KPT+
ចរិតលក្ខណៈវិជ្ជមាននិងអវិជ្ជមាននៃមនុស្សកើតខែកញ្ញា
អ្នកកើតក្នុងខែកញ្ញាជាមនុស្សចូលចិត្តជួយអ្នកដទៃ ព្រមទាំងមានទេពកោសល្យក្នុងការដោះស្រាយរឿងអាក្រក់ទៅជាល្អប្រសើរ។ គេជាមនុស្សដែលបោះដៃទៅកាន់មនុស្សដែលត្រូវការជំនួយឲ្យអស់ពីសម្ថភាពតាមដែលអាចធ្វើបាន។
មនុស្សជំពូកនេះ មានហេតុផលណាស់ ហើយឧស្សាហ៍ព្យាយាម និងមានរបៀបរៀបរយ។ ជាអ្នកឯកទេសខាងយល់ចិត្ត ហើយមិនចេះខ្លាចក្នុងការអភិវឌ្ឍសមត្ថភាពដោយប្រើប្រាស់ភាពឧស្សាហ៍ព្យាយាម និងការធ្វើការមិនឈប់នោះទេ។
ជាប្រភេទមនុស្សដែលយកចិត្តទុកដាក់គ្រប់រឿង តែងតែចាប់អារម្មណ៍មិនថារឿងតូចបំផុតក៏ដោយ ។ ដោយសារតែ ខ្លួនជាប្រភេទមនុស្សដែលមានមនោសញ្ចេតនាដ៏ជ្រាលជ្រៅ ទើបជារឿយៗ គេតែងរងគ្រោះដោយសារវា។
កញ្ញាជាបុគ្គលម្នាក់មានចរិតរឹងមាំ ហើយចូលចិត្តការអភិរក្ស មានសណ្ដាប់ធ្នាប់ និងការអនុវត្តជាក់ស្តែងច្រើននៅក្នុងជីវិតប្រចាំថ្ងៃរបស់គេ។ ជីវិតគេ តែងតែមានការរៀបចំ ហើយសូម្បីតែពេលដែលគេស្ថិតនៅក្នុងស្ថានភាពវឹកវរក៏ដោយ ក៏គោលដៅ និងក្តីសុបិន្តនៅតែបន្ត និងមានការកំណត់យ៉ាងតឹងរឹងនៅក្នុងគំនិតរបស់ខ្លួន។ ប៉ុន្តែគេតែងខ្វល់ខ្វាយនិងបារម្ភច្រើន។
មួយវិញទៀត ដោយសារតែគេចូលចិត្តពាក់ព័ន្ធនឹងសង្គមច្រើន ហេតុនេះហើយភាគច្រើនប្រហែលជាគេចាប់យកអាជីពជាអ្នកនិពន្ធ អ្នកសារព័ត៌មាន ឬជាអ្នកវាយអត្ថបទ និងការងារដែលពាក់ព័ន្ធនឹងសង្គម។ បន្ថែមពីលើនេះ ដោយសារគេជាមនុស្សមានគំនិតច្នៃប្រឌិត មានសប្បុរសធម៌ បេះដូងកក់ក្តៅ ចេះលើកទឹកចិត្ត ទើបជាទូទៅគេក្លាយជាមេក្រុមឬអ្នកគ្រប់គ្រង។
មនុស្សគេនេះ អាចសម្របខ្លួនតាមកាលៈទេសៈបានល្អ ។ រីឯចំណុចខ្លាំងគឺ ស្មោះត្រង់ ចិត្តល្អ ឧស្សាហ៍ព្យាយាម និង ជួយអាសារអ្នកដទៃ។
បើនិយាយពីមនោសញ្ចេតនាស្នេហាវិញ គេជាមនុស្សស្រឡាញ់ងប់ងល់ មានភាពកក់ក្ដៅ ពូកែលើកទឹកចិត្តគូស្នេហ៍ មិនចូលចិត្តរករឿងរញ៉េរញ៉ៃ តែងតែទទួលយកគ្រប់យ៉ាងពីដៃគូ ពូកែ take care ផ្ដល់តម្លៃឲ្យគ្នា និងស្មោះត្រង់។ គេចង់បានតែម្យ៉ាងវិញពីមនុស្សជាទីស្រឡាញ់ គឺស្នេហាបែបប្រាកដប្រាជា ហើយកាន់ដៃគ្នារហូតដល់ចាស់។
ដោយឡែកចំណុចខ្សោយរបស់មនុស្សកើតខែកញ្ញាគឺ គេរមែងខ្វល់លើបទពិសោធន៍អវិជ្ជមានកាលពីអតីត ហើយចូលចិត្តណាស់យប់ឡើងគេងគិត បញ្ឈរភ្នែកពីរឿងមិនអាចត្រឡប់។ គេថប់ទ្រូង ព្រោះកប់អារម្មណ៍ទាំងវិជ្ជមាននិងអវិជ្ជមានច្រើនពេក និងមិនមានអ្នកចែករំលែកជាមួយ។ ជួនកាលមានភាពខ្មាសអៀនច្រើន បារម្ភជ្រុលទៅលើរឿងគ្រប់យ៉ាង៕
ប្រែសម្រួល៖ សន្យា
ប្រភព៖ Bestie
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