សុខភាព
ដើមឆ្នាំនេះ ស្ថានភាពជំងឺគ្រុនឈាមមានការកើនឡើងជិត ៤ ដង
ប្រធានកម្មវិធីជាតិប្រយុទ្ធនឹងជំងឺគ្រុនឈាម នៃក្រសួងសុខាភិបាល បានឱ្យដឹងថា នៅដើមឆ្នាំ ២០២៤ នេះ ស្ថានភាពជំងឺគ្រុនឈាមមានការកើនឡើងជិត ៤ ដង បើធៀបទៅនឹងរយៈពេលដូចគ្នាឆ្នាំ ២០២៣ កន្លងទៅ ដោយសារឆ្នាំនេះជាឆ្នាំស្ថិតក្នុងវដ្ដមានការផ្ទុះជំងឺគ្រុនឈាម ដែលតែងតែកើតឡើងរយៈពេល ៥ ឆ្នាំ ម្ដង។
![](https://www.kampucheathmey.com/wp-content/uploads/2024/02/photo_2023-09-25_17-04-28-1024x768.jpg)
លោកវេជ្ជបណ្ឌិត លាង ឬទ្ធា ប្រធានកម្មវិធីជាតិប្រយុទ្ធនឹងជំងឺគ្រុនឈាម នៃក្រសួងសុខាភិបាល មានប្រសាសន៍នៅព្រឹកថ្ងៃទី ២៦ កុម្ភៈ នេះថា ស្ថានភាពជំងឺគ្រុនឈាមនៅឆ្នាំ ២០២៤ មានការកើនឡើងតាមខេត្តមួយចំនួន។ ជាក់ស្ដែងនៅសប្ដាហ៍ទី ៦ ឆ្នាំនេះ មានករណីជំងឺគ្រុនឈាមចំនួន ២ ៦៣៤ ករណី មានការកើនឡើងជិត ៤ ដង បើធៀបទៅនឹងសប្ដាហ៍ទី ៦ ដូចគ្នា កាលពីឆ្នាំ ២០២៣ ដែលមានចំនួន ៦៧២ ករណី។
![](https://www.kampucheathmey.com/wp-content/uploads/2024/02/photo_2023-09-25_17-05-23-1024x768.jpg)
លោកវេជ្ជបណ្ឌិត បានបន្តថា ខេត្តដែលមានករណីគ្រុនឈាមច្រើនមានដូចជា រាជធានីភ្នំពេញ កណ្ដាល សៀមរាប បន្ទាយមានជ័យ កំពង់ចាម ព្រៃវែង ក្រចេះ កំពង់ស្ពឺ បាត់ដំបង និងកំពង់ធំ។
![](https://www.kampucheathmey.com/wp-content/uploads/2024/02/photo_2023-06-23_09-50-08-1024x478-1.jpg)
លោកវេជ្ជបណ្ឌិត បញ្ជាក់ថា មូលហេតុនាំឱ្យមានករណីជំងឺគ្រុនឈាមកើនឡើង ដោយសារតែកត្តាការប្រែប្រួលអាកាសធាតុ ដូចជា អាកាសធាតុក្តៅអាចបង្កលក្ខណៈងាយស្រួល ក្នុងការកកើតមូសខ្លាច្រើន ពិសេសឆ្នាំ ២០២៤ នេះ ជាឆ្នាំស្ថិតក្នុងវដ្តមានការផ្ទុះជំងឺគ្រុនឈាម ដែលតែងតែកើតឡើងរយៈពេល ៥ ឆ្នាំម្តង បន្ទាប់ពីកម្ពុជាបានផ្ទុះជំងឺនេះទ្រង់ទ្រាយធំកាលពីឆ្នាំ ២០១៩ កន្លងទៅ។
![](https://www.kampucheathmey.com/wp-content/uploads/2024/02/photo_2023-06-21_10-11-54-1024x768-1.jpg)
លោកវេជ្ជបណ្ឌិត លាង ឬទ្ធា បានអំពាវនាវដល់ប្រជាពលរដ្ឋ បន្តចូលរួមអនុវត្តតាមការណែនាំរបស់ក្រសួងសុខាភិបាល ដើម្បីទប់ស្កាត់ជំងឺគ្រុនឈាម កុំឱ្យមានការរាតត្បាតទ្រង់ទ្រាយធំដូចជា ត្រូវសំអាតបរិស្ថាននៅជុំវិញផ្ទះសម្បែង និងយករាល់វត្ថុទាំងឡាយណា ដែលអាចដក់ទឹកបានដូចជា សំបកកំប៉ុង សំបកដូង សំបកកង់ឡាន ទៅកប់ចោល ឬ ដុតចោល ព្រោះថា វត្ថុទាំងនោះអាចបង្កឲ្យកកើតជាដង្កូវទឹក វិវត្តន៍ទៅជាមូសខ្លា ជាភ្នាក់ងារចម្លងជំងឺគ្រុនឈាម។ ក្នុងករណីមានអាការក្តៅខ្លួនខ្លាំង ត្រូវរួសរាន់បញ្ជូនអ្នកជំងឺទៅកាន់មន្ទីរពេទ្យរដ្ឋដែលនៅជិតផ្ទះក្នុងរយៈពេល ៤៨ ម៉ោង ដើម្បីឱ្យគ្រូពេទ្យពិនិត្យ និងព្យាបាលបានទាន់ពេលវេលា និងកុំធ្វើការសាកល្បងព្យាបាលជំងឺគ្រុនឈាមដោយខ្លួនឯង ព្រោះអាចធ្វើឱ្យអ្នកជំងឺគ្រោះថ្នាក់ដល់អាយុជីវិត៕
អត្ថបទ ៖ សំអឿន
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៧ ថ្ងៃ ago
ត្រីតុកកែមានតម្លៃថ្លៃតាមហាងចិន កំពុងបង្កាត់ពូជនៅមជ្ឈមណ្ឌលវារីវប្បកម្មនៅខេត្តព្រះសីហនុ
-
ព័ត៌មានជាតិ៦ ថ្ងៃ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានអន្ដរជាតិ៤ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៤ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ៦ ថ្ងៃ ago
កំណើនកម្តៅផែនដីធ្វើឲ្យពេលថ្ងៃ អូសបន្លាយពេលយូរជាងពេលយប់
-
កីឡា២ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានជាតិ៧ ថ្ងៃ ago
UPDATE៖ ជំនន់ទឹកភ្លៀងនៅខេត្តព្រះវិហារ បានស្រកបណ្តើរៗ តែស្ពាននិងថ្នល់មួយចំនួនរងការខូចខាត
-
ព័ត៌មានអន្ដរជាតិ១ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី