KPT+
រឿងដែលបុរសៗយកចិត្តទុកដាក់ ប៉ុន្តែនារីមិនដឹងខ្លួនថាសំណាង
នៅក្នុងទំនាក់ទំនងស្នេហា ជួនកាលមនុស្សទុកចិត្តគ្នាពេករហូតដល់ចូលចិត្តបង្ហាញភាពព្រងើយដែលធ្វើឱ្យម្ខាងទៀតច្រលំថា មិនមានការយល់ដឹងទុក្ខធុរៈចំពោះគ្នា។ ជាលទ្ធផលកង្វះការយកចិត្តទុកដាក់ចំពោះដៃគូត្រង់ៗ ធ្វើឱ្យម្នាក់ៗគិតផ្ទុយលើចំណងជីវិតគូនេះ។
ខាងក្រោម ជាឧទាហរណ៍មួយចំនួនដែលបុរសតែងកត់សម្គាល់អំពីស្ត្រី ប៉ុន្តែនាងបែរជាមិនចាប់អារម្មណ៍៖
១. ការហូបចុករបស់នាង
នាងញ៉ាំអ្វីគ្រប់យ៉ាងទាំងអស់មិនមែនតាមឃ្លាន តាមរបបអាហារដែលបានកំណត់ទុកទេ ប៉ុន្តែញ៉ាំច្រើនទៅតាមអារម្មណ៍ហើយខាងបុរសឬដៃគូ ពូកែកត់សម្គាល់រឿងនេះ។ មិនជាបញ្ហានោះទេ គាត់នៅតែស្រឡាញ់យើង។ មិនចាំបាច់មានអារម្មណ៍ថា មានកំហុសក្នុងការញ៉ាំច្រើនឡើយ នេះគ្រាន់តែជារឿងដែលបុរសកត់សម្គាល់ថា មនុស្សស្រីខុសពីខ្លួនគេ គេហូបតែអ្វីដែលគេឃ្លាន ។
២. នាងតុបតែងខ្លួនប៉ុន្មានដង ហើយយូរៗ?
![Ji Chang Wook's Kitchen on Twitter: "[Drama] Will the love of Noh Ji Wook break down the iron wall of Eun Bong Hee over washing dishes in the next #SuspiciousPartner?… https://t.co/2lGSwRJQWw"](https://pbs.twimg.com/media/DBxpBXIU0AEM9IV.jpg)
យើងប្រហែលជាគិតថា នេះជាទម្លាប់ធម្មតា ប៉ុន្តែបុរសនៅតែកត់សម្គាល់ហើយលបហួសចិត្ត។ តែបុរសជាច្រើនបានស្របបំណងនេះ តែងតែទិញគ្រឿងតុបតែងមកផ្គាប់ ព្រោះគេដឹងថា វាជាសុភមង្គលរបស់នាង ទោះគេចូលចិត្តឃើញនាងស្អាតធម្មជាតិក្តី។
៣. ពណ៌សម្លៀកបំពាក់
ជម្រើសពណ៌សម្លៀកបំពាក់ដែលយើងស្លៀកជាប់ខ្លួន គឺរឿងដែលបុរសកត់សម្គាល់ដូចគ្នា។ ព្រោះថាជម្រើសពណ៌ដែលនារីចូលចិត្ត គឺជាការឆ្លុះបញ្ចាំងពីអារម្មណ៍ខាងក្នុងរបស់នាង។ គេខ្លាចនាងត្រូវអ្នកផងរិះគន់ នឹងខ្លាចនាងមិនស្អាត។
៤. ស្នាមញញឹមគួរឲ្យស្រឡាញ់របស់នាង
តិចអត់ដឹងថាស្នាមញញឹមរបស់ស្រីៗអាចមានឥទ្ធិពលចំពោះបុរសខ្លាំងជាងអ្វីទៅទៀត។ ពេលជួបគ្នា បុរសចូលចិត្តនារីដែលញញឹមស្រស់មកកាន់គេដំបូង។
៥. ប្រតិកម្មលើផ្ទៃមុខ
នាងប្រហែលមិនកត់សម្គាល់ថា តើមុខរបស់ខ្លួនមានប្រតិកម្មយ៉ាងណាចំពោះស្ថានភាពណាមួយទេ ប៉ុន្តែបុរសតែងលួចសង្កេតមើលលក្ខណៈទាំងនោះ។ គាត់ដឹងភ្លាមៗ នៅពេលណាដែលនាងកំពុងមានអារម្មណ៍រំខាន ឬឆាប់ខឹងរឿងណាមួយ។
៦. រឿងដែលធ្វើឲ្យនាងព្រួយបារម្ភ
![Photos] New Stills and Behind the Scenes Images Added for the Upcoming Korean Drama 'Melting Me Softly' @ HanCinema](https://photos.hancinema.net/photos/fullsizephoto1105728.jpg)
គាត់មិនដែលចង់ឲ្យនាងព្រួយបារម្ភអំពីអ្វីទាំងអស់ គាត់តែងតែខិតខំប្រឹងប្រែងការពារនាងជានិច្ច។ គាត់ព្យាយាមធ្វើឲ្យនាងមានសុវត្ថិភាព និងមិនឲ្យនាងស្គាល់អារម្មណ៍នៃការឈឺចាប់ទាំងនោះ។
គាត់ដឹងថា នាងសប្បាយចិត្ត នោះគាត់ក៏មានសុភមង្គលដែរ។ នោះហើយជាមូលហេតុដែលគាត់តែងតែកត់សម្គាល់ នូវអ្វីដែលនាំមកនូវសេចក្ដីរីករាយដល់ជីវិតនាង។ គាត់ចង់នាំមកនូវភាពរីករាយដល់នាងរាល់ថ្ងៃ នៅពេលដែលអ្នកទាំងពីរនៅជាមួយគ្នា៕
ប្រែសម្រួល៖ សាង ស្រីល័ក្ខ
ប្រភព៖ relrules
ចុចអាន៖ ជួបគ្នាដំបូងៗ បុរសៗនិយមលួចពិនិត្យលើចំណុចទាំងប៉ុន្មាននេះ
ចុចអាន៖ មូលហេតុអ្វីបានជាមនុស្សប្រុសខ្លះមិនហ៊ានទាក់ទងជាមួយស្រីស្អាត?
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ៧ ថ្ងៃ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៥ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានជាតិ៣ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង