KPT+
អ្នកមានបីប្រភេទ ប្រាប់ពីវិធីបង្កើនទ្រព្យសម្បត្តិរបស់ពួកគេ
ពួកគេប្រាប់ថា ចង់ក្លាយជាអ្នកមាន អ្វីដែលសំខាន់ត្រូវចេះជ្រើសរើសផ្លូវរកលុយ ហើយព្យាយាមធ្វើកុំរុញរា រហូតទទួលជោគជ័យ ទោះចំណាយពេលយូរបន្តិចក៏ដោយ។
អ្នកមានគ្រប់រូប មិនមែនកើតមកក្លាយជាសេដ្ឋីឬមហាសេដ្ឋីភ្លាមនោះទេ។ គ្រប់យ៉ាងកើតមានដោយសារទង្វើនិងទម្លាប់ដែលពួកគេអនុវត្តរាល់ថ្ងៃ។
ទាំងនេះជាទិដ្ឋភាពទូទៅនៃអ្នកមានបីប្រភេទ និងផ្លូវដើរដើម្បីទទួលបានទ្រព្យសម្បត្តិរបស់ពួកគេ៖
អ្នកមានបែបមនុស្សពូកែសន្សំ
អ្នកមានប្រភេទនេះ ជាបុគ្គលគ្មានបំណុល ហើយប្រាក់ចំណូលដែលបានមកគឺគ្រប់គ្រាន់ដើម្បីបំពេញ ឬលើសពីកម្រិតនៃជីវភាពរស់នៅរបស់ពួកគេ។
ជាទូទៅ ដំបូងពួកគេមានកម្រិតជីវភាពរស់នៅទាប បានប្រាក់ចំណូលតិច ប៉ុន្តែប្រាក់ចំណូលរបស់នៅតែលើសពីតម្រូវការផ្គត់ផ្គង់ជីវភាពរស់នៅ។ នេះក៏ដោយសារពួកគេចេះសន្សំប្រាក់ចំណូល ២០%របស់ខ្លួន ឬច្រើនជាងនេះរយៈពេលច្រើនឆ្នាំ ហើយពួកគេធ្វើការវិនិយោគប្រាក់សន្សំដោយប្រយ័ត្នប្រយែងបំផុត។
អ្នកមានបែបមនុស្សប៉ិនប្រសព្វ
ប្រភេទអ្នកមាននេះ ជាមនុស្សដែលមានភាពប៉ិនប្រសព្វនៅក្នុងអាជីពការងារ ពាណិជ្ជកម្ម ឬវិជ្ជាជីវៈរបស់ខ្លួន។ បុគ្គលទាំងនេះ ជាប្រភេទមនុស្សដែលធ្វើការសម្រាប់សាជីវកម្មសាធារណៈដែលមានទំហំធំ។ ដូច្នេះហើយមួយផ្នែកធំនៃប្រាក់បៀវត្ស ឬប្រាក់ប៉ះប៉ូវរបស់ពួកគេ គឺផ្អែកលើការទទួលបានពីភាគហ៊ុន ឬពួកគេធ្វើអាជីវកម្មខ្នាតតូចដែលមានប្រាក់ចំណេញខ្ពស់។
អ្នកមានបែបមនុស្សមានសុបិនខ្ពស់
មនុស្សប្រភេទនេះ ជាអ្នកដែលមានទ្រព្យច្រើនបំផុត។ បុគ្គលទាំងនោះតែងមានក្ដីសុបិនធំហើយបន្តធ្វើវាជារឿយៗ និងជាធម្មតាពួកគេមានគំនិតអាជីវកម្មប្រកបដោយមហិច្ឆតានិងអាចបង្វែរក្ដីសុបិននោះឲ្យក្លាយទៅជាការពិតបាន។ នៅទីបំផុត ពួកគេអាចរកប្រាក់ចំណូលបានយ៉ាងច្រើន រីឯប្រាក់ចំណេញចេះតែកើនឡើងខ្ពស់ជាលំដាប់៕
ប្រែសម្រួល៖ សន្យា
ប្រភព៖ CNBC
ចុចអាន៖ប្រាក់មិនមែនជាគោលដៅ តែជាឧបករណ៍ជួយឲ្យសម្រេចគោលដៅ
ចុចអាន៖ទម្រាំក្លាយជាសេដ្ឋី វិថីជីវិតខុសពីមនុស្សធម្មតាបែបណាខ្លះ?
-
ព័ត៌មានជាតិ១៦ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)