាន់ ទៅ ឥណ្ឌូណេស៊ី ខណៈកុមាររហូតដល់ ១៣៣នាក់ស្លាប់ ក្រោយផឹកថ្នាំទឹកសេរ៉ូ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង