KPT+
សៀវភៅ ១៥ ក្បាលមានតម្លៃរាប់លានដុល្លារអាមេរិក
អាចនិយាយបានថា មិនមែនជារឿងចាប់អារម្មណ៍សម្រាប់ប្រិយមិត្តដែលមិនចូលចិត្តអានសៀវភៅ។ ប៉ុន្តែសម្រាប់ប្រិយមិត្តដែលនិយមអាន និងស្វែងរកទិញសៀវភៅជុំវិញពិភពលោកវិញ នេះជារឿងដ៏ភ្ជាក់ផ្អើលមួយដែលមិនធ្លាប់ដឹងទាល់តែសោះ។
អ្នកប្រាកដជាភ្ញាក់ផ្អើលនៅពេលអ្នកបានដឹងតម្លៃសៀវភៅទាំង១៥នេះ។ សៀវភៅខាងក្រោមនេះ តម្លៃរាប់លានដុល្លារអាមេរិក។ ហេតុអ្វីបានជាសៀវភៅទាំងអស់នេះ ថ្លៃរាប់លានដុល្លារ? មានអ្វីពិសេស?
ទាំងអស់នេះគឺជាសៀវភៅដែលមានភាពលេចធ្លោនិងមានតម្លៃថ្លៃបំផុតនៅក្នុងសេណារីយោពិភពលោក។
១៥. សៀវភៅរឿង Beedle and Bard
សៀវភៅនេះត្រូវបានគេស្គាល់ថា J.K.Rowling ដែលជាអ្នកនិពន្ធរឿង Harry Potter ជាអ្នកសរសេរឡើង។ រឿង Beedle និងBard ជារឿងនិទានដែលធ្វើការបោះពុម្ពឡើងតែចំនួនប្រាំពីរច្បាប់តែប៉ុណ្ណោះ ហើយរូបភាពដែលមានក្នុងសៀវភៅនោះ គឺគូរផ្ទាល់ដោយអ្នកនិពន្ធតែម្ដង។ គ្មានអ្វីត្រូវយល់នោះទេ តាមស្នាដៃរបស់គាត់ដែលធ្លាប់ សរសេររឿង Harry Potter កន្លងមក បើយកសាច់រឿងក្នុងសៀវភៅមួយនេះ ប្រហែលជាអាចជាថតចេញជាភាពយន្ដហូលីវូដ រកលុយបានរាប់រយលានឯណោះ។
សៀវភៅនេះលក់ក្នុងតម្លៃ ៣.៩៨ លានដុល្លារ (៤.៥ លានដុល្លារនៅឆ្នាំ ២០០៦)។
១៤. Rules of Basketball
Basketball គឺជាកីឡាមួយដែលមានប្រជាប្រិយបំផុតនៅលើពិភពលោក។ កីឡានេះត្រូវបានបង្កើតឡើងដោយ James Naismith ក្នុងឆ្នាំ ១៨៩១។ លោកជាគ្រូបង្វឹកនៅសកលវិទ្យាល័យមួយហើយគាត់ក៏បានចងក្រងសៀវភៅក្បួនច្បាប់ Basketball នេះឡើងដែលលក់ក្នុងតម្លៃ ៤.៣ លានដុល្លារ (៤.៧ លានដុល្លារក្នុងឆ្នាំ ២០១៦) ។
១៣. Biblia Pauperum
នេះគឺជាសៀវភៅមួយដែលបូកបញ្ចូលគ្នារវាងប្រវត្ដិសាស្រ្តសិល្បៈ និងព្រះគម្ពីរក្នុងសៀវភៅតែមួយ។ អ្នកនិពន្ធបានសរសេរឡើងអមជាមួយរូបភាពដែលឆ្លុះបញ្ចាំងពីការផ្លាស់ប្តូរសំខាន់ពីរនៅក្នុងប្រវត្តិសាស្រ្តមនុស្សជាតិ។ សៀវភៅនេះមានតម្លៃ ២.៤២ លានដុល្លារក្នុងខែតុលាឆ្នាំ ១៩៨៧។ សព្វថ្ងៃនេះមានតម្លៃប្រហែល ៥ លានដុល្លារ។ វាជាច្បាប់ចម្លងតែមួយគត់នៅសហរដ្ឋអាមេរិក។
១២. Traité des Arbres Fruitiers
