Connect with us

សុខភាព

វេជ្ជបណ្ឌិត​​ថា ​អាហារ ៥ មុខជួយលាង​សម្អាត​ជាតិ​ខ្លាញ់​ក្នុង​ឈាម និងគួរញ៉ាំ​​​នៅរដូវរងា​

បានផុស

នៅ

ខ្លាញ់​ក្នុង​ឈាម​មាន​សមាសធាតុ​ផ្សេងៗ​គ្នា​ជា​ច្រើន ដែល​សមាសធាតុ​សំខាន់​បំផុត​គឺ​កូឡេស្តេរ៉ុល​។ សារធាតុនេះត្រូវតែរក្សានៅកម្រិតស្ថិរភាពក្នុងឈាម ដើម្បីប្រើប្រាស់ដោយសរីរាង្គចាំបាច់ក្នុងរាងកាយ ជួយសំយោគអរម៉ូន ការពារកោសិកា និងធានាឲ្យរាងកាយមានការអភិវឌ្ឍន៍ និងដំណើរការធម្មតា។

កូលេស្តេរ៉ុលខ្ពស់មានន័យថា អ្នកមានកូលេស្តេរ៉ុលច្រើនពេកនៅក្នុងឈាមរបស់អ្នក។ កូលេស្តេរ៉ុលអាក្រក់ច្រើនពេកអាចស្ទះសរសៃឈាម បណ្តាលឲ្យមានបញ្ហាសុខភាពធ្ងន់ធ្ងរជាច្រើន។ កូលេស្តេរ៉ុលខ្ពស់ជារឿយៗជាលទ្ធផលនៃរបបអាហារមិនល្អ ប៉ុន្តែការកែសម្រួលរបបអាហាររបស់អ្នកអាចជួយគ្រប់គ្រងជាតិខ្លាញ់ក្នុងឈាមបាន។

វេជ្ជបណ្ឌិត Sunni Patel នាយកផ្នែកវេជ្ជសាស្រ្ត និងជាស្ថាបនិក Dish Dash Deets (ក្រុមហ៊ុនសុខភាពនៅចក្រភពអង់គ្លេស) ថ្មីៗនេះបានចែករំលែកជាមួយអាហារ ៥ មុខ ដែលទាំងពីរជួយរក្សាកំដៅ និងជួយកាត់បន្ថយជាតិខ្លាញ់ក្នុងឈាម។

១ Oatmeal

Oatmeal អាចជួយកាត់បន្ថយកូលេស្តេរ៉ុលអាក្រក់ ដោយសារមាតិកាជាតិសរសៃរលាយក្នុង oats ។ វេជ្ជបណ្ឌិត Patel ពន្យល់ថា ជាតិសរសៃរលាយភ្ជាប់ទៅនឹងកូលេស្តេរ៉ុលក្នុងប្រព័ន្ធរំលាយអាហារ និងជួយយកវាចេញពីរាងកាយ។ដូច្នេះសូមព្យាយាមទទួលទានជាតិសរសៃរលាយយ៉ាងហោចណាស់ ៥ ទៅ ១០ ក្រាមក្នុងមួយថ្ងៃ ដែលអាចជួយកាត់បន្ថយកូលេស្តេរ៉ុលអាក្រក់បានយ៉ាងល្អ ។ ប្រសិនបើ​អ្នក​ចង់​បង្កើន​សមត្ថភាព​បញ្ចុះ​កូ​ឡេ​ស្តេ​រ៉ូ​ល​របស់​បបរ អ្នកជំនាញ​បាន​ណែនាំ​ឲ្យបន្ថែម​គ្រាប់​ធញ្ញជាតិ​មួយចំនួន​ដូចជា អាល់​ម៉ុ​ន ឬ​វ៉ា​ល់​ណាត់​។ គ្រាប់ធញ្ញជាតិមានខ្លាញ់មិនឆ្អែតខ្ពស់ ក៏ដូចជាសារធាតុស្តេរ៉ូលពីរុក្ខជាតិ ដែលសារធាតុទាំងពីរនេះអាចរួមចំណែកដល់ការគ្រប់គ្រងកូឡេស្តេរ៉ុលបាន។

២ ត្រីដុត

ត្រី salmon ទៅ mackerel ការដុតត្រីខ្លាញ់សម្រាប់អាហារពេលល្ងាចអាចមានច្រើនជាងម្ហូបឆ្ងាញ់។ អ្នកជំនាញបានពន្យល់ថា ប្រភេទត្រីទាំងនេះសម្បូរទៅដោយអាស៊ីតខ្លាញ់អូមេហ្គា 3 ដែលត្រូវបានបង្ហាញថាអាចកាត់បន្ថយទ្រីគ្លីសេរីត និងកាត់បន្ថយហានិភ័យនៃជំងឺបេះដូង។ វេជ្ជបណ្ឌិត Patel មានប្រសាសន៍ថា “ត្រីដែលមានជាតិខ្លាញ់អាចកាត់បន្ថយហានិភ័យនៃការបង្កើតបន្ទះនៅក្នុងសរសៃឈាម ដែលទាំងអស់នេះអាចរួមចំណែកដល់ការធ្វើឲ្យប្រសើរឡើងនូវកូលេស្តេរ៉ុលក្នុងឈាម” ។

៣ គ្រឿងទេសនៃប្រភពដើមរុក្ខជាតិ

គ្រឿងទេសទាំងនេះមិនត្រឹមតែអាចបន្ថែមរសជាតិដល់ស៊ុបក្តៅ សម្ល និងអាហារប៉ុណ្ណោះទេ ថែមទាំងអាចគ្រប់គ្រងកូឡេស្តេរ៉ុលទៀតផង។​ វេជ្ជបណ្ឌិត Patel ណែនាំឲ្យជ្រើសរើសខ្ទឹមស រមៀត និង cinnamon ព្រោះវាមានលក្ខណៈសម្បត្តិបញ្ចុះកូឡេស្តេរ៉ុល និងល្អសម្រាប់បេះដូង។ ជាពិសេស ខ្ទឹមសមានផ្ទុកសារធាតុ allicin ដែលជាសមាសធាតុដែលអាចមានឥទ្ធិពលកាត់បន្ថយកូឡេស្តេរ៉ុលកម្រិតស្រាល ដោយរារាំងការសំយោគកូឡេស្តេរ៉ុលនៅក្នុងថ្លើម។

វេជ្ជបណ្ឌិត Patel បានបន្ថែមថា “ឱសថទាំងនេះអាចត្រូវបានគេប្រើប្រាស់ក្នុងការចម្អិនអាហារ ឬបន្ថែមទៅក្នុងភេសជ្ជៈ”។ មិនមានការណែនាំអំពីចំនួនជាក់លាក់ណាមួយទេ ប៉ុន្តែពួកវាអាចជាផ្នែកមួយនៃរបបអាហារប្រចាំថ្ងៃរបស់អ្នកក្នុងបរិមាណមធ្យម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

៤ តែបៃតង

វេជ្ជបណ្ឌិត Patel មានប្រសាសន៍ថា “ការសិក្សាមួយចំនួនបង្ហាញថាសារធាតុប្រឆាំងអុកស៊ីតកម្មនៅក្នុងតែបៃតងអាចជួយកាត់បន្ថយកូលេស្តេរ៉ុលអាក្រក់” ។ មិនមានការណែនាំជាក់លាក់សម្រាប់បរិមាណនោះទេ ប៉ុន្តែតែបៃតងពីរបីពែងក្នុងមួយថ្ងៃអាចមានប្រយោជន៍។

៥ សំលការី

ការីដែលមានមូលដ្ឋានលើរុក្ខជាតិជាមួយនឹងគ្រឿងទេស​ក៏អាចជួយបន្ថយកូលេស្តេរ៉ុល ជួយអ្នកបន្ថែមជាតិសរសៃបន្ថែមទៀតទៅក្នុងរបបអាហាររបស់អ្នកផងដែរ។ សណ្តែក​គឺជា​អាហារ​ដ៏​ល្អ​មួយ​ដែល​អ្នក​អាច​បន្ថែម​ទៅ​ក្នុង​ការី។ អ្នកជំនាញបានពន្យល់ថា សណ្តែកគឺជាប្រភពដ៏ល្អនៃជាតិសរសៃរលាយ និងប្រូតេអ៊ីនដែលមានមូលដ្ឋានលើរុក្ខជាតិ ដែលអាចជួយកាត់បន្ថយកូលេស្តេរ៉ុលអាក្រក់។

វេជ្ជបណ្ឌិតបានបន្ថែមថា “បន្ថែមគ្រាប់ធញ្ញជាតិដូចជា សណ្តែកខ្មៅ សណ្តែក និងសណ្តែកជាប្រចាំទៅក្នុងរបបអាហាររបស់អ្នក”។ គោលដៅគួរតែស្ថិតនៅចន្លោះកន្លះពែង និងសណ្តែកឆ្អិនមួយពែង/ថ្ងៃ៕

ប្រែសម្រួល៖ សាង ស្រីល័ក្ខ

ចុចអាន៖ទម្លាប់ ៤ ពេលព្រឹក ជាកំណប់របស់មនុស្សដែលរស់នៅរហូតដល់ ១០០ឆ្នាំ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ចរាចរណ៍៤ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម