KPT+
ស្រលាញ់កូនឲ្យដឹងចិត្តពេក អាចទឹកភ្នែកដោយសារកូន?
ការស្រលាញ់កូន ផ្ដល់ឲ្យតាមគ្រប់តម្រូវការកូនចង់បាន ជាអ្វីៗដែលម៉ាក់ប៉ាគ្រប់រូបព្យាយាមបំពេញឲ្យកូន ក្នុងនាមជាឪពុកម្ដាយ។ ក្នុងការចិញ្ចឹមកូន ម៉ាក់ប៉ាតែងព្យាយាមធ្វើអ្វីគ្រប់យ៉ាង ដើម្បីឲ្យកូនសប្បាយចិត្ត រហូតមានមតិមួយលើកឡើងថា ស្រលាញ់កូនឲ្យដឹងចិត្តពេក អ្នកពិបាក និងទឹកភ្នែកជាម៉ាក់ប៉ា។ តើការលើកឡើងបែបនេះខុស ឬត្រូវ?
ឆ្លើយតបនឹងមតិខាងលើ លោកស្រី សរ មុន្ថា នាយិកាសាលាអប់រំកុមារតូច ស៊ីជីដាកម្ពុជា បានពន្យល់ឲ្យដឹងថា ចំពោះការលើកឡើងបែបនេះ មានទាំងខុស មានទាំងត្រូវ។ ការស្រលាញ់កូនមិនមានអ្វីខុសទេ ប៉ុន្តែអ្វីដែលមិនសមគួរនោះគឺពាក្យថា ស្រលាញ់កូនពេក ពោលគឺការស្រលាញ់កូនជ្រុលពេក អាចបណ្ដាលឲ្យកូនខូចបាន។ ម៉ាក់ប៉ាខ្លះដោយសារតែស្រលាញ់កូនពេក មិនហ៊ានប្រដៅ មិនណែនាំពេលកូនធ្វើខុសទេ ខ្លាចកូនយំអន់ចិត្ត។ ការបង្ហាញក្ដីស្រលាញ់បែបនេះដល់កូន ពិតជាធ្វើឲ្យកូនខូចដូចចាស់ៗនិយាយពិតមែន។
ផ្ទុយទៅវិញ លោកស្រីបន្តទៀតថា ភាពខុសរបស់មតិមួយនេះ គឺការស្រលាញ់កូនធ្វើឲ្យក្មេងខូច។ តាមពិតទៅ ឲ្យតែម៉ាក់ប៉ាស្រលាញ់កូនត្រឹមត្រូវ មិនមានអ្វីខុសទេ។ ការស្រលាញ់កូនក៏មានបែបបទដែរ វាមិនមែនគ្រាន់តែជាពាក្យនិយាយចេញតែពីមាត់ទេ ការស្រលាញ់កូនក៏អាស្រ័យទៅលើទង្វើម៉ាក់ប៉ាបង្ហាញឲ្យកូនឃើញដែរ។
ម៉ាក់ប៉ាមិនចាំបាច់ផ្ដល់របស់របរថ្លៃៗ ស្អាតៗឲ្យកូនគ្រប់ពេលទើបហៅថាសេចក្ដីស្រលាញ់ទេ។ ទង្វើតូចតាចរាល់ថ្ងៃរបស់ម៉ាក់ប៉ាដូចជា នៅក្បែរកូន ចាំអប់រំណែនាំពេលកូនខុស អធ្យាស្រ័យកំហុសរបស់កូន សរសើរលើកទឹកចិត្តកូន ក៏ផ្ដល់អារម្មណ៍ថាស្រលាញ់ទៅដល់កូនបាត់ទៅហើយ។ ការបង្ហាញក្ដីស្រលាញ់ដល់កូនបែបនេះ ធានាថាកូនមិនខូចដូចមតិខាងលើលើកឡើងទេ។
នាយិកាសាលាអប់រំកុមារតូច ស៊ីជីដាកម្ពុជាបន្ថែមពីលើ ធម្មជាតិក្មេងគ្រប់រូប ត្រូវការណាស់សេចក្ដីស្រលាញ់ និងភាពកក់ក្ដៅពីប៉ាម៉ាក់។ ដូចនេះហើយ ការស្រលាញ់កូនចាំបាច់ គឺត្រូវធ្វើឲ្យកូនដឹង តាមរយៈការចំណាយពេលជាមួយកូន ប្រលែងលេងជាមួយកូន ឱបថើបកូនមុនពេលចូលគេង និងនិយាយឲ្យចំៗថា ម៉ាក់ប៉ាស្រលាញ់កូន។ ការបង្ហាញក្ដីស្រលាញ់បែបនេះ ធ្វើឲ្យកូនមានអារម្មណ៍កក់ក្ដៅ និងមានចរិយាសមសួន៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ ហេតុអ្វីម៉ាក់ៗខ្លះសុខចិត្តចោលការងារប្រាក់ខែរាប់រយ មកនៅផ្ទះមើលកូន?
ចុចអាន៖ ជួយក្មេងជំទង់លេង FACEBOOK យ៉ាងណាកុំឲ្យសុខភាពផ្លូវចិត្តរងការប៉ះពាល់
-
ព័ត៌មានជាតិ១៧ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)