KPT+
ក្លិនទឹកអប់អាចប្រាប់ពីនិស្ស័យពិតនៃមនុស្សម្នាក់ៗបាន
ទឹកអប់ ប្រើសម្រាប់លុបបំបាត់ក្លិនមិនល្អនៅជាប់ខ្លួនប្រាណបង្កើនភាពទាក់ទាញ បង្កើតអារម្មណ៍ល្អដល់សាមីខ្លួន មិនតែប៉ុណ្ណោះមានការសិក្សាស្រាវជ្រាវឃើញថា តាមរយៈក្លិនទឹកអប់នីមួយៗ ដែលយើងចូលចិត្តអាចប្រាប់ពីនិស្ស័យនៃមនុស្សម្នាក់ៗបានផង។
ខាងក្រោមនេះ ជាការសម្គាល់ពីបុគ្គលិកលក្ខណៈរបស់មនុស្សក្នុងការប្រើប្រាស់ទឹកអប់ទៅតាមចំណង់ចំណូលចិត្តរបស់ពួកគេ៖
ក្លិនវ៉ានីឡា ផ្កាម្លិះ ស្ករគ្រាប់ សូកូឡា ឬក្លិនផ្អែម
ជាមនុស្សមានភាពសប្បាយរីករាយ និងមានរសនិយមខ្ពស់ក្នុងរបៀបរស់នៅ។ ប្រសិនបើឲ្យពួកគេរៀបចំកម្មវិធីជប់លៀង ឬកម្មវិធីផ្សេងៗ ច្បាស់ជាធ្វើឲ្យភ្ញៀវពេញចិត្តមិនខកបំណងឡើយ។ ដោយសារពួកគេមានគំនិតថ្មីៗ និងមានភាពច្នៃប្រឌិតខ្ពស់ ទើបពួកគេនិយមធ្វើអ្វីប្លែកៗជានិច្ច។ នៅក្នុងវិស័យការងារ ភាគច្រើននៃអ្នកចូលចិត្តក្លិនវ៉ានីឡា ជាមនុស្សស្វាហាប់ រហ័សរហួន និងរប៉ិលរប៉ូច។
ក្លិនក្រូចឆ្មារ រាងហឹរ ឬក្លិនប្រហើរ
ជាប្រភេទមនុស្សដែលមានការផ្ដោតអារម្មណ៍ខ្លាំងនៅពេលគេធ្វើអ្វីមួយ ពោលគឺផ្ចិតផ្ចង់ក្នុងការងារ។ ក្រុមមនុស្សនិយមក្លិននេះ ភាគច្រើនជាមេដឹកនាំគេ។ ម្យ៉ាងទៀតពួកគេមានមហិច្ឆតាតាខ្ពស់ក្នុងការសម្រេចបំណងឲ្យខានតែបាន។ ពួកគេក៏ជាមនុស្សដែលមិនសូវចូលចិត្តលេងសើចច្រើន និយាយម៉ាត់ៗត្រង់ៗច្បាស់ៗ និងមិនសូវបត់បែនច្រើន។ មិនតែប៉ុណ្ណោះពួកគេជាបុគ្គលលេចធ្លោខ្លាំងនៅកន្លែងរស់នៅឬនៅកន្លែងធ្វើការផងដែរ។
ក្លិនផ្កាកុលាប និងប្រហើរឈ្ងុយតិចៗ
ជាមនុស្សដែលមានការប្រុងប្រយ័ត្នខ្ពស់ មិនថាពេលធ្វើការ ការនិយាយស្ដី ឬការធ្វើដំណើរទៅណាមកណានោះទេ។ ពួកគេមានការគិតគូរបានវែងឆ្ងាយ គិតមុនបានធ្វើតាមក្រោយ។ ហេតុនេះបានជាពួកគេមានការសម្រេចចិត្តខ្ពស់ មួយដឹងមួយ មិនវៀចវេរ ឬលម្អៀងទៅខាងណាឡើយ ប៉ុន្តែពួកគេជាមនុស្សឆាប់ភ្លេច។
ក្លិនផ្កាឡាវេនឌ័រ
ជាប្រភេទមនុស្សរួសរាយរាក់ទាក់។ ពួកគេទៅណាមកណារមែងតែងមានមនុស្សរាប់អានច្រើន។ ជាបុគ្គលមានមិត្តភ័ក្ដិច្រើន និងមានបណ្ដាញគ្រប់ទិសទី។ ជាអ្នកចូលចិត្តធ្វើការជាក្រុម ហើយមិនចូលចិត្តភាពឯកោនិងគិតច្រើនទេ។ ពួកគេក៏មានចំណង់ផ្លូវភេទខ្ពស់ និងជាមនុស្សដែលដែលចូលចិត្តភាពសប្បាយរីករាយជាជាងយកទុក្ខដាក់ខ្លួន។
ក្លិនផ្លែឈើ ផ្លែប៉ោម និងផ្លែប័ររី
ជាមនុស្សឆាប់ខឹង ហើយក៏ឆាប់បាត់ទៅវិញ។ មិនចូលចិត្តនិយាយលេងច្រើន មិនចូលចិត្តឲ្យគេមករំខាន ហើយជានិច្ចកាលពួកគេចូលចិត្តឲ្យអ្នកដទៃសម្របតាមខ្លួន និងពូកែខាងតែបញ្ជាគេ។ ប្រសិនបើនរណាម្នាក់ធ្វើអ្វីមួយមិនសមដូចបំណងទេនោះ ពួកគេនឹងខឹងច្រឡោតជាក់ជាមិនខាន ប៉ុន្តែពួកគេជាមនុស្សខិតខំប្រឹងប្រែងក្នុងការងារ ឬធ្វើអ្វីមួយ មិនរារែក និងមិនខ្ជិលច្រអូសឡើយ៕
ប្រែសម្រួល៖ សន្យា
ប្រភព៖ Vision Times
ចុចអាន៖ចង់ក្លាយជាអ្នកស្ដាប់ដ៏សកម្មមួយរូបពង្រឹងជំនាញទំនាក់ទំនង?
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង