KPT+

សេដ្ឋីៗទម្លាប់ធ្វើអ្វីខ្លះ មុនពេលចូលគេង?

បានផុស

៦ years មុន

នៅ

ថ្ងៃអង្គារ ១៧ វិច្ឆិកា ២០២០

ដោយ

មនុស្សធម្មតា ចូលចិត្តចំណាយពេលគ្មានប្រយោជន៍មុនពេលចូលគេង។ ផ្ទុយទៅវិញ មនុស្សជោគជ័យនិយមធ្វើរឿងដែលបុគ្គលធម្មតាមិនទម្លាប់ធ្វើ។

តើមនុស្សជោគជ័យចូលចិត្តធ្វើអ្វីខ្លះមុនពេលចូលដំណេក?

ខាងក្រោមនេះ គឺជាចម្លើយ!

អានសៀវភៅ ៖ មនុស្សជោគជ័យទាំងអស់លើលោកនេះ សុទ្ធតែជាមនុស្សវក់ជាមួយការអានសៀវភៅ។ ទម្លាប់មហាសេដ្ឋីភាគច្រើនគឺ អានសៀវភៅរហូតងងុយគេង ទើបចូលសម្រាក។ ពួកគេតែងតែរៀនពីអ្វីដែលបានអាន ហើយយកវាមកថ្លឹងថ្លែងក្នុងជីវិតរស់នៅ។

ចំណាយពេលជាមួយគ្រួសារ និងមិត្តភ័ក្ដិ៖ អ្នកមានៗមិនមែនគិតតែរឿងការងារ ឬរឿងលុយកាក់នោះទេ តែពួកគេតែងតែចំណាយពេលវេលាសម្រាប់ក្រុមគ្រួសារ និង មិត្តភ័ក្ដិ ផងដែរ។ ពួកគេ រមែងចាត់ទុកភាពជោគជ័យមិនសំដៅតែលើរឿងរកស៊ីប៉ុណ្ណោះ តែក៏ត្រូវជោគជ័យនៅជីវិតក្រុមគ្រួសារថែមទៀត។ ហេតុនេះ អ្នកមានភាគច្រើនរមែងចំណាយពេលនិយាយ ជជែកលេង ជាមួយមេគ្រួសារ នៅពេលទំនេរពីកិច្ចការងារ ទើបចូលគេងជាក្រោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ធ្វើសមាធិ ៖ ទម្លាប់សំខាន់មួយមុនពេលចូលគេងរបស់បុគ្គលជោគជ័យនោះគឺ ធ្វើសមាធិនៅពេលយប់ ។ ដោយសារការធ្វើសមាធិល្អសម្រាប់សុខភាពរាងកាយ និងផ្លូវចិត្ត ។ ជាពិសេសការធ្វើសមាធិអាចធ្វើឲ្យមានអារម្មណ៍ស្ងប់ល្អ និង ធូរស្បើយ ក្រោយពីការបំពេញកិច្ចការងារពេញមួយថ្ងៃ។

សរសេរកិច្ចការដែលបានធ្វើសម្រេចពេញមួយថ្ងៃ ៖ ចំពោះមនុស្សជោគជ័យភាគច្រើន គឺតែងតែកត់ត្រាទុកនូវអ្វីដែលបានធ្វើសម្រេចមិនថាតែរឿង តិចតួច ឬ ធំដុំក្ដី។ វាអាចធ្វើឲ្យ ពួកគេរីករាយចំពោះអ្វីដែលខ្លួនធ្វើបាន និងទទួលយកភាពបរាជ័យដើម្បីទុកជាបទ ពិសោធន៍កែប្រែឲ្យកាន់តែល្អ។

គ្រោង និង រៀបចំទុកជាស្រេចនូវអ្វីដែលត្រូវធ្វើសម្រាប់ថ្ងៃបន្ទាប់៖ គ្មានសេដ្ឋីជោគជ័យណាដែលមិនចូលចិត្តគ្រោងផែនការទុកអ្វីជាមុននោះឡើយ។ ពួកគេបានគ្រោងអ្វីៗទុកសម្រាប់ថ្ងៃស្អែក ដោយការកត់ត្រាពីអ្វីដែលត្រូវធ្វើ និង ត្រៀមខ្លួនទុកជាស្រេចសម្រាប់ការងារថ្ងៃបន្ទាប់ ។ ដូច្នេះ នៅពេលក្រោកឡើង ពួកគេក៏នឹងមិនញេមញុំ ចាប់លិចចាប់កើតដែរ។

បញ្ចប់កិច្ចការងារឲ្យសព្វគ្រប់៖ មនុស្សជោគជ័យ កម្របំផុតទុកកិច្ចការដែលត្រូវធ្វើ ចោលមួយឡែក ដោយមិនបញ្ចប់ឲ្យរួចស្រេច។ ពួកគេច្រើនតែបញ្ចប់វាមុនពេលចូលគេង ហើយពួកគេតាំងចិត្តខ្ពស់ និងខំធ្វើកិច្ចការទាំងឡាយឲ្យរួចតាមអ្វីដែលខ្លួនសន្យាទុក៕

ប្រែសម្រួល៖ សន្យា

ប្រភព៖ Lifehack

ចុចអាន៖មកស្គាល់បុរសអ្នកមានបំផុតនៅវៀតណាម

ចុចអាន៖អាថ៌កំបាំងនៃជោគជ័យលោកស្រី ZHANG YIN ម្នាក់ក្នុងបញ្ជីនៃអ្នកមានបំផុតនៅលើពិភពលោក