​បើ​មិន​ចង់​ឲ្យ​ខ្លួន​ឈឺចាប់​ដោយសារ​មនុស្ស​ជុំវិញខ្លួន​ ​គួរ​តែ​ឈប់​ផ្ដោត​គំនិតលើ​ពួកគេ
Connect with us
Helistar Cambodia - Helicopter Charter Services

KPT+

​បើ​មិន​ចង់​ឲ្យ​ខ្លួន​ឈឺចាប់​ដោយសារ​មនុស្ស​ជុំវិញខ្លួន​ ​គួរ​តែ​ឈប់​ផ្ដោត​គំនិតលើ​ពួកគេ

បានផុស

នៅ

ពេលខ្លះ​យើង​ព្យាយាម​បង្ហាញ​ដល់​ពិភពលោក​ថា​ ​យើង​អស្ចារ្យ​ប៉ុណ្ណា​ និង​មាន​គេ​ចូលចិត្ត​ ហើយ​ទទួលយក​ដោយ​មនុស្ស​ជា​ច្រើន។ ប៉ុន្តែ​យើង​មិន​អាច​ផ្គាប់ចិត្ត​មនុស្ស​គ្រប់គ្នា​បាន​ទាំងអស់​ឡើយ។ ភាព​ស្មុគស្មាញ​ងាយ​រងគ្រោះ ​និង​ភាព​មិន​ល្អឥតខ្ចោះ​របស់​យើង​នេះ​ហើយ​ ​ជា​អាវុធ​សម្លាប់​យើង​មិន​ដឹងខ្លួន​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅ​ពេល​ដែល​យើង​ទទួល​យក​ខ្លួនឯង​ជា​នរណា​ ជំនួស​ឲ្យ​ការ​​ស្មាន​ថា​អ្នកដទៃ​ចង់​ឲ្យ​យើង​ធ្វើ នោះ​សុភមង្គល​ពិត​ នឹង​វិល​មក​រក​យើង​ជាក់​ជាមិនខាន។

១. មនុស្ស​ស្គាល់​យើង​ច្បាស់​តែង​ចង់​ឲ្យ​​យើង​ធ្វើ​ជា​ខ្លួនឯង

មនុស្ស​ដែល​ស្គាល់​យើង​ហើយ​ដឹង​ថា​យើង​សំខាន់​ប៉ុណ្ណា ​គេ​គ្មាន​ថ្ងៃ​ចង់​ឲ្យ​​យើង​ខុស​ពី​ខ្លួនឯង​ឡើយ។ អ្នក​ដែល​យើង​ត្រូវ​ចាប់​អារម្មណ៍​ គឺ​អ្នក​ដែល​ហ៊ាន​ទទួលយក​យើង​សម្រាប់​ភាព​ខ្លាំង​និង​ភាព​ខ្សោយ​របស់​យើង។

ពួកគេ​មិន​វិនិច្ឆ័យ​យើង​ពី​ទម្លាប់​ឬ​របៀប​ដែល​យើង​ជ្រើសរើស​ ដើម្បី​រស់នៅ​ក្នុង​ជីវិត​របស់​យើង​​ឡើយ។

ពួកគេ​នឹង​នាំ​យើង​ទៅ​ចែក​រំលែក​ជីវិត​រួមគ្នា​ ជាមួយ​អ្វីៗ​ដែល​យើង​មាន។ ហើយ​ពួកគេ​ក៏​សម​នឹង​ទទួល​បាន​អ្វី​គ្រប់យ៉ាង​ដែល​យើង​អាច​ផ្ដល់​ជូន​ពួកគេ។

២. គ្មាន​នរណា​ម្នាក់​ដឹង​ថា​អ្វី​ដែល​ល្អ​បំផុត​សម្រាប់​យើង​ជាង​យើង​ខ្លួនឯង​ឡើយ

ទោះបី​រាងកាយ​យើង​រង្គោះរង្គើ​ក៏ដោយ ត្រូវ​រក្សា​លក្ខណៈ​ធម្មជាតិ​ ដែល​យើង​​បាន​ផ្ដល់​ឲ្យ​​​ពិភពលោក​នូវ​អំណោយ​ពិសេស​មួយ ​ដែល​មិន​ធ្លាប់​មាន។ យើង​កាន់​តែ​រឹងមាំ​ នៅ​ពេល​យើង​ទុក​កំហុស​ខ្លួនឯង​សម្រាប់​អប់រំ​ខ្លួនឯង​នៅ​ពេល​ក្រោយ។ កុំ​ខុស​ហើយ​នៅ​ប្រព្រឹត្ត​ទាំង​ងងល់​ឲ្យ​សោះ!

ដើរ​ពេញ​មួយ​ជីវិត​ដោយ​មាន​ទំនុក​ចិត្ត​ ហើយ​កុំ​​សង្ឃឹម​ថា​អ្នក​ផ្សេង​នឹង​យល់​ពី​ដំណើរ​ជីវិត​យើង​ ជា​ពិសេស​ប្រសិន​បើ​ពួកគេ​ មិន​ដែល​ទៅ​កន្លែង​ដែល​យើង​ត្រូវ​ទៅ។

៣.យើង​ជា​មនុស្ស​តែ​ម្នាក់​គត់​ដែល​អាច​ផ្លាស់ប្ដូរ​ជីវិត​ខ្លួនឯង

គ្មាន​នរណា​ម្នាក់​អាច​ផ្លាស់ប្ដូរ​យើង​បាន​ទេ​ ក្រៅ​ពី​យើង​ខ្លួនឯង រឿង​ទាំង​នេះ​អាស្រ័យ​លើ​យើង​ទាំងស្រុង។ យើង​មិន​អាច​រស់នៅ​ក្នុង​ជីវិត​របស់​យើង​ ​ស្រប​តាម​ការ​ចង់​បាន​របស់​អ្នកដទៃ​ទេ​ ពី​ព្រោះ​ពួកគេ​ខុស​ពី​យើង។

បើ​នរណា​ម្នាក់​ស្នើសុំ​ឲ្យ​យើង​ផ្លាស់ប្ដូរ ​សូម​កុំ​គិត​ពី​រឿង​នោះ​ ហើយ​ដក​វា​ចេញ​ពី​ជីវិត​របស់​យើង​ភ្លាមៗ។

. ផ្លូវ​ទៅ​កាន់​ភាព​អស្ចារ្យ​ត្រូវ​បាន​ក្រាល​ដោយ​ការ​បរាជ័យ

ការ​រស់នៅ​ដោយ​មិន​បរាជ័យ ​គឺ​មិន​អាច​ទៅ​រួច​ទេ​ លើកលែង​តែ​យើង​រស់នៅ​ដូច​មនុស្ស​កំសាក ​មាន​ន័យ​ថា​ យើង​នឹង​មិន​រស់នៅ​ទាល់​តែ​សោះ។ បើ​យើង​ខ្លាច​ពី​ការ​បរាជ័យ​នៅ​ចំពោះ​មុខ​អ្នកដទៃ​ យើង​មិន​អាច​សង្ឃឹម​ថា​ខ្លួនឯង​ទទួល​បាន​ជោគជ័យ​ចុងក្រោយ​ក្នុង​ជីវិត​ឡើយ។

ត្រូវ​ចាំ​ថា​ វា​មិន​ពាក់ព័ន្ធ​ចំនួន​ដង​ដែល​យើង​បរាជ័យ ​ឬ​ការ​ដាក់​ទណ្ឌកម្ម​ការ​ធ្វើដំណើរ​ ដរាបណា​យើង​មិន​បញ្ឈប់​ការ​ដើរ​ទៅមុខ។

៥. មិន​អាច​ទៅ​រួច​ក្នុង​ការ​ផ្គាប់ចិត្ត​មនុស្ស​គ្រប់គ្នា

មនុស្ស​ដែល​សើច​នឹង​ភាព​បរាជ័យ​ ហើយ​មិន​ដែល​សរសើរ​ភាព​ជោគជ័យ​របស់​យើង​ ​ ​គឺ​គេ​មិន​ដែល​ជោគជ័យ​ដោយ​ខ្លួនឯង​ឡើយ។ កុំ​បណ្ដោយ​​ឲ្យ​ពួកគេ​ធ្វើ​ដាក់​យើង​បាន​ ហើយ​កុំ​ខ្វល់​ពី​អ្វី​ដែល​ពួកគេ​គិត​ឲ្យសោះ។

កុំ​ព្យាយាម​ផ្លាស់ប្ដូរ​ថា​យើង​ជា​នរណា​ ដើម្បី​ផ្គាប់ចិត្ត​អ្នកដទៃ ​ឬ​មើល​ទៅ​ល្អ​នៅ​ក្នុង​ភ្នែក​របស់​ពួកគេ។ ធ្វើអ្វី​ៗ​តាម​វិធី​ដែល​យើង​ចង់​ធ្វើ​ ហើយ​កុំ​ឲ្យ​អ្នកដទៃ​រំខាន​ដល់​អារម្មណ៍​របស់​យើង។

មាន​តែមិត្តពិតនៅ​ជុំវិញ​ខ្លួន​យើង​ប៉ុណ្ណោះ​ ដែល​សប្បាយចិត្ត​ពេល​ឃើញ​យើង​ជោគជ័យ​ និង​ផ្ដល់​ជំនួយ​ដល់​យើង​នៅ​ពេល​ដែល​យើង​ឆ្លង​កាត់​គ្រា​លំបាក។

មនុស្ស​ល្អ​ៗ​ពិបាក​រក​ថ្ងៃនេះ​ ហើយ​នោះ​ហើយ​ជា​មូលហេតុ​ដែល​ពួកគេ​មាន​តម្លៃ។ ចងចាំ​ថា ​ធ្វើជា​ខ្លួនឯង​ ហើយ​កុំ​អស់​សង្ឃឹម​ យើង​នឹង​រក​ឃើញ​ពន្លឺ​នៃ​ការ​ព្យាយាម​របស់​យើង​មិនខាន៕

ប្រែសម្រួល៖ សាង ស្រីល័ក្ខ

ចុចអាន៖៤ វិធី ​​ជម្នះ​ភាព​ភ័យខ្លាច​ ដែល​យើង​ច្រើន​តែ​មើល​រំលង​

ចុចអាន៖កំណើត​នៃ​ការ​បង្វឹក​ភាព​ជោគជ័យ​ដោយ​ឲ្យ​មនុស្ស​ដើរ​លើ​រងើកភ្លើង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ម៉ោង មុន

សមត្ថកិច្ច​ខេត្តសៀមរាប​ឃាត់ខ្លួន​មនុស្ស​៧​នាក់​ ករណី​ល្មើស​បម្រាម​កូ​វីដ១៩​និង​ប្រើប្រាស់​សារធាតុ​ញៀន

នយោបាយ៦ ម៉ោង មុន

ព្រះអង្គម្ចាស់​ក្ស​ត្រី​យ៍ នរោត្តម ម៉ា​រី បដិសេធ​មិន​ពាក់ព័ន្ធ​ជាមួយ​ការយក​ត្រា​របស់​គណបក្ស​ហ៊្វុនស៊ិនប៉ិច

ព័ត៌មានជាតិ៧ ម៉ោង មុន

ក្រុម​ឆក់​យ៉ាងសកម្ម​ជាច្រើនលើក ចំនួន​៧​នាក់ ត្រូវបាន​កម្លាំង​នគរបាល​ខេត្ត​កែប សហការ​បង្ក្រាប​និង​ឃាត់ខ្លួន

កូវីដ-១៩៧ ម៉ោង មុន

បិទ​ខ្ទប់​វត្ត​ពោធិ​លង្ការ ក្រុង​សៀមរាប ដោយសារ​ផ្ទុះ​ការឆ្លង​ជំងឺ​កូ​វីដ​-១៩ ក្នុង​មន្ត្រី​សង្ឃ​វត្ត​

ព័ត៌មានជាតិ៨ ម៉ោង មុន

ស្អែកនេះ​ ​កម្ពុជា នឹង​ផ្តល់​វ៉ាក់សាំង​ Sinovac ២០​ម៉ឺនដូស ដល់ប្រទេសឡាវ​

Sokha Hotels

ព័ត៌មានពេញនិយម

Helistar Cambodia - Helicopter Charter Services