លោក Henri-Louis Duhamel du Moncaeu ជាអ្នកវិទ្យាសាស្រ្ដបារាំងឈានមុខគេម្នាក់នៅគ្រានោះមុខវិជ្ជាសិក្សារបស់លោកគឺរូបវិទ្យាវិស្វកម្ម និងរុក្ខសាស្ត្រដែលលោកសរសេរពីច្បាប់ធម្មជាតិនិងដើមឈើហូបផ្លែ។ នៅឆ្នាំនោះលោកត្រូវបានស្នើដោយបណ្ឌិត្យសភាបារាំងឱ្យស៊ើបអង្កេតអំពីអ្វីដែលបណ្តាលឱ្យមានការបំផ្លាញរុក្ខជាតិដែលមានពណ៌ខៀវស្រងាត់នៅ Gatinais។ សៀវភៅនេះត្រូវបានលក់ក្នុងតម្លៃ ៤.៥ លានដុល្លារកាលពី ១០ ឆ្នាំមុនក្នុងឆ្នាំ ២០០៦។ សព្វថ្ងៃនេះមានតម្លៃប្រហែល ៥.៣ លានដុល្លារ។
១១. First Folio
លោក William Shakespeare ជាអ្នកសរសេរសៀវភៅនេះឡើងហើយក៏ជាសាច់រឿងដែលពេញទៅដោយភាពឈឺចាប់ទុក្ខសោកនាដកម្ម និងមានបែបកំប្លែងនៅក្នុងនោះផងដែរ។ សៀវភៅនេះរកប្រាក់ចំណូលបានតែ ១.២ អឺរ៉ូក្នុងឆ្នាំដំបូងប៉ុណ្ណោះ។ ក្នុងឆ្នាំ២០១១ ច្បាប់ចម្លងមួយបានទាក់ទាញចំណាប់អារម្មណ៍ពីសហស្ថាបនិកក្រុមហ៊ុន Microsoft គឺលោក Paul Allen។ វឆមានតម្លៃ ៦.១ លានដុល្លារ (៨.២ លានដុល្លារសព្វថ្ងៃ)។
១០. Gutenberg Bible
គម្ពីរ Gutenberg ត្រូវបានគេស្គាល់ថាជាគម្ពីរ Mazarin ដែលជាគម្ពីរមួយដែលទទួលការដេញថ្លៃជាច្រើនពីមួយទៅមួយដោយសារតែសោភ័ណភាពនិងសិល្បៈនៃការសរសេរដែលមានគុណភាពនិងទឹកដៃរបស់អ្នកនិពន្ធផងដែរ។ លក់ក្នុងតម្លៃ ៤.៩ លានដុល្លារ (១០.២ លានដុល្លារក្នុងឆ្នាំ ២០១៦)។
៩. រឿង Canterbury
រឿង Canterbury ត្រូវបានគេស្គាល់ថាជាស្នាដៃនិពន្ធរបស់ Geoffrey Chaucer ច្បាប់ចម្លងជាក់លាក់មួយនេះត្រូវបានបោះពុម្ព ៧៨ ឆ្នាំបន្ទាប់ពីលោកបានទទួលមរណភាព ១៤៧៨។ រាប់រយឆ្នាំក្រោយមកលោកនៅតែត្រូវបានគេស្គាល់ថាជាឪពុកនៃអក្សរសាស្ត្រអង់គ្លេ។ ពិតប្រាកដណាស់ដែលសៀវភៅមួយនេះមានតម្លៃថ្លៃ ព្រោះថាវាត្រូវចំណាយពេលជាង ២០០ ឆ្នាំទម្រាំទទួលបានការថតចម្លង។ វាលក់ក្នុងតម្លៃ ៧.៥ លានដុល្លារ (១០.៩ លានដុល្លារក្នុងឆ្នាំ ២០១៦)។
៨. Les Liliacées
