KPT+
បាក់ទឹកចិត្តមែនទេ? សៀវភៅ ៣ ក្បាលនេះអាចជួយសម្រួលភាពស្មុគស្មាញបាន
អានសៀវភៅ ជាទម្លាប់ល្អមួយដែលនរណាៗក៏ទទួលស្គាល់ថាពិតជាជំនួយដល់ការរស់នៅទាំងផ្នែកចិត្តគំនិត និងចរិយាសម្បត្តិ។ មិនតែប៉ុណ្ណោះសៀវភៅ ក៏ចូលរួមចំណែកក្នុងវិស័យអប់រំ ព្រមទាំងជួយជំរុញកម្លាំងចិត្តដូចគ្នា។
សង្គមកម្ពុជាមានសៀវភៅច្រើនណាស់ដែលកំពុងចរាចរលើទីផ្សារ និងនៅតាមបណ្ណាល័យនានា។ សៀវភៅខ្លះផ្សាយសម្រាប់ការអប់រំ និងខ្លះសម្រាប់កម្សាន្ត។ មិនថាផ្សាយសម្រាប់អ្វី សៀវភៅទាំងអស់បានតម្រូវតាមវ័យ ព្រមទាំងចំណង់ចំណូលចិត្ត ដែលសុទ្ធសឹងតែមានប្រយោជន៍តាមខ្លឹមសាររបស់វា។
ដោយឡែកសៀវភៅដែលសក្ដិសមសម្រាប់អ្នកជួបបញ្ហាផ្លូវចិត្ត ឬកំពុងត្រូវការកម្លាំងចិត្ត មានសៀវភៅ៣ក្បាលដែលមិត្តអ្នកអានកម្ពុជាបានលើកសរសើរ ហើយអះអាងថា ក្រោយពេលបានអាន វាជួយបង្កើនថាមពលផ្លូវចិត្ត សមត្ថភាពអត់ធ្មត់ បង្រៀនចិត្តឱ្យស្ងប់ ព្រមទាំងដុសខាត់គំនិតពិចារណាឱ្យយល់កាន់ច្បាស់ពីពាក្យថា “ជីវិត”។
១. វិញ្ញាសាជីវិត ស្នាដៃអ្នកនិពន្ធ សែត ហត្ថា (កូនចាបមាស)
វិញ្ញាសាជីវិត ជាសៀវភៅដែលសក្តិសមបំផុតសម្រាប់យុវវ័យ ព្រោះបានជួយពួកគេឱ្យបានស្វែងយល់កាន់តែច្បាស់ពីរសជាតិនៃជីវិត។ សៀវភៅនេះ ល្បីល្បាញក្នុងចំណោមមិត្តអ្នកអាន រហូតមានការបោះពុម្ភផ្សាយ ៤ លើកឯណោះ។
២. មនុស្សបាក់ទឹកចិត្ត ស្នាដៃអ្នកនិពន្ធ គឹម ឌីណា
ចំណងជើងសៀវភៅនេះហាក់អវិជ្ជមានពិតមែន តែសំណេរមួយឃ្លាៗសុទ្ធតែល្អៗ ឆ្លុះបញ្ចាំងពីរឿងរ៉ាវមនុស្សបាក់ទឹកចិត្ត ក៏ដូចជាវិធីជម្នះតតាំងជាមួយជំងឺនេះ។ សៀវភៅ មនុស្សបាក់ទឹកចិត្ត ក៏ពេញនិយមខ្លាំងដែរ ហើយមានការបោះផ្សាយ២លើកទៀតផង។
៣. ការឈឺចាប់ ស្នាដៃអ្នកនិពន្ធ ម៉ីសន សុធារី
ការឈឺចាប់ មិនមានការបោះពុម្ភពីរបីលើកនោះទេ តែជាសៀវភៅលក់ដាច់។ វាមានតម្លៃពុទ្ធិ ជួយហាត់ពត់លត់ដំផ្លូវចិត្ត និងវិធីតតាំងនឹងភាពឈឺចាប់ដែលគ្មាននរណាអាចចៀសរួច។ ការឈឺចាប់ នឹងបង្រៀនយើងពីជីវិតទាំងរឿងការងារ ស្នេហា មិត្តភាព និងបរិបទផ្សេងទៀតជុំវិញការរស់នៅ។ អានចប់កាលណា ហាក់រកឃើញថ្នាំព្យាបាលការឈឺចាប់ផ្លូវចិត្តដូច្នោះដែរ៕
អត្ថបទ៖ សន្យា
ចុចអាន៖ បន្ថែមទម្លាប់អានសៀវភៅចូលក្នុងជីវិត អ្នកនឹងទទួលបានរឿងអស្ចារ្យទាំងនេះ
ចុចអាន៖ ប្រសិនចេះជ្រើសសៀវភៅ ឪពុកម្តាយអាចសម្រាលការស្តីប្រដៅកូនបានខ្លះ
ចុចអាន៖ ជឿអត់! អានសៀវភៅអំឡុងជំងឺរាតត្បាតអាចជួយដោះស្រាយបញ្ហាផ្លូវចិត្ត
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង