KPT+
មនុស្សនិយមឡូយឆាយលើសម្ភារៈនិយម គឺដោយសារតែហេតុផលនេះ
នៅលើបណ្ដេញសង្គមបច្ចុប្បន្ននេះ យើងនឹងឃើញពីមនុស្សច្រើនប្រភេទ ដែលនិយមអួតអាង ពីសំភារៈផ្ទាល់ខ្លួនទំនើបៗ ហាងអាហារថ្លៃៗ និងកន្លែងអស្ចារ្យ ដែលពួកគេបានទៅ។

ដែលទាំងនេះ ធ្វើឲ្យមនុស្សមួយចំនួនជឿលង់ ប្រសិនបើអ្នកទាំងនោះជាជនបោកប្រាស់ ឬប្រើរបស់ទាំងនោះជានុយសម្រាប់ទាក់ចិត្តមនុស្សដែលឆាប់ជឿគេ។
តែយ៉ាងណា ក៏យើងត្រូវដឹងនិងសិក្សាស្វែងយល់ពីពួកគេឲ្យបានច្បាស់ មុនដាក់ចិត្តជឿលង់ និងដើរតាម ឬចាត់ទុកជានិមិត្តរូប។
យ៉ាងណាមិញ មនុស្សទាំងនោះមកបង្អួតសម្ភារៈនិយមលើយើង គឺដើម្បីតែ ៖
១ ដើម្បីបានចំណាប់អារម្មណ៍ពីអ្នកជុំវិញ ឬឲ្យគេកោតក្រែងពីខ្លួន
ការបង្ហោះសំភារៈនិយមលើបណ្ដាញសង្គម បានក្លាយជារឿងធម្មតាទៅហើយ! ប៉ុន្តែបើទោះជាបីជាធម្មតាសាមញ្ញក៏ដោយ យើងក៏ត្រូវចេះប្រុងប្រយ័ត្នខ្លះៗ ពីអ្វីដែលពួកគេចង់បង្ហាញ។ អ្នកខ្លះ អួតនេះ អួតនោះ តាមអ្វីដែលខ្លួនមាន ដែលទាំងនេះ គឺគេចង់បងា្ហញឲ្យមនុស្សជុំវិញកោតក្រែងរិទ្ធអំណាច និងចូលចិត្ត ឬគោរពអ្វីដែលគេមានអ្វីគ្រប់យ៉ាងក្នុងដៃប៉ុណ្ណឹងឯង។ អ្នកខ្លះមិនសូវទទួលបានប្រជាប្រិយភាពពីមនុស្សជុំវិញខ្លួន ក៏ប្រើសំភារៈនិយម អូសទាញគេមកជិតខ្លួន ក៏មាន។
២ មានសំពាធផ្លូវចិត្ត ឬទទួលរងឥទ្ធិពលពីមនុស្សជុំវិញ
នេះជារឿងពិត ប្រសិនបើអ្នកគ្មានទូរសព្ធទំនើបកាន់នឹងដៃដូចគេ តើនៅសុខទេ? ហើយបើអ្នកជាមនុស្សចូលចិត្តដូរស៊េរីថែមទៀតនោះ។ ឥទ្ធិពលពីមនុស្សម្នាក់ៗជុំវិញយើង គឺសំខាន់ណាស់ អ្នកខ្លះត្រាប់តាមគេ បើឃើញគេមានអី ខ្លួនក៏មានដើម្បីកុំឲ្យគេគិតថាខ្លួនអន់ មិនមានរបស់ល្អប្រើនឹងគេ។ ការទទួលរងឥទ្ធិពលពីមនុស្សជុំវិញ នឹងធ្វើឲ្យបុគ្គលនោះមានសំពាធផ្លូវចិត្ត បើខ្លួនមិនស្អាត មិនឡូយ មិនទាក់ចិត្តអ្នកផង គឺមិនបានតែម្ដង។
៣ ចាយលុយតាមតែអារម្មណ៍
នេះក៏ជាបញ្ហាមួយមិនអាចប្រកែកបាន! បើរាល់ពេលដែលខូចចិត្ត អន់ចិត្ត អារម្មណ៍មិនល្អ ក៏គិតថាចាយលុយទើបសប្បាយចិត្ត។ ទិញទំនិញទើបសប្បាយចិត្ត លែងសៅហ្មងវិញ! បើម្លឹងៗ ធានាថា ប្រាក់ខែប៉ុន្មានក៏អស់ៗ គ្មានសល់ដែរ។ សូមកុំឲ្យសម្ភារៈនិយម អូសទាញយើងបានឲ្យសោះ ត្រឹមល្មមៗចុះចំណោមនឹងគេ គឺល្អពេកហើយ។ បើសិនត្រូវទិញក៏គិតឲ្យបាន៥ដងសិន ឬពិចារណាពីហេតុផលដែលត្រូវទិញដែរ។

ចូរកុំភ្លើតភ្លើនតាមគេ និយមតាមគេ ដោយមិនបានគិតពិចារណាឲ្យបានដិតដល់! ការចាយវាយតាមគេ ដោយមិនគិតពីប្រាក់ចំណូលខ្លួនឯង នឹងនាំឲ្យពិបាកខ្លួន មានបញ្ហាទៅថ្ងៃមុខ។ កុំប្រើទម្លាប់ឃើញគេហ៉ឺហារ គេមានបាន ក៏យកតម្រាប់តាមគេ ទាំងដែលខ្លួនមិនមានសមត្ថភាពឈោងដល់។
មនុស្សគ្រប់គ្នាមានផែនការរស់នៅ និងរបៀបរបបចាយវាយខុសៗគ្នា ដូច្នេះកុំធ្វើតាមគេ ដើម្បីបានឲ្យគេសរសើរខ្លួននោះ។ សំភារៈនិយម នឹងជួយលើកដំកើងឲ្យយើងបានខ្ពង់ខ្ពស់ ចុះចំណោមនឹងគេ ប៉ុន្តែមិនអាចជួយឲ្យចរិតនិយមអួតអាង ច្រណែន ឬភាពថ្លៃថ្នូរ ឡើងតាមវត្ថុទាំងនោះបានឡើយ៕
អត្ថបទ៖ សាងស្រីល័ក្ខ
ចុចអាន៖ឈប់ចាយលុយលើសម្ភារៈនិយម យើងនឹងបានអត្ថប្រយោជន៏ទាំងនេះមកវិញ
ចុចអាន៖បំណុលវ័ណ្ឌកមិនស្របច្បាប់ កើតឡើងដោយសារតែប៉ុន្មានយ៉ាងនេះឯង!
ចុចអាន៖ចំណុចគួរពិចារកណា មុនសម្រេចចិត្តខ្ចីលុយពីកន្លែងខុសច្បាប់

-
ព័ត៌មានអន្ដរជាតិ១ សប្តាហ៍ ago
ពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
-
បច្ចេកវិទ្យា៤ ថ្ងៃ ago
OPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានជាតិ៨ ម៉ោង ago
អគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
ព័ត៌មានអន្ដរជាតិ៦ ថ្ងៃ ago
ថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ៦ ថ្ងៃ ago
កម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៤ ថ្ងៃ ago
រដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ៦ ថ្ងៃ ago
«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម១០ ម៉ោង ago
ជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន