មកស្គាល់​បុរសអ្នកមាន​បំផុតនៅវៀតណាម
Connect with us
Helistar Cambodia - Helicopter Charter Services

KPT+

មកស្គាល់​បុរសអ្នកមាន​បំផុតនៅវៀតណាម

បានផុស

នៅ

ដើម្បីកំណត់អត្តសញ្ញាណអ្នកមានបំផុតនៅវៀតណាម ទស្សនាវដ្តី CEOWORLD បានពិនិត្យមើលរបាយការណ៍ប្រព័ន្ធផ្សព្វផ្សាយជាតិ និងអន្តរជាតិជាច្រើន។ ព័ត៌មានបន្ថែម អំពីមហាសេដ្ឋីនានា​នៅហាណូយនិងហូជីមិញ បានមកពីសន្ទស្សន៍សកលរបស់ទស្សនាវដ្តី Forbes សន្ទស្សន៍មហាសេដ្ឋី Bloomberg សូចនាករបញ្ជីឈ្មោះរបស់ទស្សនាវដ្តី CEOWORLD និងតួលេខប៉ាន់ស្មានមាននៅស្តុកសហរដ្ឋអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីបំផុត ទស្សនាវដ្តី Forbes បានទទួលស្គាល់ លោក Pham Nhat Vuong ជាមហាសេដ្ឋីដំបូងគេពីប្រទេសវៀតណាមកាលពីឆ្នាំ ២០១៣។

ទ្រព្យសម្បត្តិពិតប្រាកដរបស់លោកបច្ចុប្បន្នត្រូវបានគេប៉ាន់ស្មានថាមានចំនួន ជាង ៦.៨ ប៊ីលានដុល្លារអាមេរិក។

លោក Pham Nhat Vuong ស្ថាបនិកនិងជាប្រធានក្រុមហ៊ុន Vingroup ជាក្រុមហ៊ុនមួយបានចុះបញ្ជីធំជាងគេនៅវៀតណាម បើមើលលើតម្លៃទីផ្សារនាខែវិច្ឆិកា ២០១៩។

ដោយ​ទើបនឹងបានប្រារព្ធពិធីសម្ពោធស្មាតហ្វូនដំបូងគេ៣ម៉ាក​នៅទីក្រុងហូជីមិញ Vingroup បានបង្ហាញទៅពិភពលោក ពីការរីកចម្រើន​ដ៏សំខាន់និងកម្រមានមួយមួយ សម្រាប់សហគ្រាសវៀតណាម ដែលបានដំណើរការជោគជ័យខ្លាំង​រួចហើយនៅក្នុងឧស្សាហកម្មផ្សេងៗជាមុន ដូចជាអចលនទ្រព្យ ការលក់រាយនិងសម្ភារៈថែទាំសុខភាពជាដើម មុនហក់ចូលតិចណូឡូជី។

Vingroup បានបង្ហាញស្មាតហ្វូនចំនួន ៤ ម៉ូឌែល របស់ខ្លួនក្រោមឈ្មោះយីហោ Vsmart កាលពីពាក់កណ្តាលខែធ្នូ ឆ្នាំ២០១៩ ដែល​ទូរសព្ទនេះនឹងអាចរកបានអតិថិជននៅប្រទេសវៀតណាមក៏ដូចជាទីផ្សារក្រៅប្រទេសរួមមាន ប្រទេសរុស្ស៊ី និងអេស្ប៉ាញ។

សម្រាប់ទីផ្សារក្នុងស្រុក តម្លៃរបស់ទូរសព្ទត្រូវបានកំណត់រួចហើយ ចន្លោះពី ២.៤៩ ទៅ ៦.២៩ លានដុង ស្មើពី ១០៧ ទៅ ២៧០ ដុល្លារ។

ក្រុមហ៊ុន Vinfast ដែលជាក្រុមហ៊ុនផលិតរថយន្តរបស់ក្រុមហ៊ុនដដែលនេះ បានចាប់ផ្តើមបើកដំណើរការនៅខែកញ្ញាឆ្នាំ ២០១៧ នៅទីក្រុងកំពង់ផែ Hai Phong ជាមួយ​រោងចក្រចំនួន ៥ កន្លែង ដែលមានមហិច្ឆតាផលិតរថយន្តរហូតដល់ ៥០០,០០០ គ្រឿងក្នុងមួយឆ្នាំ នៅត្រឹម​ឆ្នាំ ២០២៥ ។ គេកំពុង​មានបំណងចង់បង្កើតយីហោរថយន្តរបស់វៀតណាម ដែលអាចប្រកួតប្រជែងនៅក្នុងទីផ្សារពិភពលោក។

លោក Pham Nhat Vuong កើតនៅថ្ងៃទី ៥ ខែសីហាឆ្នាំ ១៩៦៨ នៅហៃហ្វុង។ គ្រួសារខាងឪពុកមានដើមកំណើតនៅហៃហ្វុងនៅភាគខាងជើងដែលនៅទីនោះ ឪពុករបស់លោកបានបម្រើការផ្នែកការពារដែនអាកាសនៃ​កងទ័ពវៀតណាម ហើយម្តាយជាម្ចាស់កូនហាងមួយ ។ គ្រួសារនេះមានប្រាក់ចំណូលតិចតួច។ Pham Nhat Vuong ធំធាត់នៅហាណូយដោយ​បានបញ្ចប់ការសិក្សានៅវិទ្យាល័យគីមលៀនក្នុងឆ្នាំ ១៩៨៥ ។

នៅឆ្នាំ ១៩៨៧ លោកបានចូលសាកលវិទ្យាល័យរ៉ែ និង ភូគព្ភសាស្ត្រទីក្រុងហាណូយ ហើយត្រូវបានបញ្ជូនទៅប្រទេសរុស្ស៊ីដើម្បីសិក្សាបន្ត។ បន្ទាប់ពីបញ្ចប់ការសិក្សាលោកបានរៀបការ ហើយបានផ្លាស់ទៅនៅប្រទេសអ៊ុយក្រែន។

យោងតាមសន្ទស្សន៍បញ្ជីទ្រព្យសម្បត្តិវៀតណាមនៃទស្សនាវដ្តី CEOWORLD សម្រាប់ឆ្នាំ ២០១៩ ជាមួយទឹកប្រាក់ប្រមាណ ៧.៧ ប៊ីលានដុល្លារលោក Pham Nhat Vuong ជាម្ចាស់លើក្រុមហ៊ុនឯកជនធំជាងគេនៅប្រទេសវៀតណាមដែលលូកដៃមិនថា វិស័យបដិសណ្ឋារកិច្ច ការលក់រាយភ័ស្តុភារ កសិកម្ម អប់រំ និងសុខាភិបាល។

អ្នកមាន​លេខ ២ សម្រាប់ប្រទេសវៀតណាម បានទៅប្រធានក្រុមហ៊ុនអាកាសចរណ៍ VietJet លោកស្រី ង្វៀងធីភួងថុង (Nguyen Thi Phuong Thao) ដែលមានទ្រព្យសម្បត្តិ ២.៣ ប៊ីលានដុល្លារ។ លោកស្រីគឺជាមហាសេដ្ឋីស្ត្រីបង្កើតទ្រព្យ​ដោយ​ដៃ​ខ្លួនឯងដំបូងគេបង្អស់នៅប្រទេសវៀតណាម ក៏ជាស្ត្រីដែលមានទ្រព្យច្រើនជាងគេបង្អស់​នៅអាស៊ីអាគ្នេយ៍៕

ប្រែសម្រួល៖ ចម្រើន តារា

ចុចអាន៖ ជីវិតពិតកំពូលសេដ្ឋី Mukesh Ambani និងគំរូអាជីវកម្មដែលផ្លាស់ប្តូរសេដ្ឋកិច្ច​ឥណ្ឌា

ចុចអាន៖ ជីវិត​ពិត​មហាសេដ្ឋី​កំពូលៗ​ ដែល​កំពុង​សោយសុខ​លើ​ដែនកោះ​តៃវ៉ាន់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services