KPT+
ប្រសិនចេះជ្រើសសៀវភៅ ឪពុកម្តាយអាចសម្រាលការស្តីប្រដៅកូនបានខ្លះ
អ្នកនិពន្ធ ម៉ីសន សុធារី បាននិយាយប្រាប់ ក្នុងជំនួបមួយជាមួយអ្នកសារព័ត៌មាននិងមិត្តអ្នកអានថា ប្រសិនឪពុកម្តាយយល់ថា សៀវភៅសម្រាប់ខ្លួន ឯកូនៗនិងទទួលយកការស្តីថាផ្ទាល់មាត់នេះ មិនមានប្រសិទ្ធិភាពទេ។
មានសៀវភៅច្រើនណាស់ ដែលសក្ត័សមជាមួយពួកគេ ហើយកុមារៗនិងវ័យជំទង់អាចអាន ដើម្បីបង្កើនថាមពលផ្លូវចិត្ត សមត្ថភាពអត់ធ្មត់និង ស្គាល់ពាក្យកាន់តែច្រើន បង្រៀនចិត្តឱ្យស្ងប់ ព្រមទាំង ដុសខាត់គំនិតពិចារណា ចងចាំ។
សៀវភៅដែលអ្នកនិពន្ធរូបនេះ និយមឱ្យកូនៗអ្នកស្រីអាន រួមមាន ៖
១ កូនសិស្សជីវិត ភាគទីមួយនិង២ ដោយ សេង ហ្គេកលី (ល្អខ្លាំងសម្រាប់វ័យជំទង់)
២ វិញ្ញាសាជីវិត ដោយ កូនចាបមាស (ល្អខ្លាំងសម្រាប់វ័យជំទង់)
៣ មនុស្សបាក់ទឹកចិត្ត ដោយ គឹម ឌីណា (ល្អទាំងកូនជាយុវវ័យទាំងពុកម្តាយ)
៤ វណ្ណកម្មសៀវភៅគំនូរនៃ វិចិត្រករ ទ្រី សម្ផស្ស (ល្អទាំងភ្នែកទាំងអប់រំផ្លូវចិត្តកុមារពី១២ឆ្នាំចុះ)
៥ សៀវភៅជំនាញគ្រប់គ្រងហិរញ្ញវុត្ថុកម្រិតដំបូងនានាសម្រាប់កូនវ័យចន្លោះពី១៣ដល់២០ឆ្នាំ។ល។
អ្នកនិពន្ធរូបនេះពន្យល់ថា ការជ្រើសរើសសៀវភៅក៏ជាចំណេះមួយដែរ។ ការរើសសៀវភៅខុសនឹងនាំឱ្យក្មេងស្អប់ការអាន។ ក្នុងមួយសប្តាហ៍ អ្នកស្រីឱ្យកូនអានសៀវភៅអប់រំចិត្តពីរថ្ងៃ ហើយនិទានមួយថ្ងៃ ក្រៅពីនោះអានមេរៀន។
អ្នកនិពន្ធបញ្ជាក់ដូច្នេះថា «សៀវភៅខ្លះមានចំណងជើងល្អ មានខ្លឹមសារល្អ តែមិនត្រូវវ័យកូនៗនិងវ័យជំទង់! សៀវភៅខ្លះទៀត មានពាក្យគន្លឹះសំខាន់ៗច្រើនពិតមែន ប៉ុន្តែបកប្រែមកទាំងស្រុង ជាពាក្យបច្ចេកទេស ឬមិនមានការពន្យល់ ដែលសមស្របជាមួយបរិបថកម្ពុជាជាក់ស្តែង ក៏ពិបាកទទួលយកពុទ្ធិ! ក្មេងៗគាត់ចង់អាននូវអ្វី ដែលស៊ីមេទ្រីនឹងកាលដែលគាត់មើលឃើញក្នុងជីវិតពិត នៃសង្គមយើង ពុំមែនជាអ្វីដែលមានតែក្នុងសៀវភៅទេ។ សៀវភៅនីមួយៗមានក្រុមគោលដៅសម្រាប់អាន ពុំមែនគ្រប់គ្នាសុទ្ធតែអានយល់ឡើយ! ដូចយើងពេលខ្លះ អានអ្វីក៏កាត់យល់បាន អញ្ចឹងសៀវភៅអីក៏បាន តែងតែទទួលផលពីសៀវភៅ តែកូនៗ គេមានព្រំដែន! សៀវភៅកូនសិស្សជីវិតនិងវិញ្ញាសាជីវិត មានអមដោយនិទានល្អៗ ពាក្យពន្យល់ឡូស៊ិក ងាយៗ ស្រួលយល់ ដែលសក្ត័សមណាស់! ខ្ញុំបានកុម្ម៉ង់ទិញច្រើនទៅចែកចាយកូនក្មួយតាមខេត្តទៀត»។
អ្នកនិពន្ធ ម៉ីសន សុធារីបានចេញផ្សាយស្នាដៃចុងក្រោយនេះ «ការឈឺចាប់»ដែលផ្តោតសំខាន់លើយុវវ័យនិងមនុស្សវ័យកណ្តាលដែលកំពុងប្រឈមនឹងហានីភ័យខ្ពស់នៃជីវិតដែលពេញដោយសម្ពាធ។
អ្នកស្រី អធិប្បាយថា សៀវភៅជាង ៣០០ទំព័រនោះ ឆ្លុះបញ្ចាំងអំពីមូលហេតុនៃទុក្ខសោកនានាលើលោក ដែលអាត្មាខ្លួនអាចនឹងបញ្ចៀសបាន៕
អត្ថបទ៖ ហាណា
ចុចអាន៖ ជាបុគ្គលម្នាក់មានឥទ្ធិពលក្នុងសង្គម អ្នកនិពន្ធគួរចៀសវាងរឿង ៦ យ៉ាងនេះ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