ចំណីអាហារគ្មានប្រភព ពិតជាផ្ទុកគីមី នាំឲ្យកើតមហារីកទាំងវ័យក្មេង?

នៅក្នុងសម័យកាលកាន់តែជឿនលឿន អាហារទំនើបៗក៏កាន់តែកើនឡើងជារៀងរាល់ថ្ងៃ។ ដើម្បីបង្កើតល្បឿននៃការទទួលទានរបសមនុស្ស អ្នកលក់បានឆ្លៀតឪកាលបន្លឿនបន្លែ ឬផ្លែឈើឲ្យឆាប់បានផលតាមរយៈការដាក់សារធាតុហាមឃាត់ដែលក្រសួងសុខាភិបាលបានហាម។

ដូច្នេះហើយ ចំណីអាហារគ្មានប្រភព ពិតជាអាចផ្ទុកសារធាតុគីមី និងបង្កមហារីកទាំងវ័យក្មេងមែន ដែលទាំងនោះពិតមានមូលហេតុវិទ្យាសាស្រ្ត និងករណីជាក់ស្តែងជាច្រើន។

ហេតុអ្វីអាហារគ្មានប្រភពគ្រោះថ្នាក់ដលសុខភាព?

អាហារដែលមិនមានស្លាក ឬមិនបញ្ជាក់ឲ្យច្បាស់ពីកន្លែងផលិតច្បាស់លាស់ ជាពិសេសទាក់ទិននឹងថ្ងៃផលិតឬផុតកំណត់។ គ្មានឯកសារផ្ទៀងផ្ទាត់គុណភាព (Certificate) ថាមកពីប្រទេសមួយណាឲ្យពិតប្រាកដ។ ដូច្នេះ វាមានហានិភ័យខ្ពស់ជាងគេ ក្នុងការលាក់បាំងពោលគឺសារធាតុគីមីខុសច្បាប់។

ទន្ទឹមនោះ អ្នកទិញក៏គួរតែវ៉ៃឆ្លាតក្នុងការទិញបន្លែផ្លែឈើ ឬសាច់ ជាពិសេសត្រូវដឹងថាសារធាតុគីមីបែបណា ដែលអាចប៉ះពាល់

• Borax (បូរ៉ាក) ឲ្យអាហាររឹង/យូរ (ខូចតម្រងនោម, មហារីក)។
• Formalin រក្សាអាហារឲ្យនៅតែមានពណ៌ស្រស់ (ពុលថ្លើម, មហារីក)។
• Rhodamine B រក្សាពណ៌ឲ្យនៅតែក្រហមឬ លឿងស្អាត (មហារីកក្រពះ/ថ្លើម)។
• Sodium nitrite សាច់ក្រហមស្អាត (មហារីកក្រពះ)។
• MSG/សារធាតុជំរុញរសជាតិលើសកម្រិត ឲ្យឆ្ងាញ់ពិសារ (បេះដូង, សំពាធឈាម)។
• Pesticide residues សំណល់ថ្នាំសម្លាប់សត្វល្អិត (ខូចប្រព័ន្ធសរសៃប្រសាទ, មហារីក)។

ហេតុអ្វីកើតមហារីកវ័យក្មេង ?

ដោយសាតែសារធាតុគីមីខ្លះអាចបំផ្លាញ DNA ពេលទទួលទានរយៈពេលយូរ ជាពិសេសវាមានឥទ្ធពលលើកុមារ និងយុវជន ស្រូបឆាប់ជាងមនុស្សធំ។ ប្រសិនបើទទួលទានអាហារគ្មានប្រភពជារឿយៗ នោះវានឹងនាំឲ្យកោសិកាខូច ឬកើតជំងឺមហារីកលឿនជាងការរំពឹងទុក។

ជាកស្ដែង គេរកឃើញករណីមហារីកក្រពះ/ឈាម/ថ្លើម នៅវ័យក្រោម២៥ ឆ្នាំ កើនឡើង នៅអាស៊ីអាគ្នេយ៍
ហេតុផលបោះគឺទាក់ទិននឹងចំណីអាហារមិនមានប្រភព, ប្រេងឆាប្រើម្តងហើយម្តងទៀត, ម្សៅ ឬបន្លែមានជាតិពុល។

អ្វីដែលគួរធ្វើដើម្បីការពារ?

១ កុំទិញអាហារដែល គ្មានស្លាក ឬតម្លៃថោកខ្លាំង

២ ពិនិត្យលេខ នោងថ្ងៃផុតកំណត់

៣ ចៀសវាងអាហារកែច្នៃ (សាច់ក្រក, មាន់បំពង, មី ) ពីកន្លែងមិនទុកចិត្ត

៤ ទិញពីកន្លែងមានស្លាកដាក់ឬប្រភព GMP, HACCP, ISO ឲ្យបានត្រឹមត្រូវបំផុត៕

អត្ថបទ៖ សាង ស្រីល័ក្ខ

ចុចអាន៖ទំនិញហួសសុពលភាព ប៉ះពាល់ដល់សុខភាពយ៉ាងណាខ្លះ ក្រោយទទួលទានរួច