នារីទួរគីបំបែកកំណត់ត្រា Guinness ជាស្រ្តីមានកម្ពស់ខ្ពស់ជាងគេលើលោក

នារីជនជាតិ​ទួរគី​ម្នាក់ ត្រូវ​បាន​ប្រកាស​ ជា​មនុស្សស្រី​មាន​កម្ពស់​ខ្ពស់​ជាង​គេ​បំផុត​លើ​ពិភពលោក កាលពីម្សិលមិញនេះ ដោយកំណត់ត្រាពិភពលោក Guinness World Records។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាង Rumeysa Gelgi វ័យ ២៤ ឆ្នាំ មាន​កម្ពស់​រហូត​ដល់ ២.១៥ ម៉ែត្រ បានបំបែកឯកទគ្គកម្ម​ជា​ស្ត្រី​ដែល​មាន​កម្ពស់​ខ្ពស់​​បំផុត​លើ​លោក​ ជាលើកទី២ ខណៈកាលពីលើកដំបូង នាងធ្លាប់ទទួលបានតំណែង​ជា​ក្មេង​ជំទង់​មាន​កម្ពស់​ខ្ពស់​ជាង​គេ​បំផុត ក្នុង​ឆ្នាំ ២០១៤។

Rumeysa Gelgi ​មាន​ជំងឺ​កម្រ​ម៉្យាង​ហៅ​ថា Weaver ដែល​ធ្វើ​ឱ្យ​នាង​មាន​ការ​លូតលាស់​មិនប្រក្រតីរួមបញ្ចូលទាំងមុខមាត់ចាស់ជាងវ័យ និងឆ្អឹងដែលលូតវែងខុសធម្មតា។ ជំងឺ​នេះ​ដែរ បាន​ធ្វើ​ឱ្យ​នាង​មាន​បញ្ហា​​ក្នុង​ការ​ដើរដូចមនុស្សទូទៅ ទើប​ភាគច្រើន​នាង​ត្រូវ​ប្រើប្រាស់​រទេះ​រុញ ឬ​ឧបករណ៍​ជំនួយ​ការ​ដើរ។

យ៉ាងណាមិញ ក្រោយពីក្លាយជាម្ចាស់តំណែងមនុស្សស្រីមានកម្ពស់ជាងគេមក នាង Rumeysa Gelgi បាន​ប្រើប្រាស់​ងារ​របស់​ខ្លួន​ ក្នុង​ការ​តស៊ូ​មតិ​សម្រាប់​អ្នក​ដែល​បាន​កើត​ជំងឺ​កម្រ​ដូច​ជា​នាង។

គួររំឭកថា Rumeysa Gelgi ជាជនជាតិទួរគីទី២ ដែលនៅរស់ និងបានជាប់ឈ្មោះជាមនុស្សមានកម្ពស់ខ្ពស់ជាងគេលើលោករបស់ Guinness World Records ខណៈជនទី១មកពីប្រទេសដូចគ្នា គឺលោក Sultan Kösen វ័យ ៣៨ ឆ្នាំ មានកម្ពស់ ២.៥១ ម៉ែត្រ៕

ប្រែសម្រួល៖ សន្យា

ប្រភព៖ Guinness World Records

ចុចអាន៖ ចិញ្ចៀនដាំពេជ្រ១២,៦៣៨គ្រាប់ បំបែកកំណត់ត្រាពិភពលោក

ចុចអាន៖ ឌូបៃ វ៉ាដាច់ ប៉ូឡូញ បំបែកឯកទគ្គកម្មអាងមុជទឹកជ្រៅជាងគេលើលោក

ចុចអាន៖ លោកយាយចំណាស់ជាងគេបំផុតនៅលើពិភពលោកចង់រស់នៅ ២ ឆ្នាំទៀត ក្រោយប្រារព្ធពិធីខួបកំណើត