KPT+
រឿងតូចៗទាំងនេះ មនុស្សប្រុសលាក់មិនជិតទេ ពេលកំពុងលង់ស្នេហ៍នារី
ជាទូទៅ បុរសទាំងអស់មិនអនុញ្ញាតឲ្យអារម្មណ៍ខ្លួនបើកចំហឲ្យគេដឹងច្រើនទេ តែក៏មិនមែនជាការទៅរួចដែរ ក្នុងការលាក់វា ពេលគេកំពុងលង់ស្នេហ៍អ្នកខ្លាំង។
ភាសារាងកាយរបស់ពួកគេ និងឥរិយាបទដែលផ្តល់ឲ្យនាង តែងបានបង្ហាញប្រាប់មកជាសម្ងាត់។ បុរសរមែងបាត់បង់ខ្លួនឯង នៅចំពោះមុខអ្នកដែលគាត់លង់ចិត្ត ហើយក៏មិនយកការខ្មាសអៀនមកជាលេសទៀតដែរ។
ទោះបីជាបុរសមិនងាយនឹងទទួលស្គាល់ចិត្តស្រលាញ់ងប់របស់ខ្លួនភ្លាមៗ ព្រោះគេក៏រង់ចាំសេចក្ដីស្រឡាញ់តបមកវិញ តែជាធម្មជាតិ ភេទប្រុសតែងតែបញ្ជូនសញ្ញាគ្រប់ប្រភេទដើម្បីឲ្យអ្នកដឹងថាគាត់ចូលចិត្តអ្នក។
១ ប្ដូរមកធ្វើអ្វីដែលអ្នកនិយម
អាចពិនិត្យ ថាគេនោះស្រាប់តែមកទម្លាប់នឹងអ្វី១ថ្មីដែលទាក់ទងនិងចំណូលចិត្តរបស់អ្នកដូចជាហាត់ប្រាណ អានសៀវភៅ សរសេរលើហ្វេសប៊ុក ចម្លងស្ទីលរបស់អ្នក និយាយពីខេត្តដែលអ្នកចូលចិត្ត ធ្វើខ្លួនដូចជាសប្បុរសជន ព្រោះឃើញអ្នកឲ្យតម្លៃអំពីបរិច្ចាគ។ល។
២ ទំនាក់ទំនងភ្នែក
របៀបសម្លឹងមើលគ្នា ជាវត្ថុគ្រោះថ្នាក់ជាងគេមួយលើលោកយើងនេះ ហើយក៏គ្រាន់តែមួយក្រឡេកនោះឯង មនុស្សជាច្រើនបានបូជាជីវិតរបស់ពួកគេចំពោះស្នេហា។ បុរសតែងតែក្រឡេកមើលអ្នក ហើយមើលច្រើនដងនិងមើលយូរៗព្រោះពួកគេទប់ចិត្តមិនសម្លឹងអ្នកមិនបានដាច់ខាត ប្រសិនគេមានអ្នកក្នុងបេះដូង។
៣ រំលឹកឈ្មោះអ្នកសឹងគ្រប់ដង្ហើមចេញចូល
ត្រង់ណេះហើយដែលមនុស្សប្រុសមានស្នេហាពិបាកលាក់បាំងនឹងមិត្តភក្តិ ។ ពេលស្រលាញ់អ្នកណាម្នាក់ មនុស្សប្រុសពិតជាមានមោទនភាពចំពោះនាង គេមិនអាចឈប់និយាយពីឈ្មោះនាងបានទេ។ រាល់ការសន្ទនាជាមួយមិត្តភ័ក្ដិគាត់នឹងនិយាយពីអ្នកដោយមិនដឹងខ្លួន ហើយអ្នកតែងមានទំនាក់ទំនងយ៉ាងជិតស្និទ្ធជាមួយប្រធានបទនានាក្នុងជីវិតគេ។
៤ ស្ដាប់និងជឿអ្នក
ការពិតដែលថា គាត់ឆ្កួតនឹងការយកចិត្តទុកដាក់ចំពោះរាល់ពាក្យដែលអ្នកនិយាយ។ ចងចាំមួយៗច្បាស់និងទន្ទេញវាទុកក្នុងបេះដូង។ ពេលនិយាយគ្នា គាត់នឹងមើលទៅភ្នែករបស់អ្នកដោយផ្ទាល់ ហើយស្រូបយកពាក្យនីមួយៗមកទុកជ្រាលជ្រៅក្នុងជីវិត។
៥ ផែនការអនាគត
បើបុរសមិនមានប្តេជ្ញាចិត្តនឹងអ្នក មិនកសាងធ្វើផែនការអនាគតអ្វីមួយជាមួយអ្នក គេបោកអ្នកហើយ។ មនុស្សប្រុសស្រលាញ់អ្នកពិត គេគិតអនាគតរវាងគេនឹងអ្នកជាងអ្វីដែលអ្នកស្មានទៅទៀត។
៦ ចំណាយពេលវេលាទំនេរសឹងទាំងអស់ជាមួយអ្នក
មនុស្សមិនអាចទ្រាំមិនជួបអ្នករាល់ថ្ងៃនោះទេ គេចង់ដឹងថាអ្នកកំពុងឈឺឬជាធ្វើអ្វី នៅជាមួយអ្នកណា? កាលវិភាគពេលវេលាទំនេរទាំងអស់របស់គាត់ចង់តែងមានវត្តមានអ្នក។ បើគេស្រលាញ់អ្នកមែនអ្នកមិនចាំបាច់ហត់ធ្វើគម្រោងពិសេសៗដើម្បីទាក់ទាញគាត់ឲ្យទៅកន្លែងរបស់អ្នកទេ គេតែងបង្ហាញមុខដោយឥតព្រាងទុក។
៧ ចង់ឲ្យអ្នកសប្បាយចិត្ត
ហើយសំខាន់បំផុតក្នុងចំណោមសញ្ញាទាំងអស់ គឺគេតែងចង់រកវិធីឲ្យ អ្នកសប្បាយចិត្ត។ និយាយដោយសាមញ្ញគេតែងធ្វើអ្វីគ្រប់យ៉ាងដើម្បីបានឃើញអ្នកញញឹម៕
ប្រែសម្រួល៖ស្រស់
ចុចអាន៖ពណ៌លឿង តំណាងឲ្យខួរក្បាលវៀងវៃនិងគំនិតសុទិដ្ឋិនិយម
ចុចអាន៖៥ យ៉ាងនេះប្រុសៗទុកថាសំខាន់ខ្លំាងពីមនុស្សស្រីដែលគេចាប់អារម្មណ៍
-
ព័ត៌មានជាតិ១៧ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)