Les Liliacées ត្រូវបានសរសេរដោយ Pierre-Joseph Redoute ក្នុងសតវត្សទី ១៨ គាត់ជាវិចិត្រករនិងជាអ្នកជំនាញផ្នែករុក្ខសាស្រ្តទាំងនេះហើយដែលជាជំនាញតែមួយគត់ដែលគាត់អាចបង្កើតស្នាដៃសិល្បៈនេះបាន។ ដោយសារតែមានភាពទាក់ទាញរបស់សៀវភៅដែលមានរូបភាពផ្កានៅក្នុងសួនច្បារ Malmaison និងមានទម្ងង់ធ្ងន់ជាងសៀវភៅធម្មតា វាត្រូវបានដាក់លក់ក្នុងតម្លៃ ៥ លានដុល្លារ (១១ លានដុល្លារក្នុងឆ្នាំ ២០១៦)។
៧. The Birds of America
The Birds of America ជាសៀវភៅដែលមានទៅដល់បីក្បាលហើយត្រូវបានលក់ក្នុងតម្លៃខ្ពស់បំផុតស្ថិតក្នុងចំណោមសៀវភៅទាំង ១១៩ ក្បាលដែលមាននៅក្នុងពិភពលោកទាំងមូល។ ដាក់លក់លើកទីមួយក្នុងឆ្នាំ ២០០០ លើកទីពីរក្នុងឆ្នាំ ២០១២ លើកទីបីក្លាយជាសៀវភៅចំណាត់ថ្នាក់លេខ៧ នៅក្នុងតារាងសៀវភៅថ្លៃជាងគេនៅលើពិភពលោកនាឆ្នាំ ២០១០។ អ្នកនិពន្ធជាអ្នកជំនាញខាងវិទ្យាធម្មជាតិ និងជាវិចិត្រករជនជាតិអាមេរិក។ សៀវភៅនេះសរសេរឡើងដោយផ្អែកលើការសិក្សាយ៉ាងទូលំទូលាយអំពីបក្សីអាមេរិកគ្រប់ប្រភេទ។ វាលក់ក្នុងតម្លៃ ១១.៥ លានដុល្លារ (១២.៥ លានដុល្លារក្នុងឆ្នាំ ២០១៦)។
៦. Bay Psalm Book
Bay Psalm Book ជាសៀវភៅនិយាយពីការបកប្រែទំនុកនៃការច្រៀងសរសើរដ៏ពិរោះ។ វាមានតម្លៃគួរឱ្យភ្ញាក់ផ្អើលគឺ ១៤.២ លានដុល្លារ (១៤.៤ លានដុល្លារក្នុងឆ្នាំ ២០១៦)។
៥. St. Cuthbert Gospel
St. Cuthbert Gospel ត្រូវបានគេស្គាល់ថាជាសៀវភៅសល់មកពីសតវត្សទី ៧។ សៀវភៅនេះ បានសរសេរដើម្បីឧទ្ទិសដល់ពួកបរិសុទ្ធបន្ទាប់ពីមនុស្សស្លាប់។ វាមិនគ្រាន់តែមានតម្លៃនៅក្នុងទស្សនៈសាសនាប៉ុណ្ណោះទេ វាក៏មានតម្លៃជាប្រវត្តិសាស្ត្រផងដែរដែលមានតម្លៃ ១៤.៣ លានដុល្លារ (១៤.៧ លានដុល្លារក្នុងឆ្នាំ ២០១៦) ។
៤. Rothschild Prayerbook
Rothschild Prayerbook ត្រូវបានគេដឹងថានិពន្ធដោយវិចិត្រករម្នាក់ តាំងពីឆ្នាំ ១៥០០មកម្លេះ។ វាត្រូវបានទិញពីបណ្ណាល័យជាតិ Austria ក្នុងឆ្នាំ ១៩៩៩ ក្នុងទឹកប្រាក់ ១៣.៤ លានដុល្លារ។ ឥឡូវនេះសៀវភៅ Rothschild Prayerbook បានដាក់នៅក្នុងបណ្ណាល័យជាតិក្នុងប្រទេសអូស្រ្តាលី ដែលលក់ក្នុងតម្លៃ ១៣.៤ លានដុល្លារ (១៩.៣ លានដុល្លារក្នុងឆ្នាំ ២០១៦) ។
៣. Magna Carta
Magna Carta មានន័យថាធម្មនុញ្ញដ៏អស្ចារ្យជាធម្មនុញ្ញដែលបង្កើតឡើងដោយស្ដេច John នៃប្រទេសអង់គ្លេស។ វាត្រូវបានធ្វើការដេញថ្លៃដំបូងបំផុតនៅទីក្រុង New York ។ ច្បាប់ដើមត្រូវបានព្រាងនៅឆ្នាំ ១២១៥ ។ បច្ចុប្បន្នវាមានតម្លៃ ២១.៣ លានដុល្លារ។
២. Gospels of Henry the Lion
សៀវភៅដែលថ្លៃជាងគេទី ២ នៅលើពិភពលោក Gospels of Henry the Lion និពន្ធឡើងក្រោមបញ្ជារបស់ស្តេច Saint Benedict នៅឆ្នាំ ១១៧៥ ។ វាត្រូវបានគេទទួលស្គាល់នាសតវត្សរ៍ទី ១២ ដែលមានចំនួន ២៦៦ ទំព័រ ក្នុងនោះ ៥០ ទំព័រពេញលេញដោយគំនូរនិងស្នាដៃសិល្បៈ។ លក់ក្នុងតម្លៃ ១១.៧ លានដុល្លារ (២៧.៨ លានដុល្លារក្នុងឆ្នាំ ២០១៦)។
១. Codex Leicester
Codex Leicester ជាសៀវភៅទស្សនាវដ្តីវិទ្យាសាស្ត្រដ៏ល្បីល្បាញបំផុតមួយរបស់លោក Leonardo da Vinci ចាប់ពីឆ្នាំ ១៥០០ ដែលសរសេរពីទ្រឹស្ដីដែលទាក់ទងនឹងចលនាទឹករហូតដល់ផូស៊ីល និងពន្លឺព្រះចន្ទ។ នៅឆ្នាំ ១៩៩៤ សៀវភៅកត់ត្រានេះត្រូវបានយកដោយ Bill Gates នៅឯការដេញថ្លៃកាសែតមួយក្នុងតម្លៃជាង ៣០ លានដុល្លារ។ លោក Bill Gates បាន print screen សៀវភៅនេះ រក្សាទុករបស់អេក្រង់នៃ Windows95 របស់ Microsoft Plus ផងដែរ។ ក្នុងឆ្នាំ ២០១៦ វាកើនតម្លៃដល់ ៤៧.២ លានដុល្លារ៕
ប្រែសម្រួល៖ សន ផានិត
ចុចអាន៖ សិល្បៈគំនូរនិងការថតរូបដែលបង្ហាញពីអត្ថន័យនៃជនជាតិស្បែកខ្មៅ ដែលគួរតែដឹង
កម្ពុជា ថ្កោលទោសចំពោះការវាយប្រហារភេរវកម្ម នៅសាលមហោស្រពនាទីក្រុងមូស្គូ ប្រទេសរុស្ស៊ី
សម្ដេច ហ៊ុន ម៉ាណែត អំពាវនាវដល់តួអង្គពាក់ព័ន្ធបន្តសហការគ្នាអនុវត្តឯកសារគតិយុត្តគោល ទាក់ទងនឹងវិទ្យាសាស្រ្ដ បច្ចេកវិទ្យា និងនវានុវត្តន៍
ខេត្តកែប បានបញ្ចប់ការវាស់វែងចុះបញ្ជីដីធ្លីមានលក្ខណៈជាប្រព័ន្ធឱ្យពលរដ្ឋ រួចរាល់ ១០០%
សាលាមធ្យមវិចិត្រសិល្បៈ ត្រូវបានជ្រើសរើសជាទីតាំងទស្សនកិច្ចរបស់ប្រតិភូស្ត្រីចក្រវាឡអន្តរជាតិ ២០២៤
នាយករដ្ឋមន្ត្រី៖ ការរៀបចំព្រឹត្តិការណ៍ទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍ នឹងជួយបណ្ដុះស្មារតីស្រលាញ់វិទ្យាសាស្រ្ដ
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ព័ត៌មានជាតិ១៦ ម៉ោង agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)