Connect with us

ព័ត៌មានជាតិ

អង្គការទស្សនៈពិភពលោក នឹងរៀបចំកម្មវិធីអំណានឮៗ ដើម្បីគាំទ្រទិវាអំណានជាតិ

បានផុស

នៅ

នៅថ្ងៃទី ២៦ ខែមីនា ឆ្នាំ ២០២៣ខាងមុខនេះ ក្នុងបរិវេណ Coconut Park កោះពេជ្រ អង្គការទស្សនៈពិភពលោកអន្តរជាតិប្រចាំនៅកម្ពុជា រួមជាមួយដៃគូនានា នឹងរួមគ្នារៀបចំកម្មវិធីអំណានឮៗ។ កម្មវិធីអំណានឮៗនេះ គឺធ្វើឡើងដើម្បីគាំទ្រដល់ទិវាអំណានជាតិ លើកកម្ពស់ការអានរបស់កុមារ កៀរគរថវិកាសម្រាប់ទិញសៀវភៅអាន និងសាងសង់បណ្ណាល័យក្នុងខេត្តព្រះវិហារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមសេចក្ដីប្រកាសរបស់អង្គការទស្សនៈពិភពលោក នៅថ្ងៃទី ២៤ ខែមីនានេះ បានឲ្យដឹងថា កម្មវិធីអំណានឮៗ ត្រូវបានរៀបចំជាលើកទី ២ហើយ ខណៈឆ្នាំនេះ គឺអង្គការទស្សនៈពិភពលោក មានគោលដៅកៀរគរសៀវភៅឲ្យបានចំនួន ១ម៉ឺនក្បាល ដើម្បីឲ្យកុមារដែលរស់នៅតាមតំបន់ដាច់ស្រយាល មានឱកាសទទួលបានសៀវភៅអាន និងអភិវឌ្ឍបំណិនអានរបស់ខ្លួន។

លោក វ៉ា សុរិន្ទ ប្រធានកម្មវិធីអប់រំនៃអង្គការទស្សនៈពិភពលោកប្រចាំនៅកម្ពុជា បានលើកឡើងថា អង្គការទស្សនៈពិភព លោកកំពុងធ្វើយុទ្ធនាការសៀវភៅអាន ១ម៉ឺនក្បាល ដើម្បីលើកកម្ពស់ការអានរបស់កុមារ។ លោក បន្ថែមថា ការវិនិយោគលើការអាន ជាពិសេសសម្រាប់កុមារពិតជាមានសារៈសំខាន់ណាស់ ដោយសារ សៀវភៅ​គឺជា​ឃ្លាំង​ផ្ទេរ​ចំណេះ​ដ៏​សំខាន់ ​បំផុត​មួយ​សម្រាប់​សិស្សានុ​សិស្ស​សិក្សា​ស្រាវជ្រាវ ​និង​ស្វែង​យល់​អំពី​មុខ​វិជ្ជា​ផ្សេង​ៗតាំងពី​វប្បធម៌ និង​មុខ​វិជ្ជា​វិទ្យាសាស្ត្រ​ផ្សេង​ទៀត​។

ជាមួយគ្នានេះ លោក ច័ន្ទ បេត្តា អនុប្រធានសហគមន៍នៃសភាយុវពាណិជ្ជករអន្តរជាតិកម្ពុជាសាខាចតុមុខ បានមើលឃើញថា វប្បធម៌អាននៅកម្ពុជាថ្វីត្បិតមានភាពល្អប្រសើរជាងមុន ក៏ប៉ុន្តែនៅមានកម្រិតនៅឡើយ ជាពិសេសនៅក្នុងចំណោមកុមារតូចៗនៅតំបន់ដាច់ស្រយាល។ លោក ច័ន្ទ បេត្តា លើកឡើងថា ការអានក្នុងចំណោមកុមារតូចៗនៅតំបន់ដាច់ស្រយាលមានទម្លាប់តិចតួច ឬកុមារខ្លះមិនមានទម្លាប់អានសៀវភៅនោះទេ ដោយសារតែកត្តាមួយចំនួន ដូចជា៖ កត្តាធនធាន កង្វះទម្លាប់អានសៀវភៅ និងកត្តាមជ្ឈដ្ឋានជុំវិញ ជាដើម។

ដូច្នេះហើយ លោក ជឿជាក់ថា ការបរិច្ចាគរបស់សាធារណៈជនពិតជាមានសារៈសំខាន់សម្រាប់សាលារៀន ដែលកំពុងខ្វះខាតសៀវភៅអាន សម្ភារៈសិក្សា សម្ភារៈបណ្ណាល័យ ឬបណ្ណាល័យ សម្រាប់សិស្សានុសិស្សស្រាវជ្រាវបន្ថែម ដើម្បីជំរុញអក្ខរកម្ម និងអំណានរបស់កុមារកម្ពុជា។

គួរជម្រាបថា ក្នុងឆ្នាំ ២០២២កន្លងទៅ អង្គការទស្សនៈពិភពលោកទទួលបានថវិកាចំនួនជាង ២៤០០ដុល្លារអាមេរិក និងសៀវភៅអានចំនួនជាង ៥០០ក្បាល ហើយក៏បានប្រគល់ជូនជំរំអំណាន និងសាលារៀនគោលដៅ​ដែលស្ថិតនៅស្រុកសំបូរ ខេត្តក្រចេះ និងស្រុកជំាក្សាន្ត ខេត្តព្រះវិហារ៕

ដោយ៖ ធឿន វ៉ាន់សុង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៥ វិនាទី មុន

នាយករដ្ឋមន្ត្រី៖ ការរៀបចំព្រឹត្តិការណ៍ទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍ នឹងជួយបណ្ដុះស្មារតីស្រលាញ់វិទ្យាសាស្រ្ដ

សេចក្ដីជូនដំណឹង៤៣ នាទី មុន

សេចក្ដីជូនដំណឹង ស្ដីពី ការអញ្ជើញចូលរួមដេញថ្លៃ គម្រោងជួសជុល និងស្ដារឡើងវិញជាបឋមនូវបណ្ដាញខ្សែកាបអុបទិកឆ្អឹងខ្នង (Backbone) នៅតាមបណ្ដោយផ្លូវជាតិលេខ២, ២២, ៣, ៣២, ៣៣, ៤ និងលេខ៧២

ព័ត៌មានជាតិ១ ម៉ោង មុន

ក្រសួងការងារ​ ជូនដំណឹងដល់កម្មករនៅរោងចក្រ អ.ជី ហ្វ៊ូតវែរ ទៅបើកប្រាក់ឈ្នួល និងប្រាក់បំណាច់ផ្សេងៗ​ នៅថ្ងៃទី ៣០​ ខែមីនា​

ព័ត៌មានជាតិ២ ម៉ោង មុន

គិតត្រឹមឆ្នាំ ២០២១ កម្ពុជា​ចុះ​កិច្ចព្រមព្រៀង​ពាណិជ្ជកម្ម​សេរី​ក្រោម​ក្រប​ខណ្ឌ​អាស៊ាន និង​អាស៊ាន​បូក​ដៃគូ​សរុប​ចំនួន ០៧

ព័ត៌មានអន្ដរជាតិ១២ ម៉ោង មុន

សហរដ្ឋអាមេរិកនិយាយថា ករណីវាយប្រហារនៅសាលប្រគំតន្ត្រី Crocus City Hall គឺជាការអាម៉ាស់របស់រុស្ស៊ី

ព័ត៌មានជាតិ១៤ ម៉ោង មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានអន្ដរជាតិ៣ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៤ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៣ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

ព័ត៌មានជាតិ៧ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម