សុខភាព

តិចនិកខ្លះពីអ្នកជំនាញ តាំងចិត្តបង្កើតទម្លាប់ល្អដើម្បីសុខភាព

បានផុស

៣ years មុន

នៅ

ថ្ងៃចន្ទ ២៩ វិច្ឆិកា ២០២១

ដោយ

Sonya

សល់តែប៉ុន្មានថ្ងៃទៀត ឆ្នាំថ្មី ខែថ្មីឈានចូលមកដល់ ហើយជាមួយគ្នានោះ អ្នកក៏អាចនៅមានបញ្ហាមួយចំនួនសម្រាប់ការតាំងចិត្តបង្កើតទម្លាប់ល្អថ្មីៗ ដើម្បីរក្សាសុខភាពល្អ។ ជាការណែនាំ លោកស្រី Stephanie Mansour អ្នកជំនាញផ្នែកសុខភាព និងរាងកាយ មកពីសហរដ្ឋអាមេរិកបានចែករំលែកគន្លឹះមួយចំនួន សម្រាប់អ្នកចង់ហ្វឹកហាត់រក្សាទម្លាប់ល្អ ដើម្បីសុខភាព។

Happy young asian woman traveler with backpack walking in forest. - Nohat - Free for designer

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. បង្កើតពាក្យ”សុខភាព”ជាអាទិភាពក្នុងសកម្មភាពប្រចាំថ្ងៃ

ឧទាហរណ៍អ្នកអាចដាក់ស្បែកជើងរត់ហាត់កីឡានៅក្បែរមាត់ទ្វារផ្ទះ ដូចនេះវាជួយរំលឹកអ្នកថា អ្នកបានដើរហាត់ប្រាណឬអត់ថ្ងៃនេះ ឬហោចណាស់ ក៏បានឆ្លៀតដើរ ឬហាត់ប្រាណក្រោយចប់ម៉ោងការងារបន្តិចដែរ។

២. បំបែកម៉ោងហាត់ប្រាណជាពេលខ្លីៗ

ក្នុងការបង្កើតទម្លាប់ដំបូងៗ ជំនួសឱ្យការដាក់កំហិតខ្លួនឯង១ម៉ោងហាត់ប្រាណ អ្នកអាចចាប់ផ្តើមត្រឹមតែ៣០នាទី។ ធ្វើដូចនេះ ខួរក្បាលអ្នកពុំសូវមានសម្ពាធច្រើន ហើយអាចអនុវត្តការហាត់ប្រាណមានប្រសិទ្ធិភាព ធ្វើបែបនេះរហូតក្លាយជាទម្លាប់ នោះអ្នករីករាយធ្វើវាមិនចង់ឈប់។

៣. ចំណង់ញ៉ាំអាហារមិនល្អសម្រាប់សុខភាព

ជារឿងពិបាកសម្រាប់អ្នកចូលចិត្តញ៉ាំអាហារមិនល្អសំរាប់សុខភាព ប៉ុន្តែតិចនិកដាក់ដបទឹកក្បែរអាហារទាំងនោះអាចជួយអ្នកបាន។ ដាក់ដបទឹក ១ដប ២ដបនៅក្បែរអាហារទាំងនោះ មានន័យថា បើអ្នកចង់ញ៉ាំអាហារមិនល្អសំរាប់សុខភាព គឺស្មើនឹងការញ៉ាំទឹកឱ្យអស់១ដប ២ដបសិន ដើម្បីប៉ះប៉ូវគ្នា ដូចនេះ អារម្មណ៍ចង់ញ៉ាំអាហារមិនល្អសំរាប់សុខភាពក៏មិនសូវសកម្មជាងមុន។

៤. ចង់ញ៉ាំតែពេលយប់

355 Eating Late At Night Stock Photos, Pictures & Royalty-Free Images - iStock

អ្នកខ្លះទម្លាប់ចង់ញ៉ាំចំណីនៅពេលយប់ ភាគច្រើនពុំបានផ្តល់ផលល្អនោះទេសម្រាប់សុខភាព។ យ៉ាងណាមិញ លោកស្រី Stephanie បានចែករំលែកវិធីពីរ រារាំងទម្លាប់មិនល្អទាំងនេះ គឺពេលណាឃ្លានចង់ញ៉ាំ អ្នកគួរបង្វែរអារម្មណ៍ទៅលាបថ្នាំក្រចក (សម្រាប់ស្រ្តី) និងលាបដៃនឹងឡេលាបផ្តល់សំណើមស្បែក (សំរាប់បុរស)។ ធ្វើដូចនេះ ធានាថា អ្នកពុំចង់ញ៉ាំចំណីដោយដៃជាប់ថ្នាំក្រចក ឬមានក្លិន និងសំណើមឡេនោះឡើយ។

៥. និយាយទៅកាន់ខ្លួនឯងដោយពាក្យល្អៗ

ការសិក្សាផ្នែកចិត្តសាស្រ្តជាច្រើនបានបង្ហាញថា ការនិយាយពាក្យល្អៗទៅកាន់ខ្លួនឯង គឺជួយទាំងលើកទឹកចិត្ត និងបង្កើនទំនុកចិត្ត ក្នុងការបន្តសកម្មភាពវិជ្ជមានជាគោលដៅល្អៗរបស់ខ្លួន។ លោកស្រី Stephanie បានណែនាំថា អ្នកអាចសរសេរពាក្យសរសើរអំពីខ្លួនអ្នក រួចដាក់នៅក្នុងបន្ទប់ទឹក ឬកន្លែងផ្សេងទៀត ដែលអ្នកអាចមើលឃើញរាល់ថ្ងៃ ដែលនេះវាជួយឱ្យខួរក្បាលអ្នកគិតវិជ្ជមានទៅលើខ្លួនអ្នក ជំរុញឱ្យបន្តទម្លាប់ល្អៗសម្រាប់សុខភាពខ្លួនអ្នក៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ គន្លឹះសំខាន់ៗ ថែរក្សាសុខភាពពេលអាកាសធាតុចុះត្រជាក់

ចុចអាន៖ អ្នកមានសុខភាពខ្សោយ អាចចេញសញ្ញាទាំង ៧នេះ