KPT+

ឈប់ចាយលុយលើសម្ភារៈនិយម យើងនឹងបានអត្ថប្រយោជន៏ទាំងនេះមកវិញ

បានផុស

៤ years មុន

នៅ

ថ្ងៃព្រហស្បតិ៍ ២៨ តុលា ២០២១

ដោយ

សម្ភារៈនិយម សំដៅដល់របស់ប្រើដែលនិយមប្រេនៗ និងហ៊ឺហារថ្លៃកប់ពពក សម្រាប់អ្នកមានលុយចាយលើរបស់ដែលគេពេញចិត្ត។ ប៉ុន្តែចំពោះយើងដែលមិនសូវមានធនធាន ប្រាក់ខែល្មមម៉ារស់ៗនៅក្នុងជីវភាពរាល់ថ្ងៃនេះ។ តើយើងទៅប្រជែងឡូយឆាយ ជាមួយពួកគេដែរឬយ៉ាងណា?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការហក់លោតចាយលុយលើរបស់ទំនើប យើងក៏ត្រូវគិតដែរ មិនមែនន័យនេះ មិនឲ្យអ្នកមិនទិញវាសោះឡើយ។ តែយើងទិញក្នុងខណៈចាំបាច់មែនទែន ឬវាជាប្រយោជន៍ដល់យើង ក្នុងការងារជាដើម។

តែបើយើងគ្រប់គ្នាឈប់រត់តាមសម្ភារៈនិយម ហើយងាកមកសន្សំលុយទុកវិនិយោគលើអ្វីមួយ យើងនឹងបានមកវិញនូវ ៖

១ លុយសល់ក្នុងកុងឬបានសន្សំទុករាល់ខែ

សម្ភារៈនិយមនឹងធ្វើឲ្យយើងឡូយឆាយ តែមិនបានធ្វើឲ្យលុយក្នុងដៃយើងនៅមានឡើយ។ យើងទទួលស្គាល់ថា សម័យនេះមានរបស់ទំនើបៗក្នុងខ្លួន ទើបចូលចុះនឹងគេ។ តែមិនមែនគ្រប់សម្ភារៈនិយមទាំងអស់ សុទ្ធតែធ្វើឲ្យយើងមានកិត្តយស និងភាពថ្លៃថ្នូរតាមរបស់នោះទេ។

២ មានលុយវិនិយោគ

កុំរស់នៅដូចអភិជន ប្រសិនបើយើងជាអ្នកដែលពុំសូវមានធនធានដូចអ្នកមានទូទៅ។ លុយកាក់ងាយស្រួលរក តែដែរពិបាកនោះ ការសន្សំទុកយកទៅធ្វើស្អីខ្លះ ក្នុងវេលានេះ។ សម្ភារៈនិយមនឹងធ្វើឲ្យលុយកាន់តែខោច តែប្រាក់សន្សំទុកនិងការយកទៅវិនិយោគ នឹងធ្វើឲ្យលុយកាន់តែកើន។ ទោះចំណេញតិចឬច្រើន វាក៏ជាញើសឈាមយើងដែរ។

៣ បានជីវិតស្រស់ស្រាយមកវិញ

ជាក់ស្ដែង នេះគឺជាការពិត មិនអាចប្រកែកបានឡើយ! សម្ភារៈនិយម នឹងធ្វើឲ្យមនុស្សដែលនិយមចូលចិត្តរងសំពាធផ្លូវចិត្ត។ ឧទាហរណ៍ថា បុគ្គលម្នាក់នោះមួយថ្ងៃៗអង្គុយឆែកតែទូរសព្ទរកខោអាវប្រនៗ របស់ល្អ ថាថ្ងៃណាចេញនឹងអាលទិញ។ នោះគេកំពុងតែមានអារម្មណ៍តឹងទ្រូង ថប់ជាមួយសម្ភារៈនិយមហើយ។ បើមិនបានទិញមុនគេ ឬមិនបានរបស់នោះមកអោបជាប់ទ្រូង គឺនៅមិនសុខឡើយ។ បើយើងឈប់ប្រើរបស់ទំនើបៗលើសពីប្រាក់ចំណូល នោះយើងនឹងបានជីវិតស្រស់ស្រាយមកវិញ ។ ជឿមិនជឿ សាកល្បងព្រលែងចោលសិន កុំរស់អោបវា នាំតែធ្ងន់ចិត្ត។

៤ បានមិត្តភាពពិត

ចុងក្រោយនេះមានន័យណាស់! ក្នុងសង្គមបច្ចុប្បន្ននេះ មិត្តពិតពិបាករកខ្លាំង។ អ្នកខ្លះចូលមករកយើង ព្រោះយើងមានរបស់ទំនើបៗក្នុងខ្លួន មានលុយប៉ាវគេហូបអីប៉ុណ្ណឹងឯង។ ចុះបើយើងអត់លុយប៉ាវគេ អត់ខោអាវឡូយស្លៀកទៅជួបគេ តើគេនឹងព្រមរាប់អានយើងអត់ ប្រសិនបើក្រុមនោះជាមនុស្សអួតអាង រាប់អានបន្លំៗ និងនិយមសម្ភារៈនិយមដែរ។

មិត្តភាពពិត ទោះយើងក្រគ្មានលុយប៉ាវគេ ក៏គេនៅតែរាប់អានយើងឥតកែប្រែដែរ។

ចងចាំថា សម្ភារៈនិយមបានត្រឹមលម្អខ្លួនឲ្យឡូយឆាយ ដើរទាន់សង្គមនាបច្ចុប្បន្ននេះ ឬអាចបង្ហាញថាយើងមានឥទ្ធិពលលើសគេហ្នឹងឯង! ប្រសិនបើចៀសមិនបាន ត្រូវតែទិញរបស់ទំនើបៗពិតមែន សូមគិតឲ្យច្បាស់សិនថា សម្ភារៈនិយមទាំងនោះជួយអីយើងបានខ្លះ។ យើងចាំបាច់ត្រូវប្រើ ចាំបាច់ត្រូវតែមានពិតមែនឬយ៉ាងណា។ បើមានប្រយោជន៍ជួយដល់ការងារយើង ចូរទិញចុះ! តែទិញឲ្យបានគុណភាពជីវិត មិនមែនទិញអួតអាងគ្នា ទិញផ្គាប់អ្នកណា ឬទិញមកដើម្បីតែឡូយឆាយមួយមុខ៕

អត្ថបទ៖ សាង ស្រីល័ក្ខ

ចុចអាន៖៥ រឿង សំខាន់បំផុតក្នុងជីវិត មិនចាំបាច់ប្រាប់គេឲ្យបានដឹងឡើយ

ចុចអាន៖បំណុលវ័ណ្ឌកមិនស្របច្បាប់ កើតឡើងដោយសារតែប៉ុន្មានយ៉ាងនេះឯង!

ចុចអាន៖ចំណុចគួរពិចារកណា មុនសម្រេចចិត្តខ្ចីលុយពីកន្លែងខុសច្បាប់