មើលចិត្តមនុស្សតាមរយៈពណ៌សំណព្វរបស់គេ – Kampuchea Thmey Daily
Connect with us

KPT+

មើលចិត្តមនុស្សតាមរយៈពណ៌សំណព្វរបស់គេ

Published

on

ជាការ​ពិត មនុស្ស​ម្នាក់​រមែង​មានការ​ពេញចិត្ត​ទៅលើ​ពណ៌​ខុសៗ​ពីគ្នា​។ អ្នកខ្លះ ចូលចិត្ត​ពណ៌​នេះ អ្នកខ្លះ​ចូលចិត្ត​ពណ៌​នោះ​។ ប្រសិនបើ​អ្នក​ចង់ដឹងថា​ខ្លួន​មាន​ឧបនិស្ស័យ​បែបណា​នោះ សូម​អាន​ខ្លឹមសារ​អត្ថន័យ​តាម​ពណ៌​ដូចខាងក្រោម​៖

ពណ៌​ស្វាយ​ ៖ ជា​មនុស្ស​សុភាពរាបសារ​ មិនចេះ​យក​ប្រៀប​លើ​អ្នកដទៃ ប៉ុន្តែ​បើ​មិន​មាន​​ចំណូលចិត្ត​លើ​ពណ៌​នេះ​វិញ បង្ហាញថា​អ្នកជា​មនុស្ស​ងាយ​នឹង​ចាញ់បោក​គេ ពីព្រោះ​ឆាប់​ជឿ​សម្តី​អ្នកដទៃ និង​ឆាប់​ទុកចិត្ត​អ្នកដទៃ​លឿន​ពេក​រហូតដល់​ពេលខ្លះ​យោង​តែ​អាត្មា​ខ្លួនឯង​មិន​រួច​ទៀតផង​។​

​ពណ៌​ក្រហម​៖ ជា​មនុស្ស​តស៊ូ​ក្នុង​ឆាកជីវិត មិនចេះ​រាថយ ត្រៀមខ្លួន​ចាប់ផ្តើម​ថ្មី​រហូត ។ ក្នុងករណី​មិន​ចូលចិត្ត​ពណ៌​នេះ​វិញ​មានន័យថា ជា​មនុស្ស​ខ្វះ​ទំនុកចិត្ត លើ​ខ្លួនឯង ថែមទាំង​គ្មាន​ភាព​ព្យាយាម​អត់ធ្មត់​ដល់ទី​បំផុត​។​

​ពណ៌​ខ្មៅ​ ៖ ជា​មនុស្ស​ដែលមាន​ចិត្ត​ងាយ​ប្រែប្រួល តែ​គេ​មាន​ភាពជឿជាក់​លើ​ខ្លួនឯង​ខ្ពស់បំផុត ព្រោះ​ជា​មនុ​ស្សមាន​ហេតុផល ។ តែ​ប្រសិនបើ​មិន​ចូលចិត្ត​ពណ៌​នេះ​វិញ​បង្ហាញ​ឲ្យ​ឃើញថា​អ្នកជា​មនុស្ស​មានចិត្ត​ស្ទាក់ស្ទើរ​ក្នុង​ការចាប់​ផ្តើមធ្វើ​អ្វីមួយ ព្រមទាំង​មានការ​រារែក​ក្នុងការ​សម្រេចចិត្ត​ទៅក្នុង​រឿង​អ្វីមួយ​ពាក់ព័ន្ធ​នឹង​ជីវិត​។​

​ពណ៌​បៃតង​ ៖ ជា​មនុស្ស​ស្រលាញ់​ភាព​ស្ងៀមស្ងប់ មិន​ចូលចិត្ត​បង្ករឿង​រ៉ាវ មាន​សន្តាន​ចិត្តល្អ និង​មាន​មនុស្ស​ចូលចិត្ត​រាប់រក​ច្រើន ។ តែ​ក្នុងករណី​មិន​ចូលចិត្ត​ពណ៌​នេះ​វិញ នោះ​បង្ហាញ​ឲ្យ​យើង​ដឹងថា​ជាម​នុស្ស​មិនសូវ​ចុះ​ញ៉ម​នឹង​អ្នកណា ហើយ​មិន​ចូលចិត្ត​រស់​ក្រោម​គំនាប​ណាមួយ​។​

​ពណ៌​លឿង​៖ ​ជា​មនុស្ស​ដែល​មិនចេះ​នៅ​ស្ងៀម ចូលចិត្ត​ភាព​ឌឺដង ព្រមទាំង​មាន​សន្តាន​ចិត្តល្អ ចេះ​ជួយសង្គ្រោះ​អ្នកដទៃ​។ ប៉ុន្តែ​បើសិន​មិន​ចូលចិត្ត​ពណ៌​នេះ​វិញ នោះ​បញ្ជាក់ថា អ្នកជា​មនុស្ស​ត្រូវការ​ស្ថិរភាព​សម្រាប់​ខ្លួនឯង​បំផុត មិន​ថា​ភាពស្មោះត្រង់ ឬ​សេចក្តីស្រឡាញ់​ពី​គូស្នេហ៍​នោះទេ​។​

​ពណ៌​ស៊ី​ជម្ពូរ​៖ ជា​មនុស្ស​ដែល​អាត្មានិយម​រក​លេខ​ដាក់​គ្មាន តែមាន​ការជឿជាក់​លើ​ខ្លួនឯង​ខ្ពស់បំផុត។ ប្រសិនជា​មិន​ចូលចិត្ត​ពណ៌​នេះ​វិញ បញ្ជាក់ថា​អ្នកជា​មនុស្ស​មើល​អ្វីៗ​ដោយ​ហេតុផល មាន​សេចក្តី​មានៈ ព្យាយាម និង​ចំណុច​ដែល​សំខាន់​មិន​ចូលចិត្ត​ធ្វើបាប​អ្នក​ដទៃ​។​

​ពណ៌​ប្រផេះ ​៖ ជា​មនុស្ស​ដែលមាន​ពិភពលោក​ផ្ទាល់ខ្លួន​បំផុត និង​ចូលចិត្ត​រស់នៅ​តែម្នាក់ឯង​។ ប៉ុន្តែ​ប្រសិន​អ្នក​មិន​ចូលចិត្ត​ពណ៌​នេះ​វិញ អាច​បញ្ជាក់ថា​របស់​អ្វីមួយ​ដែល​អ្នក​ប៉ងប្រាថ្នា​ចង់បាន​នោះ អ្នកនឹង​យក​វា​ឲ្យ​បាន ទោះបី​ប្រើ​សេចក្តី​ព្យាយាម​ប៉ុនណា​ក៏ដោយចុះ​។​

​ពណ៌​ស្ករ​៖ ជា​មិត្ត​ដ៏​ល្អ​សម្រាប់​មនុស្ស​គ្រប់រូប ព្រោះ​អ្នក​ដែល​បាន​ជួប​រមែង​ដកចិត្ត​មិន​រួច ។ ប៉ុន្តែ​បើ​មិន​ចូលចិត្ត​ពណ៌​នេះ​វិញ អាច​បង្ហាញ​ឲ្យ​ដឹងថា អ្នកមាន​សមត្ថភាព​ពេញ​ខ្លួន​​​ក្រោយពី​ទទួលបាន​ការងារ​អ្វីមួយ​ហើយ​នោះ រមែង​ព្យាយាម​ធ្វើ​បានល្អ​បំផុត​។​

​ពណ៌​ទឹកក្រូច ​៖ ជា​មនុស្ស​ពោរពេញ​ទៅដោយ​សម្ព័ន្ធ​ភាពល្អ មាន​មិត្ត​ភ័ក្តិ​ច្រើន ព្រមទាំង​ចូលរួម​ការងារ​នៅក្នុង​សង្គម។ ប៉ុន្តែ​បើ​គ្មាន​ចំណូលចិត្ត​លើ​ពណ៌​នេះ​ទេ នោះ​មានន័យថា ជា​មនុស្ស​មិនមាន​អារម្មណ៍​សប្បាយរីករាយ ជីវិត​មានតែ​ភាព​គ្រោតគ្រាត​គ្រប់ពេលវេលា​។​

​ពណ៌​ខៀវ​ ៖ ជា​មនុស្ស​មានចិត្ត​អត់ធ្មត់ គ្រប់គ្រង​អារម្មណ៍​បាន​គ្រប់​ស្ថានការណ៍​ទាំងអស់​។ ក្នុងករណី​មិន​ចូលចិត្ត​ពណ៌​នេះ​វិញ​មានន័យថា អ្នក​មិន​ស័ក្ដិសម​ធ្វើជា​មេដឹកនាំ​គេ តែ​សមគួរ​ធ្វើជា​អ្នក​ជើង​ក្រោយ​វិញ នោះ​ដោយសារតែ​ភាពភ័យខ្លាច​របស់​អ្នក​នោះឯង​៕

​អត្ថបទ​៖ សន្យា​

ប្រភព៖ Bright Side

ចុចអាន៖ មក​មើល​ចំណុចខ្សោយ​តារានិករទាំង១២ ហេតុអ្វី​ពួកគេ​ឧស្សាហ៍​កើតទុក្ខ

ចុចអាន៖ ក្លិន​ទឹកអប់​អាច​ប្រាប់​ពី​និស្ស័យ​ពិត​នៃ​​មនុស្ស​ម្នាក់​ៗ​បាន

ចុច Like Facebook កម្ពុជាថ្មី

កីឡា5 hours ago

ខ្លាំង​មែន​! Capitan ផ្ដួល Ramazanov ដើម្បី​ក្លាយជា​ម្ចាស់​ខ្សែក្រវាត់​ពិភពលោក​ថ្មី

ព័ត៌មានជាតិ8 hours ago

លោកជំទាវ​ម៉ែន សំអន បាន​សម្របសម្រួល​បញ្ចប់​វិវាទ​ករណី​សំណង់​ផ្សារ​ទំនើប​សេន​ជូ​រី​ផ្លា​ហ្សា ស្របតាម​វិធីសាស្ត្រ ឈ្នះ ឈ្នះ របស់​សម្តេច​តេ​ជោ ហ៊ុន សែន

ព័ត៌មានជាតិ9 hours ago

ខេត្តស្ទឹងត្រែង​មាន​បញ្ហា​ប្រឈម​ច្រើន ដោយសារតែ​ស្ថានភាព​ព្រំដែន​មាន​សភាព​ស្មុគស្មាញ និង​មិនទាន់​បោះបង្គោល​ព្រំដែន

ព័ត៌មានជាតិ9 hours ago

កម្ពុជា ចិន រៀបចំ​ព្រឹត្តិការណ៍ «​ដំណើរ​ភាពយន្ត​ចល័ត​ចិន​-​កម្ពុជា​ដ៏​ឆ្នើម​លើក​ទី​៥»

ព័ត៌មានជាតិ9 hours ago

ករណី​បាញ់​សម្លាប់​ជនជាតិ​ចិន​កក្រើក​នៅព្រះសីហនុ ​សមត្ថកិច្ច​ឃាត់​ខ្លួន​ជនសង្ស័យ​៣នាក់​

ព័ត៌មានពេញនិយម