KPT+
ទៀនក្រអូបជួយបន្ធូរបន្ថយអារម្មណ៍តានតឹង និងភាពនឿយហត់
ទៀនក្រអូប ជាទៀនពេញនិយមដែលគេយកទៅប្រើអុជបំភ្លឺ និងលម្អផង មិនថានៅក្នុងបន្ទប់គេង បន្ទប់ទឹក ការិយាល័យ សណ្ឋាគារ ឬកន្លែងស្ប៉ាជាដើម ព្រោះតែប្រសិទ្ធភាពនៃការបង្កើនបរិយាកាសឲ្យកាន់តែរ៉ូមែនទិក និងទទួលបាននូវអារម្មណ៍ស្ងប់សុខ។
បច្ចុប្បន្នមនុស្សបានកែខៃច្នៃទៀនក្រអូបឲ្យកាន់តែមានលក្ខណៈពិសេសតាមរយៈការបន្ថែមពណ៌ច្រើនចម្រុះ បន្ថែមក្លិនច្រើនជម្រើស និងចម្អិនចាក់រំលេចចេញជារូបរាងប្លែកៗជាច្រើនសណ្ឋានផងដែរ។
ទៀនក្រអូបចម្រាញ់ចេញពី ក្រមួនបន្លែ មានគុណភាពខ្ពស់ គ្មានផ្សែង មិនប្រឡាក់ពិតាន អុជបានយូរ ដែលសំខាន់ទោះប្រើយ៉ាងណា ក៏មានផលប៉ះពាល់សុខភាពតិចតួចបំផុតជាងទៀនធម្មតា។
ជាទូទៅការធ្វើទៀនក្រអូបមួយកែវត្រូវចំណាយពេលយ៉ាងហោចណាស់កន្លះថ្ងៃ ដោយត្រូវឆ្លងកាត់ដំណាក់កាលដូចជា ស្លក្រមួនរយៈពេលពីរម៉ោងក្នុងសីតុណ្ហភាព ៩០ អង្សា បន្ទាប់មកដាក់ប្រេងក្រអូបយកក្លិន រួចចាក់ចូលកែវ។ វិធីធ្វើយើងអាចគិតថាងាយស្រួល ប៉ុន្តែអ្នកជំនាញបានឲ្យដឹងថា ប្រសិនបើប្រើកម្ដៅខុស សូម្បីតែក្លិន សាច់ទៀន និងការយកទៅអុជក៏មិនអំណោយផលល្អផងដែរ។
ដោយឡែកពិដោរទៀនក្រអូបមានច្រើនក្លិនមានដូចជា ក្លិនក្រូច ក្លិនឬសឈើ ក្លិនលំអងទឹកឃ្មុំ ក្លិនម្លិះ ក្លិនផ្កាសាគូរ៉ា ក្លិនដូង ក្លិនឡាវែនឌ័រ និងក្លិនជាច្រើនទៀត។
រីឯទំហំនៃទៀនក្រអូបមានទំហំផ្សេងគ្នាតាមរូបរាងរបស់វា។ ជាធម្មតាទៀនទំហំ ៤៥ ក្រាម ដុតបានរយៈពេលពី ៨ ទៅ ១០ ម៉ោង ទំហំ ២០០ ក្រាម ដុតបានពី ៤០ ទៅ ៤៥ ម៉ោង ទំហំ ៤០០ ក្រាម ដុតបានពី ៨០ ទៅ ៩០ ម៉ោង និងទំហំ ៥០០ ក្រាម ដុតបានពី ១១០ ទៅ ១២០ ម៉ោង។
ក្លិនទៀនក្រអូបមានភាពស្រាលស្រទន់ឈ្ងុយដូចជាក្លិនបុប្ផាព្រៃ ដោយជួយបន្ធូរបន្ថយភាពហត់នឿយពីការធ្វើដំណើរបានយ៉ាងមានប្រសិទ្ធភាព។ ក្នុងនោះអ្នកជំនាញណែនាំពីក្លិនដែលសក្តិសមប្រើប្រាស់ទៅតាមទីកន្លែងក៏ដូចជាបរិយាកាសផងដែរ។ ក្លិនឡាវែនដ័រ មានក្លិនបែបប្រហើរៗជួយបន្ធូរបន្ថយអារម្មណ៍តានតឹង និងភាពហត់នឿយ វាសក្ដិសមបំផុតសម្រាប់ប្រើអុជនៅកន្លែងស្ប៉ា។ ចំណែកក្លិនម្លិះ និងក្លិនសាគូរ៉ា ក្រអូបបែបស្រាលជួយសម្រួលដល់ប្រព័ន្ធប្រសាទធ្វើឲ្យខួរក្បាលស្ងប់គេងលក់ស្រួល សក្តិសមចំពោះការអុជក្នុងបន្ទប់គេងឬក្នុងផ្ទះ។ រីឯក្លិនលំអងទឹកឃ្មុំ វិញ ក្រអូបបែបផ្អែមល្ហែមត្រូវនឹងបរិយាកាសបែបរ៉ូមែនទិក ជាពិសេសត្រូវជាមួយយុវវ័យនិងគូស្នេហ៍។
ចំពោះតម្លៃទៀនក្រអូបថ្លៃចាប់ពី ២.៥ ដុល្លារ រហូតដល់ ២៤.៥ ដុល្លារ និងអាចខ្ពស់ជាងនេះអាស្រ័យទៅតាមយីហោ ទំហំ ក៏ដូចជាក្លិនផ្សេងៗពីគ្នា៕
ប្រែសម្រួល៖ សន្យា
ប្រភព៖ litupcandleco
ចុចអាន៖ទោះអាយុច្រើនក្ដី ស្ត្រីៗនៅតែទាក់ទាញខ្លាំង ដរាបណាមានចំណុចទាំងបីនេះ
ចុចអាន៖ហេតុអ្វីយើងខ្ជះខ្ជាយប្រាក់លើរបស់ថ្លៃៗដោយគ្មានបញ្ហា ប៉ុន្តែបែរសុញសាញពេលទិញរបស់ថោកៗ?
-
ព័ត៌មានជាតិ១៥ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)